ପୋଲିଓ ଜୀବାଣୁ ମିଳିବା ପରେ ଜରୁରୀକାଳୀନ ପରିସ୍ଥିତି ଘୋଷଣା, ଟିକାକରଣ ତ୍ୱରାନିତ କରିବାକୁ ରାଜ୍ୟପାଳଙ୍କ ନିର୍ଦ୍ଦେଶ
ନୂଆଦିଲ୍ଲୀ: ବିଶ୍ୱର ସବୁଠୁ ବିକଶିତ ତଥା ଆଗୁଆ ଦେଶ ଆମେରିକାରେ ବ୍ୟାପିଛି ପୋଲିଓ। ସ୍ଥିତି ଏପରି ହୋଇଛି ଯେ, ପ୍ରଶାସନ ପକ୍ଷରୁ ରାଜ୍ୟ ଆପତ୍ତିକାଳିନ ପରିସ୍ଥିତି ଘୋଷଣା କରାଯାଇଛି। ନିଉୟର୍କର ଲଙ୍ଗ ଦ୍ୱୀପରେ ବର୍ଜ୍ୟଜଳ ନମୁନାରେ ଏହା ମିଳିବା ପରେ ସ୍ଥିତିକୁ ନେଇ ସଜାଗ ହୋଇ ଉଠିଛନ୍ତି ରାଜ୍ୟ ସରକାର। ଏହା ପରେ ସରକାର ପୋଲିଓ ଟିକାକରଣକୁ ତ୍ୱରାନିତ କରିଛନ୍ତି।
ରାଜ୍ୟପାଳ କ୍ୟାଥି ହୋଚୁଲ୍ ଟିକାକରଣ ଉପରେ ଜୋର ଦେବାକୁ କହିଛନ୍ତି। ଏପରିକି ମେଡିକାଲର ଜରୁରୀକାଳିନ ବିଭାଗରେ କାର୍ଯ୍ୟ କରୁଥିବା କର୍ମଚାରୀ ଓ ଅନ୍ୟାମାନଙ୍କୁ ଟିକାକରଣ କରିବାକୁ ନିର୍ଦ୍ଦେଶ ଦେଇଛନ୍ତି। ସେହିପରି ସ୍ୱସ୍ଥ୍ୟ ସଚିବ ମାରି ବାସେଟ୍ କହିଛନ୍ତି ଯେ, ‘ଯଦି ଆପଣ କିମ୍ବା ଆପଣଙ୍କ ପିଲା ଟୀକାକରଣ କରିନାହାଁନ୍ତି କିମ୍ବା ନୂତନ ଟିକାକରଣ ମଧ୍ୟ ନେଇ ନାହାନ୍ତି, ତେବେ ପକ୍ଷାଘାତ ରୋଗ ହେବାର ଆଶଙ୍କା କାରଣ ହୋଇପାରେ। ମୁଁ ନ୍ୟୁୟର୍କର ଲୋକଙ୍କୁ ଅନୁରୋଧ କରୁଛି ଯେ କୌଣସି ବିପଦକୁ ଆଦୌ ଆମନ୍ତ୍ରଣ କରନ୍ତୁ ନାହିଁ।’
ଏହା ସହିତ ଯେଉଁମାନେ ପୋଲିଓର ପୁର୍ଣ୍ଣ ଟିକା ଗ୍ରହଣ କରିଛନ୍ତି, ସେମାନେ ମଧ୍ୟ ଭବିଷ୍ୟତ ସୁରକ୍ଷା ପାଇଁ ବୁଷ୍ଟର ଡୋଜ୍ ନେଇଯିବା ଉଚିତ୍। ସେହିପରି ରକଲ୍ୟାଣ୍ଡ କାଉଣ୍ଟି, କମଳା କାଉଣ୍ଟି, ସଲିଭାନ୍ କାଉଣ୍ଟି, ନାସାଉ କାଉଣ୍ଟି ଏବଂ ନ୍ୟୁୟର୍କ ସିଟିରେ କାର୍ଯ୍ୟରତ ଥିବା ସ୍ୱସ୍ଥ୍ୟ କର୍ମ ଏବଂ ସଫେଇ କର୍ମଚାରୀମାନେ ମଧ୍ୟ ବୁଷ୍ଟର ଡୋଜ୍ ନେଇ ଯିବା ଉଚିତ୍ ବୋଲି ସ୍ୱସ୍ଥ୍ୟ ବିଭାଗ ପକ୍ଷରୁ କୁହାଯାଇଛି।
