ବିପଦରେ ଆଫଗାନିସ୍ତାନର ଅଧା ନାଗରିକ: ଆଇଓଏମ୍

ନୂଆଦିଲ୍ଲୀ: ଆଫଗାନିସ୍ତାନରେ ତାଲିବାନ ମାନଙ୍କ ଆତଙ୍କରାଜ ଦିନକୁ ଦିନ ତୀବ୍ର ହେବାରେ ଲାଗିଛି । ତେଣୁ ସେଠାକାର ଲୋକମାନେ ଏବେ ଭୟରେ ଦେଶ ଛାଡ଼ୁଥିରା ଦେଖିବାକୁ ମିଳୁଛି । ବିଦେଶୀ ସେନା ପ୍ରତ୍ୟାହାର ପରେ ଅନେକ ସୀମାବର୍ତ୍ତୀ ଅଞ୍ଚଳକୁ କବ୍ଜା କରିଛନ୍ତି ତାଲିବାନ ଆତଙ୍କବାଦୀ । ତେଣୁ ଏବେ ଦେଶର ଅଧା ନାଗରିକ ସଙ୍କଟ ଦେଇ ଗତି କରୁଛନ୍ତି । ଯୁଦ୍ଧ ପରିସ୍ଥିତି ଜାରି ରହିଥିବାରୁ ଅନେକ ନାଗରିକ ମୃତ୍ୟୁବରଣ କରିସାରିଲେଣି । ଦେଶର ଅଧା ନାଗରିକଙ୍କ ଉପରେ ବିପଦ ଥିବା ଏବେ କହିଛି ଆଇଓଏମ୍ ।

ଆଇଓଏମ୍ କହିଛି ଯେ, ଗତ କିଛି ଦିନ ହେବ ହେଲମନ୍ଦ, କନ୍ଧାର, ହେରାତ୍, କୁନ୍ଦୁଜ୍ ଭଳି ପ୍ରଦେଶରେ ଯୁଦ୍ଧ ଅନେକ ମାତ୍ରାରେ ବୃଦ୍ଧି ପାଇଛି । ତେଣୁ ଲୋକ ମାନେ ନାନା ସମସ୍ୟାର ସମ୍ମୁଖୀନ ହେବାରେ ଲାଗିଛନ୍ତି । ପୂର୍ବରୁ ହିଁ ୫୦ ଲକ୍ଷରୁ ଅଧିକ ନାଗରିକ ଅନ୍ୟତ୍ର ବିସ୍ଥାପିତ ହୋଇସାରିଲେଣି । କେବଳ ୨୦୨୧ରେ ଦେଶବ୍ୟାପୀ ସଂଘର୍ଷ କାରଣରୁ ବିସ୍ଥାପିତ ଲୋକଙ୍କ ସଂଖ୍ୟା ବୃଦ୍ଧି ପାଇ ୩ ଲକ୍ଷ ୫୯ ହଜାରରେ ପହଞ୍ଚିଛି । ତେଣୁ ବିସ୍ଥାପିତ ଲୋକଙ୍କୁ ଜରୁରୀକାଳୀନ ଆଶ୍ରୟ, ଦରକାରୀ ସାମଗ୍ରୀ ଏବଂ ଜରୁରୀକାଳୀନ ସ୍ୱାସ୍ଥ୍ୟ ସେବା ସୁରକ୍ଷା ଯୋଗାଇବା ଜାରୀ ରଖାଯାଇଛି ।

ଆଭ୍ୟନ୍ତରୀଣ ବିସ୍ଥାପନ ବ୍ୟତୀତ, ଆଫଗାନିସ୍ତାନରେ ୨୦୨୧ ରେ ଏକ ରେକର୍ଡ ସଂଖ୍ୟକ ଅଣ-ଦସ୍ତାବିଜ ପ୍ରତ୍ୟାବର୍ତ୍ତନ ନିର୍ଦ୍ଦେଶାଳୟ ସୀମା ସର୍ଭିସେସ୍ ଟିମ୍ ଅନୁଯାୟୀ, ଚଳିତ ବର୍ଷର ପ୍ରଥମ ସାତ ମାସରେ ୬୮୦,୦୦୦ ରୁ ଅଧିକ ଆଫଗାନୀ ଫେରି ଆସିଛନ୍ତି। ଆଇଓଏମ୍ କହିଛି, ଦେଶରେ କରୋନା ପରିସ୍ଥିତି ଲାଗି ରହିଛି । କୋଭିଡ୍ ର ତୃତୀୟ ଲହର କାରଣରୁ ଅନେକ ଲୋକ ଆକ୍ରାନ୍ତ ହେବା ଆରମ୍ଭ କରିଛନ୍ତି । ଏହି କାରଣଗୁଡିକ ଆଫଗାନିସ୍ତାନର ପ୍ରାୟ ଅର୍ଦ୍ଧେକ ଜନସଂଖ୍ୟାକୁ ଜରୁରୀକାଳୀନ ସହାୟତାର ଆବଶ୍ୟକ ରହିଛି । ଯାହା ଆହୁରି ବୃଦ୍ଧି ପାଇବ ବୋଲି ଆଶଙ୍କା କରାଯାଉଛି ।