‘ମୁଁ ବଞ୍ଚିବାକୁ ଚାହୁଁଛି, ଭାରତ ସରକାର ମୋତେ ଏଠାରୁ ବାହାର କରନ୍ତୁ’: ଗୁଳିମାଡ଼ରେ ଶିକାର ହୋଇଥିବା ଛାତ୍ର, ଦେଖନ୍ତୁ Video
କିଭ: ରୁଷ ଓ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧର ଆଜି ହେଉଛି ୧୦ମ ଦିନ । କିଭରୁ ବାହାରୁଥିବା ବେଳେ ଗୁଳିମାଡ଼ର ଶିକାର ହୋଇଥିବା ଭାରତୀୟ ଛାତ୍ର ହରଜୋତ ସିଂହ ଏବେ ମେଡିକାଲରେ ଚିକିତ୍ସିତ ଅବସ୍ଥାରେ ଅଛନ୍ତି । ତାଙ୍କ ଅବସ୍ଥା ଏବେ ସୁଧୁରୁଥିବା ବେଳେ ସେ ବିପଦରୁ ବାହାରି ଯାଇଥିବା କୁହାଯାଉଛି ।
ଆଜି ଗଣମାଧ୍ୟମ ସହ କଥା ହୋଇ ଛାତ୍ରଜଣକ କହିଛନ୍ତି ଯେ, ‘ମୋତେ ଦ୍ୱିତୀୟ ଜୀବନ ମିଳିଛି । ମୁଁ ବଞ୍ଚିବାକୁ ଚାହୁଁଛି । ମୋତେ ଏଠାରୁ ବାହାର କରିବାକୁ ମୁଁ ଭାରତୀୟ ଦୂତାବାସକୁ ଅନୁରୋଧ କରୁଛି । ସେମାନେ ମୋତେ ଏକ ହ୍ୱିଲ୍ ଚେୟାର ଯୋଗାନ୍ତୁ ଓ ଡକ୍ୟୁମେଣ୍ଟ୍ ପ୍ରସ୍ତୁତ କରିବାରେ ସାହାଯ୍ୟ କରନ୍ତୁ । ମୁଁ ସରକାରଙ୍କୁ କହିବାକୁ ଚାହେଁ ଯେ, ଯଦି ଆପଣ ମୃତ୍ୟୁ ପରେ ଏକ ଚାର୍ଟାର୍ଡ ବିମାନ ପଠାଉଛ, ତେବେ ଏହାର କୌଣସି ଲାଭ ନାହିଁ ।’
ତେବେ ହରଜିତ ସିଂହ କହିଛନ୍ତି ଯେ, ‘ମୁଁ ନିଜର ୩ ବନ୍ଧୁଙ୍କ ସହ ୨୭ ଫେବ୍ରୁଆରୀରେ କିଭ ଛାଡି ପଳାଇ ଆସୁଥିଲି । କିନ୍ତୁ ତୃତୀୟ ସୁରକ୍ଷା ପୋଷ୍ଟ ନିକଟରେ ତାଙ୍କୁ ସୁରକ୍ଷା ପାଇଁ ଫେରିଯାଅ ବୋଲି କୁହାଯାଇଥିଲା । ଆମେ ଫେରିଆସୁଥିବା ବେଳେ ଆମ କାର ଉପରକୁ ଗୁଳିମାଡ ହୋଇଥିଲା । ମୋତେ ବି ଗୁଳି ଲାଗିଥିଲା, ଯେଉଁକାରଣରୁ ମୁଁ ଗୁରୁତର ଆହତ ହୋଇଥିଲି ।’ କେନ୍ଦ୍ରମନ୍ତ୍ରୀ ଜେନେରାଲ ଭି.କେ ସିଂହ ଏହି ଗୁଳିମାଡ଼ ବିଷୟରେ ସୂଚନା ଦେଇଥିଲେ । ଏହା ପୂର୍ବରୁ ୟୁକ୍ରେନରେ ଜଣେ ଭାରତୀୟ ଛାତ୍ର ନବୀନ ଶେଖରପ୍ପାଙ୍କ ମୃତ୍ୟୁ ହୋଇଛି । ସେ ଖାଇବା ଆଣିବାକୁ ଯାଉଥିବା ବେଳେ ଗୁଳିମାଡ଼ର ଶିକାର ହୋଇଥିଲେ ।
#WATCH "No support from the Indian embassy yet. I have been trying to get in touch with them, every day they say we will do something but no help yet," says Harjot Singh, an Indian who sustained multiple bullet injuries in war-torn Ukraine, receiving treatment at a Kyiv hospital pic.twitter.com/8oc9urO74s
— ANI (@ANI) March 4, 2022
