SmartWatch ଉପରେ କରନ୍ତୁ ନାହିଁ ଭରଷା, ନଚେତ ବିପଦରେ ପଡିପାରେ ଆପଣଙ୍କ ଜୀବନ ! ଜାଣନ୍ତୁ କଣ କହିଲେ ଡାକ୍ତର
ନୂଆଦିଲ୍ଲୀ:ବର୍ତ୍ତମାନ ସମୟରେ ପ୍ରାୟ ସମସ୍ତଙ୍କ ପାଖରେ ଯେପରି ଫୋନ ଥିବା ଥୟ ଠିକ ସେହି ପରି ଡିଜିଟାଲ୍ ସ୍ମାର୍ଟ ୱାଚ୍ ମଧ୍ୟ ସମସ୍ତଙ୍କ ପାଖରେ ଅଛି । ଯାହା ଦ୍ୱାରା ବିଭିନ୍ନ ଉପାୟରେ ସ୍ୱାସ୍ଥ୍ୟ ମନିଟରିଂ କରାଯାଇପାରିବ । କିନ୍ତୁ ଅନେକ ଲୋକ ସ୍ମାର୍ଟୱାଚ୍ ର ତଥ୍ୟକୁ ସମ୍ପୂର୍ଣ୍ଣ ସତ୍ୟ ଭାବରେ ଗ୍ରହଣ କରନ୍ତି । ହେଲେ ବେଳେବେଳେ ଏପରି କରିବା ସାଂଘାତିକ ପ୍ରମାଣିତ ହୋଇପାର। ସ୍ମାର୍ଟୱାଚ୍ ବ୍ୟବହାର ବିଷୟରେ ଡାକ୍ତରମାନେ କ’ଣ କୁହନ୍ତି ଆଉ ଏହାକୁ ପରିଧାନ କରିବା କିପରି ଆସନ୍ତୁ ଜାଣିବା :
ସ୍ମାର୍ଟୱାଚ୍ ହେଉଛି ଏକ ଡିଜିଟାଲ୍ ଘଣ୍ଟା ଯାହା ଆପଣଙ୍କର କାର୍ଯ୍ୟକଳାପ ଏବଂ ସ୍ୱାସ୍ଥ୍ୟ ଉପରେ ନଜର ରଖେ ଏବଂ ଆପଣ ସେହି ତଥ୍ୟକୁ ବିଶ୍ଳେଷଣ କରିପାରିବେ । ଆଜିର ସମୟରେ, ଲୋକମାନେ ଫିଟନେସ୍ ପାଇଁ , କ୍ୟାଲୋରୀ ବର୍ନ କରୁଥିବାର ଦେଖିଥିବେ । ତେବେ ଏହି ୱାଚ ମାଧ୍ୟମରେ ଚାଲିବା ଗଣନା କରିବା, ରକ୍ତଚାପ ଯାଞ୍ଚ କରିବା, ଶୋଇବା କାର୍ଯ୍ୟକଳାପ ମାପିବା, ହୃଦସ୍ପନ୍ଦନ ଇତ୍ୟାଦି ଜାଣିବା ପାଇଁ ବ୍ୟବହାର କରାଯାଉଛି ।
ତେବେ ସ୍ମାର୍ଟ ୱାଚ୍ ନିଶ୍ଚିତ ଭାବରେ କିଛି ସ୍ୱାସ୍ଥ୍ୟ ସମ୍ବନ୍ଧୀୟ ବୈଶିଷ୍ଟ୍ୟଗୁଡିକ ଅଛି,କିନ୍ତୁ ଏହାକୁ ଲୋକମାନେ ଅନ୍ଧ ଭାବରେ ବିଶ୍ୱାସ କରନ୍ତି । ଏହା କରିବା ବେଳେବେଳେ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ । ଆମେ ସ୍ମାର୍ଟ ୱାଚ୍ କୁ ଏକ ଚିକିତ୍ସା ଉପକରଣ ଭାବରେ ବ୍ୟବହାର କରିପାରିବା କି? ଏ ବିଷୟରେ ଡାକ୍ତରଙ୍କ ମତ ହେଉଛି ନାଁ।
ସ୍ୱାସ୍ଥ୍ୟ ବିଶେଷଜ୍ଞ ତଥା କନସଲଟାଣ୍ଟ-ଇଣ୍ଟରଭେନସନାଲ କାର୍ଡିଓଲୋଜିଷ୍ଟ୍, ଡକ୍ଟର ହରେଶ ଜି ମେହତାଙ୍କ କହିବା ଅନୁସାରେ ସ୍ମାର୍ଟୱାଚ୍କୁ ଏକ ଛୋଟ କମ୍ପ୍ୟୁଟର ଭଳି । ଏହାର ଅନେକ କାର୍ଯ୍ୟ ଅଛି। ଆଜି ଅନେକ ଲୋକ ସ୍ମାର୍ଟ ୱାଚ୍ ବ୍ୟବହାର କରୁଛନ୍ତି । ସେମାନଙ୍କଠାରୁ ପ୍ରାପ୍ତ ତଥ୍ୟ ଅନୁଯାୟୀ, ଏହା ଦ୍ଵାରା ସେମାନେ ନିଜ ସ୍ୱାସ୍ଥ୍ୟର ଆକଳନ କରୁଛନ୍ତି। ସ୍ମାର୍ଟୱାଚ୍ ହୃଦସ୍ପନ୍ଦନ ଏବଂ ଇସିଜି ରିମ୍ ଚିହ୍ନଟ କରିପାରିବ, କିନ୍ତୁ ସ୍ମାର୍ଟ ୱାଚ୍ ହୃଦଘାତ ଚିହ୍ନଟ କରିବ ଏହା ଦାବି କରାଯାଇପାରିବ ନାହିଁ । ସ୍ମାର୍ଟୱାଚ୍ କେବଳ ଆପଣଙ୍କର ଅନିୟମିତ ହୃଦୟର ଗତି ଚିହ୍ନଟ କରିପାରିବ। । ହୃଦସ୍ପନ୍ଦନକୁ ଛାଡିଦେଲେ ଏହା ଅଧିକ କିଛି କହିପାରିବ ନାହଁ ।
ଡକ୍ଟର ହରେଶ ଆହୁରି ମଧ୍ୟ କହିଛନ୍ତି, ଯଦି ଆପଣଙ୍କୁ ସ୍ମାର୍ଟ ୱାଚ୍ ବ୍ୟବହାର କରୁଛନ୍ତି, ତେବେ ଏହାକୁ ଡାକ୍ତରଙ୍କ ତତ୍ତ୍ୱାବଧାନରେ ପରିଧାନ କରନ୍ତୁ। ଏହା ସମ୍ଭବ ଯେ ଆପଣଙ୍କ ସ୍ମାର୍ଟ ୱାଚ୍ ତଥ୍ୟ ଡାକ୍ତରଙ୍କୁ ସାହାଯ୍ୟ କରିପାରିବ। କିନ୍ତୁ ଯେଉଁମାନେ ସ୍ମାର୍ଟ ୱାଚ୍ ତଥ୍ୟକୁ ସମ୍ପୂର୍ଣ୍ଣ ସତ୍ୟ ବୋଲି ବିଶ୍ୱାସ କରୁଛନ୍ତି, ସେମାନେ ନିଜ ଜୀବନ ସହିତ ଖେଳୁଛନ୍ତି ଅବା ନିଜ ଜୀବନକୁ ବିପଦରେ ପକାଉଛନ୍ତି । ତେବେ ଏହାକୁ ପରିଧାନ କରିବା ପରେ ଯଦି କିଛି ଭିନ୍ନ ଅନୁଭବ ହେଉଛି ତେବେ ତୁରନ୍ତ ଡାକ୍ତରୀ ସାହାଯ୍ୟ ନିଅନ୍ତୁ ।
