ବିଦେଶରେ ସମ୍ପର୍କ ରଖି ଗର୍ଭବତୀ ହୋଇଥିଲା ଯୁବତୀ, ପିଲା ଜନ୍ମହେବା ପରେ ଦଶ ମହଲାରୁ ଫିଙ୍ଗି କଲେ ହତ୍ୟା
ନୂଆଦିଲ୍ଲୀ: ମରିଗଲା ମମତା, ନବଜାତ ଶିଶୁକୁ ଦଶ ମହଲାରୁ ଫିଙ୍ଗି ହତ୍ୟା କଲା ମା’। ଗୁଜୁରାଟର ଅହମ୍ମଦାବାଦରେ ଜଣେ ଯୁବତୀ ପିଲାଟିକୁ ଜନ୍ମ ଦେବା ପରେ ଦଶମ ମହଲାରୁ ପିଲାଟିକୁ ଫିଙ୍ଗି ଦେଇଥିଲା। ନବଜାତ ଶିଶୁକୁ ହତ୍ୟା କରିବା ପରେ ଏବେ ତାଙ୍କୁ ଗିରଫ କରାଯାଇଛି। ପଚରାଉଚରା ବେଳେ ଯୁବତୀ ପୋଲିସକୁ କହିଥିଲା ଯେ ସେ ବିଦେଶ ଯାଇଥିଲେ ଏବଂ ସେଠାରେ ତାଙ୍କର ସମ୍ପର୍କ ଗଢି ଉଠିଥିଲା।
ଏହି ସମୟରେ ସେ ପ୍ରେମିକ ସହିତ ଶାରୀରିକ ସମ୍ପର୍କ ରଖିଥିଲେ, ଯେଉଁଥିପାଇଁ ସେ ଗର୍ଭବତୀ ହୋଇଥିଲେ। ଯେତେବେଳେ ସେ ଅହମ୍ମଦାବାଦକୁ ଫେରିଲେ ପରେ ଏ ବିଷୟରେ ଜାଣିଲେ। ବଦନାମ ଭୟରେ ସେ ଏହି ପଦକ୍ଷେପ ନେଇଥିବା ଅଭିଯୁକ୍ତ ଯୁବତୀ କହିଛନ୍ତି।
ଏହି ଘଟଣା ଅହମ୍ମଦାବାଦର ଚନ୍ଦ୍ରଖେଦାର ଅଟେ। ଯୁବତୀ ଜଣକ କିଛି ଦିନ ପୂର୍ବରୁ ବିଦେଶରୁ ଫେରିଥିଲେ। ସେ ଏଠାରେ ଚନ୍ଦ୍ରଖେଡାର ଏକ ଆପାର୍ଟମେଣ୍ଟରେ ରହୁଥିଲେ। ଗତ ଦିନ ତଳେ ସେ ଏକ ଶିଶୁ କନ୍ୟା ଜନ୍ମ ଦେଇଥିଲେ। କିନ୍ତୁ ବଦନାମ ହେବାର ଭୟ କରି ସେ ନିଜ ଝିଅକୁ ଦଶ ମହଲାରୁ ତଳେ ପକାଇ ଦେଇଥିଲେ। ଶିଶୁଟିର ଘଟଣାସ୍ଥଳରେ ମୃତ୍ୟୁ ଘଟିଛି।
ଝିଅଟିର ମୃତଦେହ ମିଳିବା ପରେ ଏହା ସେହି ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଥିଲା। ସୂଚନା ପାଇବା ପରେ ପୋଲିସ ତଦନ୍ତ ଆରମ୍ଭ କରିଥିଲା। ବହୁ ଅନୁସନ୍ଧାନ ପରେ ପୋଲିସ ଅଭିଯୁକ୍ତ ମା’କୁ ଗିରଫ କରିଥିଲା। ପୋଲିସ ପଚରାଉଚରା ବେଳେ ଯୁବତୀ ଜଣକ ନିଜ ଅପରାଧ ସ୍ୱୀକାର କରିଛନ୍ତି। ସେ କହିଥିଲେ ଯେ ସେ ବିଦେଶରେ ଥିଲେ ଏବଂ ସେଠାରେ ଗର୍ଭବତୀ ହୋଇଥିଲେ।