ଚାକିରିରୁ ଇସ୍ତଫା ଦେବାକୁ ଯାଉଥିଲେ ଏହି ଜିନିଷ ପ୍ରତି ଦିଅନ୍ତୁ ଧ୍ୟାନ, ନଚେତ୍ ବହୁ ଅସୁବିଧାର କରିବାକୁ ପଡ଼ିବ ସାମ୍ନା
କ୍ୟାରିୟରରେ ବୃଦ୍ଧି ପାଇଁ ଆମେ ଅନେକଥର ଭଲ ସୁଯୋଗ ମିଳିବା କିମ୍ବା ପୁରୁଣା କମ୍ପାନୀରେ ସମସ୍ୟା ହେତୁ ଆମକୁ ଚାକିରି ବଦଳାଇବାକୁ ପଡ଼ିଥାଏ । ପୁରୁଣା ଚାକିରି ଛାଡ଼ିବା ବା ପରିବର୍ତ୍ତନ କରିବାର ଅନେକ କାରଣ ରହିଥାଏ । ଯଦି ଆପଣ ମଧ୍ୟ ଏପରି କିଛି କରିବାକୁ ଯାଉଛନ୍ତି, ତେବେ କିଛି ଜିନିଷ ପ୍ରତି ଧ୍ୟାନ ରଖିବା ଅତ୍ୟନ୍ତ ଜରୁରୀ ।
ପ୍ରଥମେ ଖୋଜନ୍ତୁ ଆଉ ଏକ ଚାକିରି :-
ପୁରୁଣା ଚାକିରିରେ ଯେତେ ବି ସମସ୍ୟା ଥିଲେ ନା କାହିଁକି, ତାକୁ ଛାଡ଼ିବା ପୂର୍ବରୁ ନୂଆ ଚାକିରି ଖୋଜିରଖନ୍ତୁ । ଜବ୍ ବିନା ନୂଆ ଚାକିରି ହାସିଲ କରିବା ଓ ଭଲ ଦରମା ପାଇବାରେ ବହୁତ ଅସୁବିଧା ଆସିପାରେ ।
ରାଗରେ ଚାକିରି ଛାଡନ୍ତୁ ନାହିଁ :-
ଯଦି ଆପଣ କେବେ ବସ୍ କିମ୍ବା ସହକର୍ମୀଙ୍କ କିଛି ବିଷୟ ଉପରେ କ୍ରୋଧିତ ହେଉଛନ୍ତି ବା କିଛି କଥା ଭଲ ନଲାଗୁଛି, ତେବେ ତୁରନ୍ତ ଚାକିରି ଛାଡ଼ିବାର ନିଷ୍ପତ୍ତି ନିଅନ୍ତୁ ନାହିଁ । ଏହା ଫଳରେ ପୁରୁଣା କମ୍ପାନୀ ସହିତ ନୂଆ କମ୍ପାନୀରେ ମଧ୍ୟ ଆପଣଙ୍କର ଖରାପ ଇମ୍ପ୍ରେସନ୍ ପଡ଼ିବ ।
ସିନିୟରମାନଙ୍କୁ ଜଣାଇବା ଜରୁରୀ :-
ଯଦି କୌଣସି ଅସୁବିଧା ଅଛି ତେବେ ପ୍ରଥମେ ଆପଣଙ୍କର ସିନିୟରମାନଙ୍କ ସହିତ ଏହା ବିଷୟରେ କଥାବାର୍ତ୍ତା କରନ୍ତୁ, ତା’ପରେ ଚାକିରି ବଦଳାଇବାକୁ କିମ୍ବା ଛାଡିବାକୁ ଚିନ୍ତା କରନ୍ତୁ । ହୋଇପାରେ କି ସେହି ସ୍ତରକୁ ଆସିଲା ପରେ ସମସ୍ୟାର ସମାଧାନ ହୋଇଯିବ ।
ନୋଟିସ୍ ପିରିୟଡ୍ ପୂରଣ କରନ୍ତୁ :-
ଯେଉଁଠାରେ ଆପଣ କାମ କରନ୍ତି ସେହି କମ୍ପାନୀରେ ନିୟମ ଅନୁସରଣ କରନ୍ତୁ । ଚାକିରି ଛାଡିବା ପୂର୍ବରୁ ନୋଟିସ୍ ଦିଅନ୍ତୁ । ନୋଟିସ୍ ପିରିୟଡ୍ ସଂପୂର୍ଣ୍ଣ କରନ୍ତୁ ଏବଂ ଅଧିକାରୀମାନଙ୍କୁ ଠିକ୍ ସମୟରେ ସୂଚନା ଦିଅନ୍ତୁ ।
ନିଜର କାମ ସମାପ୍ତ କରନ୍ତୁ :-
ନିଜର ଟାର୍ଗେଟ କିମ୍ବା ପ୍ରୋଜେକ୍ଟ କିମ୍ବା ଯେଉଁ କାମ ହାତକୁ ନେଇଛ, ତାହାକୁ ଶେଷ କରିକି ହିଁ ଯାଅ । ଏପରି କରିବା ଦ୍ୱାରା ପୁରୁଣା କମ୍ପାନୀ ସହିତ ମଧ୍ୟ ଆପଣଙ୍କର ଭଲ ସମ୍ପର୍କ ବଜାୟ ରଖିବ ।
ଭଲ ନୋଟରେ ଚାକିରି ଛାଡନ୍ତୁ :-
ଚାକିରି ଛାଡିବା କିମ୍ବା ପରିବର୍ତ୍ତନ କରିବା ସମୟରେ, ସମସ୍ତଙ୍କ ସହିତ ସଠିକ୍ ଭାବରେ କଥାବାର୍ତ୍ତା କରନ୍ତୁ, ସେମାନଙ୍କୁ କୁହନ୍ତୁ ଓ ନିୟମ ପାଳନ କରି ଯାଆନ୍ତୁ । କାହା ବିରୁଦ୍ଧରେ ମେଲ ଲେଖି ବା ଝଗଡ଼ା କରି କାମ ଛାଡନ୍ତୁ ନାହିଁ ।
ପର୍ସନାଲ ଡାଟା ହଟାଇ ଦିଅନ୍ତୁ :-
ଯେଉଁଠାରେ ଆପଣ କାମ କରନ୍ତି ସେହି କମ୍ପ୍ୟୁଟର, ଲାପଟପ୍ କିମ୍ବା ଆଇଡିରୁ ଆପଣଙ୍କର ସମସ୍ତ ଡାଟା ଡିଲିଟ୍ କରନ୍ତୁ । କୌଣସି ବ୍ୟକ୍ତିଗତ ଜିନିଷ କିମ୍ବା ଫଟୋ, ଡକ୍ୟୁମେଣ୍ଟ, ମେଲ ଇତ୍ୟାଦି ପୁରୁଣା ଅଫିସରେ ଛାଡନ୍ତୁ ନାହିଁ ।
