ଚିଲି-ଆର୍ଜେଣ୍ଟିନା ସୀମାରେ ଭୟଙ୍କର ଭୂକମ୍ପ: ୭.୧ ତୀବ୍ରତା ସହିତ କମ୍ପନ, ବଡ଼ ଧ୍ୱଂସ ଆଶଙ୍କା
ନୂଆଦିଲ୍ଲୀ: ଚିଲି-ଆର୍ଜେଣ୍ଟିନା ସୀମା ଅଞ୍ଚଳରେ ଏକ ଭୟଙ୍କର ଭୂକମ୍ପ ଘଟିଛି । ଶୁକ୍ରବାର ସକାଳ ୭.୨୦ ସମୟରେ ଭୂକମ୍ପରେ କମ୍ପନ ଅନୁଭୂତ ହୋଇଥିଲା । ରିକ୍ଟର ସ୍କେଲରେ ଏହି ଭୂକମ୍ପର ତୀବ୍ରତା ୭.୧ ରେ ମାପ କରାଯାଇଛି ।
ନ୍ୟାସନାଲ ସେଣ୍ଟର ଫର ସେସମୋଲୋଜି ଏହି ସୂଚନା ଦେଇଛି । ଏହି ଭୂକମ୍ପରେ ବଡ଼ ଧ୍ୱଂସ ହେବାର ସମ୍ଭାବନା ରହିଛି । ଏହାର କେନ୍ଦ୍ର ସାନ ପେଡ୍ରୋ ଡି ଆଟାକାମା ସହରର ୪୧ କିଲୋମିଟର ଦକ୍ଷିଣ-ପୂର୍ବରେ ଥିଲା । ଏହାର ଗଭୀରତା ଭୂମିଠାରୁ ୧୨୮ କିଲୋମିଟର ବୋଲି କୁହାଯାଏ । ଏହାର କମ୍ପନ ଅନେକ କିଲୋମିଟର ପର୍ଯ୍ୟନ୍ତ ଅନୁଭୂତ ହୋଇଥିଲା । ହଠାତ୍ ଭୂକମ୍ପ ଯୋଗୁଁ ଅନେକ ଲୋକ ଭୟଭୀତ ହୋଇ ଘରୁ ବାହାରକୁ ଆସିଥିଲେ ।
ତେବେ ପ୍ରଶାନ୍ତ ମହାସାଗରର ‘ରିଙ୍ଗ ଅଫ୍ ଫାୟାର’ରେ ଅବସ୍ଥିତ ଚିଲିରେ ବାରମ୍ବାର ଭୂକମ୍ପ ଘଟିଥାଏ । ୨୦୧୦ ରେ, ୮.୮ ମ୍ୟାଗ୍ନିଚ୍ୟୁଡର ଭୂକମ୍ପ ଏବଂ ଏହା ପରେ ଆସିଥିବା ସୁନାମିରେ ୫୨୬ ଜଣଙ୍କର ମୃତ୍ୟୁ ଘଟିଥିଲା ।