SCO meeting: ଭାରତରେ ପହଞ୍ଚିଲେ ପାକିସ୍ତାନ ବୈଦେଶିକ ମନ୍ତ୍ରୀ ବିଲାୱାଲ ଭୁଟ୍ଟୋ ଜାରଦାରୀ, କହିଲେ-ଗଠନମୂଳକ ଆଲୋଚନା ପାଇଁ ପ୍ରସ୍ତୁତ
ଗୋଆ: ପାକିସ୍ତାନର ବୈଦେଶିକ ମନ୍ତ୍ରୀ ବିଲାୱାଲ ଭୁଟ୍ଟୋ ଜରଦାରୀ ଗୁରୁବାର ଆସି ଭାରତରେ ପହଞ୍ଚିଛନ୍ତି । ଗୋଆରେ ୪ ଏବଂ ୫ ମେରେ ହେବାକୁ ଥିବା ସାଂଘାଇ କର୍ପୋରେସନ୍ ସଂଗଠନ (ଏସସିଓ) ବୈଦେଶିକ ମନ୍ତ୍ରୀଙ୍କ ବୈଠକରେ ଭାଗ ନେବାକୁ ସେ ଭାରତ ଗସ୍ତରେ ଆସିଛନ୍ତି । ତାଙ୍କର ଏହି ଯାତ୍ରା କେବଳ ଏସ୍ସିଓ ସମ୍ମିଳନୀ କେନ୍ଦ୍ରୀକ ରହିଛି । ଏହି ଗସ୍ତ ସମ୍ପର୍କରେ ବିଲାୱାଲ ଭୁଟ୍ଟୋ କହିଛନ୍ତି ଯେ, ସେ ଭାରତ ଗସ୍ତରେ ଆସି ଉତ୍ସାହିତ ଅଛନ୍ତି । ସେ ଏକ ଭିଡିଓ ଜାରି କରି କହିଛନ୍ତି କି, ‘ମୁଁ ସଂଘାଇ କର୍ପୋରେସନ୍ ସଂଗଠନରେ ପାସକିସ୍ତାନ ପ୍ରତିନିଧୀ ମଣ୍ଡଳର ନେତୃତ୍ୱ କରିବେ । ଏହି ବେଠକରେ ସାମିଲ ହେବା ଏସ୍ସିଓ ଚାର୍ଟର ପ୍ରତି ପାକିସ୍ତାନର ମଜବୁତ ପ୍ରତିବଦ୍ଧତାକୁ ଦର୍ଶାଉଛି।’
୨୦୧୧ ପରେ ପ୍ରଥମ ଥର ପାକିସ୍ତାନ ବୈଦେଶିକ ମନ୍ତ୍ରୀ ଭାରତ ଗସ୍ତରେ ଆସିଛନ୍ତି । ପାକିସ୍ତାନର ବୈଦେଶିକ ମନ୍ତ୍ରଳାୟ କାର୍ଯ୍ୟାଳୟ କହିଛି ଯେ ବର୍ତ୍ତମାନର ଏସସିଓ ଅଧ୍ୟକ୍ଷ ଭାରତ ପକ୍ଷରୁ ଏସସିଓ-ସିଏଫଏମ ବୈଠକରେ ଯୋଗଦେବା ପାଇଁ ବୈଦେଶିକ ମନ୍ତ୍ରୀ ଏସ. ଜୟଶଙ୍କର ପାକିସ୍ତାନର ବୈଦେଶିକ ମନ୍ତ୍ରୀ ବିଲାୱାଲ ଭୁଟ୍ଟୋ ଜାରଦାରୀଙ୍କୁ ନିମନ୍ତ୍ରଣ ପଠାଇଥିଲେ ।
#WATCH | Pakistani Foreign Minister Bilawal Bhutto Zardari lands at Goa's Dabolim to attend Shanghai Cooperation Organisation's (SCO) foreign ministers' meeting.
(Source: Pakistan MoFA) pic.twitter.com/6ZtTmRCdL7
— ANI (@ANI) May 4, 2023
ଭାରତରେ ବିଲାୱାଲ ଭୁଟ୍ଟୋଙ୍କ ଆଗମନ ପାକିସ୍ତାନର ଏଜେଣ୍ଡାରେ ଏକ ପ୍ରମୁଖ ପରିବର୍ତ୍ତନ ଭାବରେ ଦେଖାଯାଉଛି । ଅଦ୍ୟାବଧି କାଶ୍ମୀର ପ୍ରସଙ୍ଗରେ ଗୁରୁତ୍ୱପୂର୍ଣ୍ଣ ଫୋରମ୍ ଠାରୁ ଦୂରତା ବଜାୟ ରହିଥିଲା । ଅନ୍ୟପକ୍ଷରେ ଆତଙ୍କବାଦ ଶେଷ ନହେବା ପର୍ଯ୍ୟନ୍ତ ଭାରତ ପାକିସ୍ତାନ ସହିତ ଆଲୋଚନା କରିବାକୁ ମନା କରିଦେଇଛି । ଏଭଳି ପରିସ୍ଥିତିରେ କାଶ୍ମୀରର ଉତ୍ସାହ ଛାଡି ପାକିସ୍ତାନ ଭାରତକୁ ଆସିବା ଏକ ବଡ ପରିବର୍ତ୍ତନର ସଙ୍କେତ ଦେଉଛି ।
On my way to Goa, India. Will be leading the Pakistan delegation at the Shanghai Cooperation Organization CFM. My decision to attend this meeting illustrates Pakistan’s strong commitment to the charter of SCO.
During my visit, which is focused exclusively on the SCO, I look… pic.twitter.com/cChUWj9okR
— BilawalBhuttoZardari (@BBhuttoZardari) May 4, 2023
ରିପୋର୍ଟ ଅନୁଯାୟୀ ଏହି ସମ୍ମିଳନୀ ସମୟରେ ଭାରତର ବିଦେଶ ମନ୍ତ୍ରୀ ଏସ୍ଜୟଶଙ୍କର ଏବଂ ବିଲାୱାଲ ଭୁଟ୍ଟୋଙ୍କ ମଧ୍ୟରେ କୌଣସି ସାକ୍ଷାତ ହେବାର ସୂଚନା ନାହିଁ । ତେବେ ଡିନର ଏବଂ ସାଂସ୍କୃତିକ କାର୍ଯ୍ୟକ୍ରମ ସମୟରେ ଦୁଇ ବିଦେଶ ମନ୍ତ୍ରୀ ଆମନା ସାମନା ହୋଇପାରନ୍ତି ।
୨୦୦୮ ରେ ମୁମ୍ବାଇ ଆତଙ୍କବାଦୀ ଆକ୍ରମଣ ପାକିସ୍ତାନର ଲଶ୍କର-ଏ-ତାଇବା ଦ୍ୱାରା କରାଯାଇଥିଲା । ସେବେଠାରୁ ଦୁଇ ଦେଶ ମଧ୍ୟରେ କୌଣସି ଆନୁଷ୍ଠାନିକ ଆଲୋଚନା ହୋଇନାହିଁ । କେବଳ ଏତିକି ନୁହେଁ, ୨୦୧୯ ରେ ପୁଲୱାମା ଆକ୍ରମଣ ପରେ ଏବଂ ଜାମ୍ମୁ କାଶ୍ମୀରରୁ ଧାରା ୩୭୦ କୁ ଭାରତ ହଟାଇବା ପରେ ଦୁଇ ଦେଶ ମଧ୍ୟରେ ସମ୍ପର୍କ ଆହୁରି ନିମ୍ନ ସ୍ତରରେ ପହଞ୍ଚିଛି ।