ମେକ୍ସିକୋର ଏକ ବାରରେ ଆଖିବୁଜା ଗୁଳିମାଡ଼, ୬ ମୃତ, ୧୦ ଆହତ

ମେକ୍ସିକୋ ସିଟି: ଦକ୍ଷିଣ ପୂର୍ବ ମେକ୍ସିକୋରେ ପୁଣି ଥରେ ଗୁଳିମାଡ଼ ଦେଖିବାକୁ ମିଳିଥିଲା । ରବିବାର ମେକ୍ସିକୋର ଏକ ବାରରେ କିଛି ଦୁର୍ବୃତ୍ତ ଆଖିବୁଜା ଗୁଳିମାଡ଼ କରିଥିଲେ । ଏହିି ଗୁଳିମାଡ଼ରେ ୬ ଜଣଙ୍କ ମୃତ୍ୟୁ ହୋଇଥିବା ବେଳେ ୧୦ ଜଣ ଆହତ ଥିବା ଜଣାପଡ଼ିଛି । ଏନେଇ ସ୍ଥାନୀୟ ଅଧିକାରୀଙ୍କ ପକ୍ଷରୁ ସୂଚନା ଦିଆଯାଇଛି ।

ସୂଚନାରୁ ପ୍ରକାଶ ଉପକୂଳବର୍ତ୍ତୀ ତାବାସ୍କୋରେ ଏହା ଘଟିଛି ଯାହା ନିକଟରେ ବଢ଼ୁଥିବା ହିଂସା ସହ ସଂଘର୍ଷ କରି ଆସୁଥିଲା । ବର୍ତ୍ତମାନ ପର୍ଯ୍ୟନ୍ତ ଏହି ମାମଲାରେ ପୋଲିସ ୯ ଜଣଙ୍କୁ ଗିରଫ କରିଥିବା ବେଳେ ଏହି ଗୁଳିମାଡ଼ ପଛର ପ୍ରକୃତ କାରଣ ଜଣାପଡ଼ିନାହିଁ । ଅପରପକ୍ଷରେ ରାଜ୍ୟର ଡେପ୍ୟୁଟି ପ୍ରସିକ୍ୟୁଟର ଗିଲବର୍ଟୋ ମେଲକ୍ୱିଏଡ୍ସ ଏକ ସାମ୍ବାଦିକ ସମ୍ମିଳନୀରେ କହିଥିଲେ କି କିଛି ଦୁର୍ବୃତ୍ତ ଅସ୍ତଶସ୍ତ୍ର ସହ ଏକ ବ୍ୟକ୍ତିର ପିଛା କରି ବାର ଭିତରକୁ ପଶିଆସିଥିଲେ ଏବଂ ତାଙ୍କୁ ହତ୍ୟା କରିଥିଲେ । ଏହି ମାମଲାରେ ଯାଞ୍ଚ ଜାରି ରହିଛି ।