୨୫ ବର୍ଷ ପରେ ଶାହାରୁଖ-ସଲମାନଙ୍କ ସାମ୍ନାରେ ଖୁଲାସା କଲେ ଅମୀର, କହିଲେ ମୋର ଗୌରୀଙ୍କ ସହ…
ମୁମ୍ବାଇ,୧୩ା୩: ବଲିଉଡର ପରଫେକ୍ଟନିଷ୍ଟ ଅମୀର ଖାନ୍ ୨୫ ବର୍ଷ ପରେ ଏକ ବଡ଼ ଖୁଲାସା କରିଛନ୍ତି । ତାହା ପୁଣି କିଙ୍ଗଖାନ୍ ଶାହାରୁଖ ଏବଂ ଦବଙ୍ଗ ଖାନ୍ ସଲମାନଙ୍କ ସାମ୍ନାରେ । ଅମୀର କହିଛନ୍ତି, ମୋର ଗୌରୀଙ୍କ ସହ ସମ୍ପର୍କ ଥିଲା ।
ମାର୍ଚ୍ଚ ୧୪ ଅର୍ଥାତ୍ ଆସନ୍ତାକାଲି ଅମୀରଙ୍କ ଜନ୍ମଦିନ । ଏହି ସମାରୋହ ପାଳନ ପୂର୍ବରୁ ଅମୀର ପୂର୍ବ ପ୍ରେମକୁ ନେଇ ବଡ଼ ଖୁଲାସା କରିଛନ୍ତି । ଏହି ବିଶେଷ ଉତ୍ସବରେ ଅଭିନେତା ଏକ ସାକ୍ଷାତ ଏବଂ ଅଭିବାଦନ ଅଧିବେଶନ ଆୟୋଜନ କରିଥିଲେ। ସମସ୍ତଙ୍କ ସାମ୍ନାରେ ଅମୀର ତାଙ୍କ ଗର୍ଲଫ୍ରେଣ୍ଡ ଗୌରୀ ବୋଲି ପରିଚିତ କରାଇଥିଲେ , ଯାହାଙ୍କୁ ସେ ୨୫ ବର୍ଷ ପୂର୍ବେ ଭେଟିଥିଲେ ।
ପ୍ରେସ ମିଟ୍ ସମୟରେ ଅଭିନେତା ତାଙ୍କ ଗର୍ଲଫ୍ରେଣ୍ଡ ଗୌରୀଙ୍କୁ ଗଣମାଧ୍ୟମରେ ପରିଚିତ କରାଇଥିଲେ। ସେ କହିଛନ୍ତି, “ଗୌରୀ ଏବଂ ମୁଁ ୨୫ ବର୍ଷ ପୂର୍ବେ ଭେଟିଥିଲୁ ଏବଂ ବର୍ତ୍ତମାନ ଆମେ ବହୁତ ଗମ୍ଭୀର ଏବଂ ପରସ୍ପର ପ୍ରତି ପ୍ରତିବଦ୍ଧ। ଆମେ ଦେଢ଼ ବର୍ଷ ଧରି ଏକାଠି ରହିଛୁ।”
ସେ ଆହୁରି ମଧ୍ୟ କହିଛନ୍ତି ଯେ, ସେ ଗତକାଲି ତାଙ୍କ ମୁମ୍ବାଇ ଘରେ ଶାହରୁଖ ଖାନ ଏବଂ ସଲମାନ ଖାନଙ୍କ ସହ ତାଙ୍କ ଗର୍ଲଫ୍ରେଣ୍ଡଙ୍କୁ ପରିଚିତ କରିଥିଲେ। ତାଙ୍କ ଗର୍ଲଫ୍ରେଣ୍ଡ ବିଷୟରେ ଅଧିକ ବିବରଣୀ ସେ ସେୟାର କରିଛନ୍ତି, “ଗୌରୀଙ୍କ ପ୍ରଡକ୍ସନ ହାଉସରେ ସେ କାମ କରନ୍ତି । ଅମୀର ମଧ୍ୟ ଭୁବନରୁ ଲଗାନ ତାଙ୍କ ଚରିତ୍ର କହିଥିଲେ, ଭୁବନ କୋ ଅପନି ଗୌରୀ ମିଲ ଗଇ। ଗ୍ରେସି ସିଂ ଲଗାନରେ ଭୁବନଙ୍କୁ ପ୍ରେମ କରୁଥିବା ଗୌରୀ ଚରିତ୍ରରେ ଅଭିନୟ କରିଥିଲେ। ତାଙ୍କ ସାଥୀ ଗୌରୀଙ୍କ ପାଇଁ ଅମୀର ‘କଭି କଭି ମେରେ ଦିଲମେ’ ଗୀତରୁ କିଛି ଧାଡି ଗାଇଥିଲେ।
ଅମୀର ଗଣମାଧ୍ୟମକୁ କହିଛନ୍ତି, ମୋତେ ଏବେ ୬୦ ବର୍ଷ । ମୁଁ ଜାଣିନି ମୋତେ ବିବାହ ଶୋଭା ଦେବ କି ନାହିଁ । ମାତ୍ର ମୋ’ ପିଲାମାନେ ବହୁତ ଖୁସି । ମୋର ପୂର୍ବ ପତ୍ନୀଙ୍କ ସହ ଏତେ ଭଲ ସମ୍ପର୍କ ଥିବାରୁ ମୁଁ ବହୁତ ଭାଗ୍ୟବାନ ଅଟେ।”
ଅମୀର ପ୍ରଥମେ ଚଳଚ୍ଚିତ୍ର ନିର୍ମାତା ରୀନା ଦତ୍ତଙ୍କୁ ବିବାହ କିରଥିଲେ । ଯାହାଙ୍କର ଦୁଇଟି ପିଲା । ଜୁନୈଦ ଏବଂ ଇରା ଖାନ୍ । ୨ ୦ ୦୫ରେ ବିବାହ କରିଥିବା ଅଭିନେତା ତାଙ୍କର ଦ୍ୱିତୀୟ ପତ୍ନୀ ନିର୍ଦ୍ଦେଶକ କିରଣ ରାଓଙ୍କଠାରୁ ୨୦୨୧ରେ ଅଲଗା ହୋଇଥିଲେ।