ଓଲଟିଲା ରାମଲଲାଙ୍କ ଦର୍ଶନ ପାଇଁ ଯାଉଥିବା ପର୍ଯ୍ୟଟନ ବସ୍, ଅନେକ ଆହତ
ଲକ୍ଷ୍ନୌ: ଉତ୍ତରପ୍ରଦେଶର ବଳରାମପୁର ଜିଲ୍ଲାରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି, ଯେଉଁଠାରେ ଘନ କୁହୁଡ଼ି ଯୋଗୁଁ ପର୍ଯ୍ୟଟକ ଭର୍ତ୍ତି ବସ୍ ଓଲଟି ପଡିଛି। ଏହି ଦୁର୍ଘଟଣାରେ ୧୫ ରୁ ଅଧିକ ପର୍ଯ୍ୟଟକ ଆହତ ହୋଇଛନ୍ତି। ଅମ୍ବିକାପୁର-ବନାରସ ମୁଖ୍ୟ ରାସ୍ତାରେ ଥିବା ୱାଡ୍ରାଫନଗର ନିକଟରେ ଏହି ଦୁର୍ଘଟଣା ଘଟିଛି। ତେବେ ଏପର୍ଯ୍ୟନ୍ତ ଏହି ଦୁର୍ଘଟଣାରେ କୌଣସି ମୃତ୍ୟୁ ଖବର ସାମ୍ନାକୁ ଆସିନାହିଁ।
ପର୍ଯ୍ୟଟକ ଭର୍ତ୍ତି ଏହି ବସ୍ ଛତିଶଗଡ ଦୁର୍ଗରୁ ଅଯୋଧ୍ୟାକୁ ଯାଉଥିଲା। ବସର ସମସ୍ତ ଯାତ୍ରୀ ରାମଲାଲାଙ୍କୁ ଦର୍ଶନ କରିବାକୁ ଅଯୋଧ୍ୟା ଯାଉଥିଲେ। ଏହି ସମୟରେ ଅମ୍ବିକାପୁର-ବନାରସ ମୁଖ୍ୟ ରାସ୍ତାରେ ଖରହରା ନଦୀ ବନ୍ଧ ନିକଟରୁ ଆସୁଥିବା ପିକଅପ୍ କୁ ବଞ୍ଚାଇବାକୁ ଚେଷ୍ଟା କରୁଥିବାବେଳେ ବସ୍ ନିୟନ୍ତ୍ରଣ ବାହାରକୁ ଯାଇ ରାସ୍ତାରୁ ଓଲଟି ପଡିଥିଲା।
ସୂଚନାନୁସାରେ, ଦୁର୍ଘଟଣା ସମୟରେ ବସ୍ରେ ପ୍ରାୟ ୪୨ ପର୍ଯ୍ୟଟକ ଥିଲେ, ଯେଉଁଥିରୁ ୧୫ ଜଣ ତୀର୍ଥଯାତ୍ରୀ ଆହତ ହୋଇଛନ୍ତି। ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ନିକଟସ୍ଥ ୱାଡ୍ରାଫନଗର ସିଭିଲ ହସ୍ପିଟାଲରେ ଭର୍ତ୍ତି କରିଥିଲା। ପୋଲିସର ସୂଚନାନୁସାରେ ଘନ କୁହୁଡି ଯୋଗୁଁ ଏହି ଦୁର୍ଘଟଣା ଘଟିଛି। କୁହୁଡ଼ି ହେତୁ ରାସ୍ତାର ଦୃଶ୍ୟମାନତା ବହୁତ କମ୍ ଥିଲା, ତେଣୁ ଏହି କାରଣରୁ ବସ୍ ଓଲଟି ପଡିଥାଇପାରେ ବୋଲି ଆଶଙ୍କା କରାଯାଉଛି।
कोहरा बन रहा मुसीबत: श्रद्धालुओं को लेकर छत्तीसगढ़ से वृंदावन जा रही टूरिस्ट बस पलटी, 40 से अधिक लोग थे सवार, सिविल अस्पताल में चल रहा इलाज …#fog #tourist #BusAccident https://t.co/CGltYlXM74
— Lalluram News (@lalluram_cg) January 10, 2024
