ମିଶନ ଶକ୍ତି ବିଭାଗ ପକ୍ଷରୁ ଆସିଲା ନିଯୁକ୍ତି ସୁଯୋଗ: ଦଶମ ଓ ଦ୍ୱାଦଶ ପାସଙ୍କୁ ମିଳିବ ଚାକିରି
ଓଡ଼ିଶାର ସମସ୍ତ ଚାକିରି ଆଶାୟୀଙ୍କ ପାଇଁ ବଡ଼ ଖୁସି ଖବର । ରାଜ୍ୟ ସରକାରଙ୍କ ମିଶନ ଶକ୍ତି ବିଭାଗ ପକ୍ଷରୁ ଆସିଛି ଏକ ନିଯୁକ୍ତି ସୁଯୋଗ । ମୟୁରଭଞ୍ଜ ଜିଲ୍ଲା ରାସଗୋବିନ୍ଦପୁର ବ୍ଲକର ମିଶନ ଶକ୍ତି ଅଫିସ ପକ୍ଷରୁ ଏନେଇ ବିଜ୍ଞାପନ ଜାରି କରାଯାଇଛି । ପ୍ରାର୍ଥୀଙ୍କୁ ବ୍ୟାଙ୍କ ମିତ୍ର, ସିଆରପି- ସିଏମ, ମାଷ୍ଟର ବୁକ କିପର (ଏମବିକେ) ଆଦି ପଦରେ ନିଯୁକ୍ତି ଦିଆଯିବ । ଏଥିପାଇଁ ଆବେଦନର ଅନ୍ତିମ ତାରିଖ ଆସନ୍ତା ୨୭ ତାରିଖ ରହିଛି ।
ଦଶମ, ଦ୍ୱାଦଶ ପାସ କରିଥିଲେ ପ୍ରାର୍ଥୀମାନେ ଏଥିରେ ଆବେଦନ କରିପାରିବେ । ସିଆରପି-ସିଏମ ପାଇଁ ୯୪ଟି, ଏମବିକେ ପାଇଁ ୯ଟି ଓ ବ୍ୟାଙ୍କ ମିତ୍ର ପାଇଁ ୪ଟି ପଦ ଖାଲି ରହିଛି । ପ୍ରାର୍ଥୀଙ୍କୁ ରାସଗୋବିନ୍ଦ ବ୍ଲକର ରାଘବପୁର, ଖୁଣ୍ଟାପାଳ, ଛଟଣା, ଭାଡ଼ୁସୋଲେ, ସାରୁମୁଳା, କମାରଡିହା, ଗଡ଼ିଘାଟି ଓ ଅମର୍ଦା ଆଦି ଜିପିଏଲଫ / ଜିପିମାନଙ୍କରେ ନିଯୁକ୍ତି ଦିଆଯିବ ।
ଏହି ସମସ୍ତ ପଦରେ ଆବେଦନ କରିବାକୁ ହେଲେ ପ୍ରାର୍ଥୀ ଜଣେ ମହିଳା ସ୍ୱୟଂ ସହାୟିକା (ଏସଏଚଜି) ସଦସ୍ୟା ହେବା ସହ ସେ ଓଡ଼ିଆ ଭାଷାରେ ଲେଖିବା ଓ ପଢ଼଼ିବା ଭଲଭାବେ ଜାଣିଥିବେ । ସେ ସ୍ଥାନୀୟ ଭାଷା ଜାଣିଥିବା ଆବଶ୍ୟକ । ପ୍ରାର୍ଥୀମାନେ ତଳେ ଦିଆଯାଇଥିବା ନୋଟିଫିକେସନ ଲିଙ୍କକୁ ଯାଇ ସେମାନଙ୍କର ଆବେଦନ ଫର୍ମ ଡାଉନଲୋଡ୍ କରିପାରିବେ । ଇଚ୍ଛୁକ ପ୍ରାର୍ଥୀମାନେ ବିଜ୍ଞାପନକୁ ଭଲ ଭାବେ ପଢ଼ିବ ଆବେଦନ କରିବାକୁ ଅନୁରୋଧ ।
ନୋଟିଫିକେସନ ଲିଙ୍କ: https://cache.careers360.mobi/media/uploads/froala_editor/files/Notification-Block-Mission-Shakti-Office-Rasgobindpur-Various-Vacancy-2023.pdf
ଅଫିସିଆଲ ୱେବସାଇଟ୍ ଲିଙ୍କ: https://missionshakti.odisha.gov.in/
