ମାଲେସିଆର ନୂଆ ରାଜା ହେଲେ ଜୋହରର ସୁଲତାନ୍ ଇବ୍ରାହିମ
ମାଲେସିଆ : ଜୋହର ସୁଲତାନ ଇବ୍ରାହିମ ଇସ୍କନ୍ଦରଙ୍କୁ ମାଲେସିଆର ନୂଆ ରାଜା ଭାବରେ ଚୟନ କରାଯାଇଛି । ସେ ଆଜି ମାଲେସିଆର ୧୭ ତମ ରାଜା ଭାବରେ ଶପଥ ଗ୍ରହଣ କରିଛନ୍ତି । ବର୍ତ୍ତମାନର ରାଜା ଅଲ-ସୁଲତାନ ଅବଦୁଲ୍ଲା ଆଜି ତାଙ୍କୁ ଦାୟିତ୍ୱ ହସ୍ତାନ୍ତର କରିଛନ୍ତି ।
ମାଲେସିଆରେ ରାଜାଙ୍କ ପଦ ଆନୁଷ୍ଠାନିକ, କିନ୍ତୁ ସେ ପ୍ରଧାନମନ୍ତ୍ରୀଙ୍କ ଭଳି ପ୍ରମୁଖ ପଦବୀରେ ନିଯୁକ୍ତିରେ ଜଡିତ ଅଛନ୍ତି । ଦେଶରେ ଅସ୍ଥିରତା ହେତୁ ରାଜତନ୍ତ୍ର ଅଧିକ ଶକ୍ତିଶାଳୀ ହୋଇଛି ।
ସୁଲତାନ ଇବ୍ରାହିମ ୧୭ ତମ ରାଜ ଭାବରେ ଶପଥ ଗ୍ରହଣ କଲେ :-
ଯେତେବେଳେ ଦେଶରେ ରାଜନୈତିକ ଅସ୍ଥିରତା ବଢ଼େ, ସେତେବେଳେ ରାଜାଙ୍କୁ ତାଙ୍କ ବିବେକ ଅନୁଯାୟୀ ନିର୍ଦ୍ଦିଷ୍ଟ କ୍ଷମତା ବ୍ୟବହାର କରିବାକୁ ପଡିବ । ଯଦିଓ ଏହା କ୍ୱଚିତ୍ ଦେଖାଯାଏ । ମାଲେସିଆର ୧୭ ତମ ରାଜା ଭାବରେ ସୁଲତାନ ଇବ୍ରାହିମ ଇସ୍କନ୍ଦର ଶପଥ ଗ୍ରହଣ କରିଛନ୍ତି । ଶପଥ ଗ୍ରହଣ କରିବା ପରେ ସୁଲତାନ ଇବ୍ରାହିମ ଜାତୀୟ ମହଲରେ ଗାର୍ଡ ଅଫ୍ ଅନର ଯାଞ୍ଚ କରିଛନ୍ତି ।
ରାଜଶାହୀର ପରମ୍ପରା ଅନୁଯାୟୀ ମାଲେସିଆର ନଅଟି ରାଜ ପରିବାରର ମୁଖ୍ୟମାନେ ଥର ଥରକେ ପାଞ୍ଚ ବର୍ଷ ପାଇଁ ରାଜା ଭାବରେ ନିର୍ବାଚିତ ହୁଅନ୍ତି । ଏହା ୟାଙ୍ଗ ଡି ପର୍ଟୁଆନ୍ ଆଗୋଙ୍ଗ ନାମରେ ମଧ୍ୟ ଜଣାଶୁଣା । ସୁଲତାନ ଇବ୍ରାହିମଙ୍କୁ ୬୫ ବର୍ଷ ବୟସରେ ଅଲ-ସୁଲତାନ ଅବଦୁଲ୍ଲାଙ୍କ ସ୍ଥାନରେ ପାଞ୍ଚ ବର୍ଷ ପାଇଁ ରାଜା କରାଯାଇଛି । ସୁଲତାନ ଇବ୍ରାହିମ ତାଙ୍କର ସଚ୍ଚୋଟତା ଏବଂ ମହାନ ବ୍ୟକ୍ତିତ୍ୱ ପାଇଁ ଜଣାଶୁଣା ।
