ରାତିଅଧରେ ଘରେ ପଶି କଳାକନା ବୁଲାଇଦେଲେ ୬ ଦୁର୍ବୃତ୍ତ

ଭଦ୍ରକ: ଭଦ୍ରକରେ ବଡ଼ଧରଣର ଲୁଟ୍ । ଘରେ ପଶି ପରିବାର ଲୋକଙ୍କୁ ଆକ୍ରମଣ କରି ଲୁଟ୍ କଲେ ଦୁର୍ବୃତ୍ତ । ଭଣ୍ଡାରିପୋଖରୀ ନପଙ୍ଗ ଗାଁରେ ବୁଧବାର ବିଳମ୍ବିତ ରାତିରେ ଏହି ଚୋରି ହୋଇଛି । ମାଧବ ସେଠୀଙ୍କ ଘରେ ପଶି ୬ ଦୁର୍ବୃତ୍ତ ଏ କାଣ୍ଡ ଭିଆଇଥିବା ଜଣାପଡ଼ିଛି । ଘରେ ଥିବା ଲୋକଙ୍କୁ ଧାରୁଆ ଛୁରୀ ଭୁଜାଲିରେ ଆକ୍ରମଣ କରିବା ପରେ ଘରେ ଥିବା ଟଙ୍କା ଓ ସୁନା ଲୁଟ୍ କରିଥିବା ସୂଚନା । ଘଟଣାର ସୂଚନା ପାଇ ଭଣ୍ଡାରିପୋଖରୀ ପୋଲିସ ତଦନ୍ତ ଚଳାଇଛି ।