ଯବାନଙ୍କ ଗୁଳିରେ ୫ ମାଓବାଦୀ ମୃତ, ଜବତ ହେଲା ବିପୁଳ ପରିମାଣର ଅସ୍ତ୍ରଶସ୍ତ୍ର

ନୂଆଦିଲ୍ଲୀ: ଛତିଶଗଡ଼ରେ ଯବାବ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ଘଟିଛି । ଏଥିରେ ଯବାନଙ୍କ ଗୁଳିରେ ୫ଜଣ ମାଓବାଦୀଙ୍କର ମୃତ୍ୟୁ ଘଟିଛି । ଛତିଶଗଡ଼ ଅବୁଝମାଡ଼ ଜଙ୍ଗଲରେ ଏହି ଗୁଳି ବିନିମୟ ଘଟିଛି । ସୂଚନା ମୁତାବକ, କାଙ୍କେର-ନାରାୟଣପୁର ଜଙ୍ଗଲରେ ଏନକାଉଣ୍ଟର ଘଟିଛି । ସେହିପରି ମାଓବାଦୀଙ୍କ ଗୁଳିରେ ୨ ଯବାନ ଆହତ ହୋଇଛନ୍ତି । ଘଟଣାସ୍ଥଳରେ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ ହୋଇଛି । ଏଥିସହ ଯବାନଙ୍କ ପକ୍ଷରୁ ସର୍ଚ୍ଚ ଅପରେସନ୍ ଜାରି ରହିଛି ।

ବାଷ୍ଟର ରେଞ୍ଜର ଇନସ୍ପେକ୍ଟର ଜେନେରାଲର ପୋଲିସ ପି.ସୁନ୍ଦରରାଜ କହିଛନ୍ତି ଯେ, ନାରାୟଣପୁର ଏବଂ କାଙ୍କେର ଜିଲ୍ଲା ସୀମାବର୍ତ୍ତୀ ଏକ ବୃହତ ଅଞ୍ଚଳରେ ଉତ୍ତର ଆବୁଝମାଦରେ ମାଓବାଦୀଙ୍କ ଉପସ୍ଥିତି ଖବର ପାଇ ସୁରକ୍ଷା ବାହିନୀର ସର୍ଚ୍ଚ ଅପରେସନ ଆରମ୍ଭ ହୋଇଥିଲା । ମାଓବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ଶନିବାର ସକାଳ ୮ଟାରେ ଏହି ଗୁଳି ବିନିମୟ ହୋଇଥିଲା । ପୋଲିସ କହିବାନୁଯାୟୀ, ଘଟଣାସ୍ଥଳରୁ ୫ଟି ମୃତଦେହ ଉଦ୍ଧାର ସହ ଅସ୍ତ୍ରଶସ୍ତ୍ର ଜବତ ହୋଇଛି ।