ଆଜି ପୁରୀ ଶ୍ରୀଜିଉଙ୍କ ଦର୍ଶନ ପାଇଁ ଯାଉଛନ୍ତି କି? ଜାଣନ୍ତୁ କେଉଁ ସମୟରୁ ୫ ଘଣ୍ଟା ବନ୍ଦ ରହିବ ଦର୍ଶନ

ପୁରୀ: ଆଜି ପୁରୀ ମହାପ୍ରଭୁଙ୍କର ଦର୍ଶନ ପାଇଁ ଯାଉଥିଲେ, ଏହି ଖବର ଆପଣଙ୍କ ପାଇଁ କାର୍ଯ୍ୟରେ ଆସିବ। ତେବେ ବୁଧବାର ଅର୍ଥାତ ୨୭ ନଭେମ୍ବରରେ ମହାପ୍ରଭୁଙ୍କର ସାଧାରଣ ଦର୍ଶନ ୫ ଘଣ୍ଟା ବନ୍ଦ ରହିବ। ଏନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ନୋଟିସ ଜାରି ହୋଇଛି। ତେବେ ଆସନ୍ତୁ ଜାଣିବା କେଉଁ ସମୟରେ ବନ୍ଦ ରହିବ ଦର୍ଶନ।

ମହାପ୍ରଭୁଙ୍କର ଅନେକ ନୀତି ନିୟମ ରହିଥାଏ। ତେବେ ଆଜି ଶ୍ରୀମନ୍ଦିରରେ ଶ୍ରୀଜିଉଙ୍କ ବନକଲାଗି ନୀତି କରାଯିବ। ଏହି ଗୁପ୍ତ ନୀତି ଥିବାରୁ ୫ଘଣ୍ଟା ପାଇଁ ଶ୍ରୀଜିଉଙ୍କର ସାଧାରଣ ଦର୍ଶନ ବନ୍ଦ ରହିବ। ଏହି କାରଣ ଲାଗି ସଂଧ୍ୟା ୫ଟାରୁ ରାତି ୧୦ଟା ଯାଏଁ ସାଧାରଣ ଦର୍ଶନ ବନ୍ଦ ରହିବ। ତେବେ ପୁରୀ ମହାପ୍ରଭୁଙ୍କୁ ଦର୍ଶନ କରିବାକୁ ଯାଉଥିବା ଭକ୍ତ ଏହି ସମୟ ପୂର୍ବରୁ ମହାପ୍ରଭୁଙ୍କର ଦର୍ଶନ କାର୍ଯ୍ୟ ଶେଷ କରିଦିଅନ୍ତୁ। ନଚେତ ସଂଧ୍ୟା ୫ଟା ପରେ ମହାପ୍ରଭୁଙ୍କର ଗୁପ୍ତ ନୀତି କାର୍ଯ୍ୟ ଜାରି ରହିବ।