ହଠାତ୍ ମଣିଷ ପରି ସାମ୍ନାରେ ଠିଆ ହୋଇଗଲା କିଙ୍ଗ୍ କୋବ୍ରା, ଭିଡିଓ ଦେଖିଲେ ଟାଙ୍କୁରି ଉଠିବ ଲୋମ
ସାପକୁ ବିଶ୍ୱର ସବୁଠାରୁ ବିପଦପୂର୍ଣ୍ଣ ପ୍ରାଣୀ ମଧ୍ୟରେ ବିବେଚନା କରାଯାଏ ଏବଂ ଯେତେବେଳେ କିଙ୍ଗ୍ କୋବ୍ରା କଥା ଆସେ ଭୟର ପରିମାଣ ଆହୁରି ବଢ଼ିଯାଏ। କିଙ୍ଗ୍ କୋବ୍ରାର ଏକ ଭୟଙ୍କର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ ଏହି ବିଶାଳ ସାପଟି ନିଜ ଫଣା ଟେକୁଥିବାର ଦେଖାଯାଉଛି। ଏହି ଭିଡିଓଟି ସୋସିଆଲ ମିଡିଆରେ ଚାଞ୍ଚଲ୍ୟ ସୃଷ୍ଟି କରିଛି। ଭିଡିଓଟିକୁ ଲକ୍ଷଲକ୍ଷ ଲୋକ ଦେଖିସାରିଲେଣି।
A very proud king Cobra
— Science girl (@gunsnrosesgirl3) June 23, 2025
ଭିଡିଓଟି @gunsnrosesgirl3 ନାମକ ଏକ ‘X’ ଆକାଉଣ୍ଟରେ ସେୟାର କରାଯାଇଛି। ମାତ୍ର ୧୦ ସେକେଣ୍ଡର ଏହି ଭିଡିଓକୁ ଏପର୍ଯ୍ୟନ୍ତ ୧୮ ହଜାରରୁ ଅଧିକ ଲୋକ ଦେଖିସାରିଛନ୍ତି। ଭିଡିଓରେ ଦେଖିବାକୁ ମିଳୁଛି ଯେ, ଏକ ବିରାଟ କିଙ୍ଗ୍ କୋବ୍ରା ଅଧା ଶରୀର ଭୂମିରେ ଆଉ ଅଧା ଶରୀର ମଣିଷ ପରି ଠିଆ ହୋଇଛି। ଯାହା ଦେଖି ଲୋକେ ଭୟଭୀତ ହୋଇପଡ଼ିଛନ୍ତି।
ଜଣେ ୟୁଜର ଲେଖିଛନ୍ତି, ଯଦି ଆପଣଙ୍କ ସାମ୍ନାରେ ହଜାର ଶତ୍ରୁ ଠିଆ ହୁଅନ୍ତି, ତେବେ ଆପଣ ଭୟ କରିବେ ନାହିଁ କିନ୍ତୁ ଯଦି ଆପଣଙ୍କ ସାମ୍ନାକୁ ଏକ କିଙ୍ଗ୍ କୋବ୍ରା ଚାଲିଆସେ ତେବେ ହଜାର ଶତ୍ରୁଙ୍କ ମଧ୍ୟରେ ମଧ୍ୟ ଆପଣ ଭୟ ଅନୁଭବ କରନ୍ତି। ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି, ଏହି ସାପଟି ଶାନ୍ତ ପରି ବିପଦପୂର୍ଣ୍ଣ। ଯଦି ଜଙ୍ଗଲରେ ଦେଖିବାକୁ ମିଳେ ତେବେ ଆକ୍ରମଣ କରିବା ପୂର୍ବରୁ ନିଶ୍ଚିତ ଭାବରେ ସତର୍କ କରାଇଥାଏ। କିଙ୍ଗ କୋବ୍ରା ବିଶ୍ୱର ସବୁଠାରୁ ଲମ୍ବା ବିଷାକ୍ତ ସାପ ମଧ୍ୟରୁ ଗୋଟିଏ। ଏମାନେ ୧୮ ଫୁଟ ପର୍ଯ୍ୟନ୍ତ ଲମ୍ବା ହୋଇପାରନ୍ତି ଏବଂ ଯେତେବେଳେ ଏମାନେ ବିପଦ ଅନୁଭବ କରନ୍ତି, ସେମାନେ ନିଜ ଶରୀରର ଏକ ତୃତୀୟାଂଶ ଉଠାଇ ଶତ୍ରୁକୁ ସତର୍କ କରାଇ ଦିଅନ୍ତି। ତଥାପି ଏହି ସାପଗୁଡ଼ିକ ସ୍ବଭାବରେ ଶାନ୍ତ ଏବଂ ବିନା ଆକ୍ରମଣରେ ପ୍ରତି ଆକ୍ରମଣ କରନ୍ତି ନାହିଁ।