Met Gala 2023: ହଲିଉଡ୍ ଡେବ୍ୟୁ ପୂର୍ବରୁ ଜୋରଦାର ଏଣ୍ଟ୍ରି … ଲକ୍ଷେ ମୋତିର ଗାଉନ ପିନ୍ଧି ରେଡ୍ କାର୍ପେଟରେ ଚାଲିଲେ ଆଲିଆ
ନୂଆଦିଲ୍ଲୀ : ବଲିଉଡର ନୂଆ ମାଆ ଆଲିଆ ଭଟ୍ଟ ହଲିଉଡ ଡେବ୍ୟୁ ପୂର୍ବରୁ ସବୁଠୁ ବଡ ଫ୍ୟାଶନ ଇଭେଣ୍ଟ ମେଟ ଗାଲା ୨୦୨୩ ରେ ଡେବ୍ୟୁ କରିଛନ୍ତି । ନ୍ୟୁୟର୍କର ମେଟ୍ରୋପଲିଟାନ ମ୍ୟୁଜିୟମ୍ ଅଫ୍ ଆର୍ଟରେ ମେଟ ଗାଲା ଇଭେଣ୍ଟରେ ନେପାଳୀ-ଆମେରିକୀୟ ଡିଜାଇନର୍ ପ୍ରବଲ ଗୁରୁଙ୍ଗଙ୍କ ପୋଷାକରେ ଆଲିଆ ଭଟ୍ଟ ଡେବ୍ୟୁ କରିଥିଲେ। ଆଲିଆ ଭଟ୍ଟ ଏକ ବଲରୁମ୍ ଧଳା ମୋତି ଗାଉନରେ ଜଣେ ପରୀ ଠାରୁ କିଛି କମ୍ ଲଗୁନଥିଲେ । ଆଲିଆ ଭଟ୍ଟ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ମେଟ ଗାଲା ଇଭେଣ୍ଟର ଫଟୋ ସେୟାର କରିଛନ୍ତି ଯେଉଁଥିରେ ସେ ତାଙ୍କ ପୋଷାକ ବିଷୟରେ ମଧ୍ୟ କହିଛନ୍ତି।
ଆଲିଆ ଭଟ୍ଟ ତାଙ୍କ ପୋଷ୍ଟରେ କହିଛନ୍ତି ଯେ, ତାଙ୍କ ଡ୍ରେସଟି ଅତି ନିଆରା ଢଙ୍ଗରେ ତିଆରି କରାଯାଇଛି । ସେହି ଡ୍ରେସକୁ ପ୍ରାୟ ୧ ଲକ୍ଷ ଭାରତୀୟ ମୋତି ସହିତ ସଜାଯାଇଛି । ଏଭଳି ପରିସ୍ଥିତିରେ ପ୍ରଶଂସକମାନେ ଆଲିଆଙ୍କ ଡିଜାଇନର୍ରଙ୍କୁ ଖୁବ୍ ପ୍ରଶଂସା କରୁଛନ୍ତି ।
କିନ୍ତୁ ଆଲିଆ ଭଟ୍ଟ ଏହାର ସମସ୍ତ ଶ୍ରେୟ ତାଙ୍କ ପୋଷା ବିଲେଇ ଏଡୱାର୍ଡର କୁ ଦେଇଛନ୍ତି । ଡ୍ରେସର ଧଳା ରଙ୍ଗକୁ ଏଡୱାର୍ଡଙ୍କ ନାମରେ ରଖିଛନ୍ତି। ଆଲିଆ ଭଟ୍ଟ ବିଲେଇମାନଙ୍କୁ ବହୁତ ଭଲ ପାଆନ୍ତି ଏବଂ ତାଙ୍କର ଅନେକ ବିଲେଇ ମଧ୍ୟ ଅଛନ୍ତି। ଆଲିଆଙ୍କ ଏଡୱାର୍ଡ ଜଣେ ପାର୍ସୀ ବିଲେଇ ।
ଆଲିଆ ଭଟ୍ଟ ଚଳିତ ବର୍ଷ ହଲିଉଡ ଫିଲ୍ମ ‘ହାର୍ଟ ଅଫ୍ ଷ୍ଟୋନ୍’ ରେ ଡେବ୍ୟୁ କରିବାକୁ ଯାଉଛନ୍ତି। ଏହି ଚଳଚ୍ଚିତ୍ରଟି ଆଲିଆ ଭଟ୍ଟଙ୍କ ଗର୍ଭଧାରଣ ସମୟରେ ସୁଟିଂ କରାଯାଇଥିଲା। ଫିଲ୍ମରେ ଆଲିଆ ଭଟ୍ଟଙ୍କ ଚରିତ୍ରର ନାମ ହେଉଛି ‘କିୟା ଧାୱନ’। ନିକଟରେ ଫିଲ୍ମ ‘ହାର୍ଟ ଅଫ୍ ଷ୍ଟୋନ’ର ଏକ ଟିଜର ମୁକ୍ତିଲାଭ କରିଥିଲା ଯେଉଁଥିରେ ଆଲିଆଙ୍କ ଆକ୍ସନ୍ ଅବତାର ଦେଖିବାକୁ ମିଳିଥିଲା। ଏହି ଚଳଚ୍ଚିତ୍ରର ସୁଟିଂ ଲଣ୍ଡନରେ କରାଯାଇଥିଲା। ଏହା ବ୍ୟତୀତ ଆଲିଆ ଭଟ୍ଟ ଏବଂ ରଣଭୀର ସିଂଙ୍କ ଫିଲ୍ମ ‘ରକି ଅର ରାନୀ କି ପ୍ରେମ କାହାନି’ ମଧ୍ୟ ଚଳିତ ବର୍ଷ ମୁକ୍ତିଲାଭ କରିବାକୁ ଯାଉଛି। ଏହି ଚଳଚ୍ଚିତ୍ରରେ ଆଲିଆ ଏବଂ ରଣଭୀରଙ୍କ ସହ ଶବାନା ଆଜମୀ ଏବଂ ଜୟା ବଚ୍ଚନ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ।
