ମୋବାଇଲ୍ ଲାଇଟ୍ରେ ଅଟୋ ଚଲାଉଥିଲେ, ବ୍ୟାରିକେଟ୍ ଚଢ଼ି ଓଲଟିଲା: ୨ ଜଣ ଆହତ
ଲକ୍ଷ୍ମୀପୁର, (ଭାସ୍କର ନ୍ୟୁଜ୍) : ଅଟୋରୁ ପଡି ଜଣେ ଯୁବକ ଗୁରୁତର ହୋଇଛନ୍ତି । ଗୁରୁତର ହେଲେ କୁଟିଙ୍ଗା ପଞ୍ଚାୟତ ଅନ୍ତର୍ଗତ ମିନାପାଇ ଗ୍ରାମର ରମେଶ ୱଡେକା ।
ଖବର ନେବାରେ ଜଣା ପଡିଛିକି ଲକ୍ଷ୍ମୀପୁର ଠାରୁ ମିନାପାଇର ଦୂରତା ୮ କିଲୋମିଟର । ରମେସ ତାଙ୍କର ଦୁଇଜଣ ସମ୍ପର୍କିୟଙ୍କ ସହ ଲକ୍ଷ୍ମୀପୁରରୁ ମିନାପାଇ ଯାଉଥିଲା ବେଳେ ହଠାତ ଅଟୋର ଲାଇଟ୍ ଫ୍ୟୁଜ ହୋଇଯିବାରୁ ମୋବାଇଲ ଲାଇଟ୍ ମାରି ଗାଡ଼ି ଚଲାଉଥିଲେ । ମୁଖ୍ୟ ରାସ୍ତାରୁ ଗ୍ରାମକୁ ପ୍ରବେଶ କରିବା ରାସ୍ତା ପାଖରେ ଅଟୋ ବୁଲାଇବା ସମୟରେ ପାଖରେ ଥିବା ଏକ ବ୍ୟାରିକେଟ୍ ଉପରେ ଅଟୋଟି ଓଲଟି ପଡିଥିଲା । ଅଟୋରେ ଥିବା ଅନ୍ୟ ଦୁଇଜଣ ଅଳ୍ପକେ ବର୍ତ୍ତି ଯାଇଥିବା ବେଳେ ରମେଶର ବାମ ହାତରେ ଗଭୀର ଆଘାତ ଲାଗିଥିଲା । ତାକୁ ତୁରନ୍ତ ରକ୍ତାକ୍ତ ଅବସ୍ଥାରେ ସେଠାରୁ ଉଦ୍ଧାର କରାଯାଇ ଅନ୍ୟ ଏକ ଅଟୋ ଯୋଗେ ଲକ୍ଷ୍ମୀପୁର ମେଡିକାଲ ଅଣାଯାଇଥିଲା ।ସେଠାରେ ପ୍ରାଥମିକ ଚିକିତ୍ସା କରାଇ ଡାକ୍ତର ଜିଲ୍ଲା ହସ୍ପିଟାଲକୁ ସ୍ଥାନାନ୍ତର କରିଥିବା ସୂଚନା ମିଳିଛି। ତେବେ ମୋବାଇଲ ଲାଇଟ୍ ଅଟୋ ଚଳାଇବାକୁ ନେଇ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।
