ଟ୍ରକ୍ ପଛରେ ପଶିଗଲା ବୋଲେରୋ: ଭୟଙ୍କର ଦୁର୍ଘଟଣାରେ ପରିବାରର ୬ ମୃତ, ୩ ଗୁରୁତର
ଯୋଧପୁର: ରାଜସ୍ଥାନର ଯୋଧପୁର ଜିଲ୍ଲାରେ ଗୁରୁବାର-ଶୁକ୍ରବାର ରାତି ପ୍ରାୟ ୧୨.୩୦ରେ ଭୟଙ୍କର ସଡ଼କ ଦୁର୍ଘଟଣା ହୋଇଛି । ଏହି ଦୁର୍ଘଟଣାରେ ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣ ଗୁରୁତର ଆହତ ହୋଇଛନ୍ତି । ଯୋଧପୁର ବିଲାଡ଼ା ପୋଲିସ ଷ୍ଟେସନ ନିକଟରେ ହୋଇଥିବା ଏହି ଦୁର୍ଘଟଣାରେ ବୋଲେରଟି ପ୍ରାୟ ନଷ୍ଟ ହୋଇଯାଇଛି । ଦୁର୍ଘଟଣାରେ ସୂଚନା ପାଇବା ମାତ୍ରେ ବିଲାଡ଼ା ଥାନା ଅଧିକାରୀ ଅଚଳ ଦାନ ନିଜ ଟିମକୁ ନେଇ ଘଟଣାସ୍ଥଳରେ ପହଞ୍ଚିଥିଲେ ।
ସୂଚନା ଅନୁସାରେ, ଚୁରୁ ବାସିନ୍ଦା ବିଜୟ ସିଂହ ଓ ତାଙ୍କ ପରିବାର ନିଜ କୂଳଦେବୀ ନାଗଣେଚି ମାତାଙ୍କ ଦର୍ଶନ କରିବାକୁ ଜୟପୁରରୁ ଯୋଧପୁର ଯାଉଥିଲେ । ପୁରା ପରିବାର ବୋଲେରୋରୁ ଯାତ୍ରା ଆରମ୍ଭ କରିଥିଲେ । ଯେବେ ସେମାନଙ୍କ ବୋଲେରୋଟି ବିଲାଡ଼ା ପୋଲିସ ଷ୍ଟେସନ ପାଖାପାଖି ପହଞ୍ଚିଥିଲା, ସେବେ ତାଙ୍କ ଆଗରେ ଏକ ଟ୍ରକ୍ ଆସିଥିଲା । ବୋଲେରୋଟି ଟ୍ରକର ପଛପଟେ ପଶିଯାଇଥିଲା । ଗାଡ଼ିର ଦ୍ରୁତ ଏତେ ଥିଲା ଯେ, ବୋଲେରୋଟି ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା ।
ଏହି ଭୟଙ୍କର ଦୁର୍ଘଟଣାରେ ଶିଶୁ ସମେତ ମୋଟ ୬ ଜଣଙ୍କର ମୃତ୍ୟୁ ହୋଇଛି । ଆହତମାନଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି । ଦୁର୍ଘଟଣା କିପରି ହେଲା, ସେନେଇ ତଦନ୍ତ ଜାରି ରହିଛି ବୋଲି ଏସପି ଅନିଲ କୟାଲ କହିଛନ୍ତି । ଅନ୍ୟପଟେ ଟ୍ରକକୁ ରାତିରେ ହିଁ ଜବତ କରାଯାଇଛି ।
