ମହିଳାଙ୍କ ଚାକିରି ଖାଇଗଲା ବିଲେଇ, ମାଲିକଙ୍କ ପାଖକୁ ପଠାଇଦେଲା ରିଜାଇନ ଲେଟର, ପୂରା ଘଟଣା ଜାଣିଲେ ହେବେ ଆଶ୍ଚର୍ଯ୍ୟ…
ଚୀନ୍ରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି, ଯେଉଁଠାରେ ଜଣେ ମହିଳାଙ୍କ ଚାକିରି ତାଙ୍କ ପୋଷା ବିଲେଇ ଛଡ଼ାଇ ନେଇଛି। କେବଳ ଏତିକି ନୁହେଁ, ଏହି ବିଲେଇ ମହିଳାଙ୍କ ରିଜାଇନ ଲେଟର ମାଲିକଙ୍କ ପାଖକୁ ମଧ୍ୟ ପଠାଇଦେଇଛି । ଏହି ଘଟଣାଟି ଲୋକଲୋଚନକୁ ଆସିବା ମାତ୍ରେ ଖୁବ୍ ଭାଇରାଲ ହେଉଛି, ଯାହା ଉପରେ ୟୁଜର୍ସମାନେ ନାନା କମେଣ୍ଟ ଦେଇଛନ୍ତି ।
ରିଜାଇନ ଦେବା ଏକ ଛୋଟ ଶବ୍ଦ ହୋଇପାରେ କିନ୍ତୁ ଏହା କହିବା ପୂର୍ବରୁ ଜଣେ ବ୍ୟକ୍ତିଙ୍କୁ ବହୁତ କିଛି ଭାବିବାକୁ ଏବଂ ବୁଝିବାକୁ ପଡ଼ିଥାଏ। ଯାହା ଦ୍ଵାରା ସେମାନଙ୍କର ଆର୍ଥିକ ଅବସ୍ଥା ଭଲ ରହିବ। ତଥାପି କିଛି ଲୋକ ଅଛନ୍ତି ଯେଉଁମାନେ ଚାକିରି ଛାଡି ରିଜାଇନ ଦେବାକୁ ମନ ସ୍ଥିର କରନ୍ତି, କିନ୍ତୁ ସେମାନେ ଭାବନ୍ତି ଏବଂ ତା’ପରେ ଗୋଟିଏ ଦିନ ସେମାନଙ୍କ ସହିତ ଏପରି କିଛି ଘଟେ ଯେ ଖେଳ ଶେଷ ହୋଇଯାଏ।
ମିଡିଆ ରିପୋର୍ଟ ଅନୁସାରେ, ଏହି ଘଟଣା ଚୀନର ଚୋଙ୍ଗକିଙ୍ଗ୍ ସହରର, ଯେଉଁଠାରେ ଜଣେ ମହିଳାଙ୍କୁ ତାଙ୍କ ବିଲେଇ ପାଇଁ ଚାକିରି ହରାଇବାକୁ ପଡିଲା ଏବଂ ଏହା ସହିତ ମହିଳା ଜଣକ ଏକ ବଡ଼ କ୍ଷତି ସହିଲେ। ପ୍ରକୃତରେ, ଏଠାରେ ରହୁଥିବା ମହିଳା ଜଣକ ତାଙ୍କ ଚାକିରିରୁ ରିଜାଇନ ଦେବାକୁ ନିଷ୍ପତ୍ତି ନେଇଥିଲେ, କିନ୍ତୁ ସେ ତାଙ୍କର ଆର୍ଥିକ ଆବଶ୍ୟକତା ବିଷୟରେ ଠିକ୍ ଭାବରେ ନିଷ୍ପତ୍ତି ନେଇପାରି ନଥିଲେ ଏବଂ ଚିନ୍ତାରେ ପଡ଼ିଯାଇଥିଲେ । କିନ୍ତୁ ଏହି ସମୟରେ ତାଙ୍କ ପାଖରେ ବସିଥିବା ବିଲେଇ ତାଙ୍କ ସହିତ ଖେଳିବାକୁ ଲାଗିଲା। ବିଲେଇ ଏପରି କଲା ଯେ, ମହିଳା ଜଣକ କିଛି ବୁଝି ପାରିଲେ ନାହିଁ ।
ପ୍ରକୃତରେ ଯାହା ଘଟିଥିଲା ତାହା ହେଲା ଯେତେବେଳେ ସେ ତାଙ୍କ ରିଜାଇନ ବିଷୟରେ ଚିନ୍ତା କରୁଥିଲେ ଏବଂ ଏହି ମେଲ୍ ପଠାଇବେ କି ନାହିଁ ତାହା ଚିନ୍ତା କରୁଥିଲେ, ତାଙ୍କ ବିଲେଇ ଲାପଟପ୍ ଉପରେ ଡେଇଁ ପଡ଼ି ଏଣ୍ଟର୍ ବଟନ୍ ଦବାଇଦେଲା। ପରିଣାମ ସ୍ୱରୂପ ତାଙ୍କର ରିଜାଇନ ଲେଟର ମାଲିକଙ୍କ ମାଲିକଙ୍କ ପାଖକୁ ଚାଲିଗଲା । ଏହା ଦେଖି ମହିଳା ଜଣକ ତୁରନ୍ତ ତାଙ୍କ ମାଲିକଙ୍କ ସହିତ ଯୋଗାଯୋଗ କଲେ ଏବଂ ସମ୍ପୂର୍ଣ୍ଣ କାହାଣୀ ସେୟାର କଲେ। ସେ କହିଲେ ଯେ, ଏସବୁ ତାଙ୍କ ବିଲେଇ ଯୋଗୁ ଘଟିଛି, ମୋର ରିଜାଇନ ଦେବାର କୌଣସି ଉଦେ୍ଦଶ୍ୟ ନ ଥିଲା ବୋଲି ମହିଳା ଜଣକ ମାଲିକଙ୍କୁ କହିଥିଲେ ।
ତଥାପି ମହିଳାଙ୍କ ବସ୍ ତାଙ୍କ ଯୁକ୍ତିକୁ ଗ୍ରହଣ କଲେ ନାହିଁ ଏବଂ ତୁରନ୍ତ ତାଙ୍କ ରିଜାଇନ ଲେଟର ଗ୍ରହଣ କଲେ। ଏହି କାରଣରୁ ସେ କେବଳ ଚାକିରି ହରାଇଲେ ନାହିଁ ବରଂ ବର୍ଷ ଶେଷର ବୋନସ ମଧ୍ୟ ହରାଇଲେ। ଏହି କାହାଣୀ ଜାଣିବା ପରେ ଅଧିକାଂଶ ଲୋକ ଲେଖିଛନ୍ତି ଯେ, ତୁମର ବିଲେଇ କମ୍ପାନୀର ଟଙ୍କା ସଞ୍ଚୟ କଲା। ଏହା ପ୍ରଥମ ଥର ନୁହେଁ, ଆଗରୁ ବି ଏପରି ଅନେକ ପ୍ରାଣୀ କରିଛନ୍ତି ।
