(Video) ସଲମାନଙ୍କ ‘ସିକନ୍ଦର’ ଟିଜର ରିଲିଜ, ଜାଣନ୍ତୁ କେବେ ରିଲିଜ ହେବ ଫିଲ୍ମ

ନୂଆଦିଲ୍ଲୀ: ସଲମାନ ଖାନଙ୍କ ଅପକମିଙ୍ଗ ଫିଲ୍ମ ‘ସିକନ୍ଦର’ ବହୁ ସମୟରୁ ଚର୍ଚ୍ଚାରେ ଥିଲା। ଫ୍ୟାନ୍ସ ଏହି ଫିଲ୍ମକୁ ଖୁବ ଉତ୍ସାହର ସହ ଚାହିଁ ବସିଛନ୍ତି। ବର୍ତ୍ତମାନ ସଲମାନ ଖାନ ଫ୍ୟାନ୍ସଙ୍କ ପାଇଁ ଏକ ଦମଦାର ଟିଜର ଆଣିଛନ୍ତି। ଶନିବାର ସିକନ୍ଦରର ଟିଜରକୁ ରିଲିଜ କରାଯାଇଛି।

ନାଡିୟାଡୱାଲା ନିର୍ଦ୍ଦେଶନାରେ ନିର୍ମିତ ଫିଲ୍ମକୁ ‘ଗଜନୀ’ ଭଳି ସୁପରହିଟ ଫିଲ୍ମ କରିଥିବା ନିର୍ଦ୍ଦେଶକ ମୁରୁଗୁଦାସ ପ୍ରସ୍ତୁତ କରିଛନ୍ତି। ଏହି ଫିଲ୍ମ ଆସନ୍ତା ବର୍ଷ ଇଦରେ ରିଲିଜ ହେବାକୁ ଯାଉଛି। ସଲମାନ ଖାନ ଏହି ଫିଲ୍ମରେ ଦମଦାର ଆକ୍ସନ ମୋଡରେ ନଜର ଆସିବେ।

ସଲମାନ ଖାନ ଷ୍ଟାରର ଫିଲ୍ମ ସିକନ୍ଦର ଗତ କିଛି ଦିନରୁ ଚର୍ଚ୍ଚାରେ ଥିଲେ। ସଲମାନ ଖାନ ଏହି ଫିଲ୍ମର ସୁଟିଂ ପାଇଁ ହାଇଦ୍ରାବାଦରେ ଥିଲେ। ବର୍ତ୍ତମାନ ସଲମାନ ଖାନ ଏହି ଫିଲ୍ମ ସୁଟିଂ ପୂରା କରିସାରିଛନ୍ତି। ସାଉଥ ନିର୍ଦ୍ଦେଶକ ମୁରୁଗୁଦାସ ବକ୍ସ ଅଫିସର ମାଷ୍ଟର ଏବଂ କାହାଣୀର ଉସ୍ତାଦ ଖେଳାଳି।

ମୂରୁଗୁଦାସ ଆମିର ଖାନଙ୍କ ସହ ଫିଲ୍ମ ଗଜନୀ କରିଥିଲେ। ଏହି ଫିଲ୍ମ ମଧ୍ୟ ସାଉଥର ରିମେକ ଥିଲା। ହେଲେ ଏହି ଫିଲ୍ମ ବକ୍ସ ଅଫିସରେ ଦମଦାର ଭାବେ ରୋଜଗାର କରିଥିଲା। ବର୍ତ୍ତମାନ ମୂରୁଗୁଦାସ ଖୁବଶୀଘ୍ର ସଲମାନ ଖାନଙ୍କ ସହ ଫିଲ୍ମକୁ ନେଇ ଆସୁଛନ୍ତି। ଶନିବାର ଦିନ ଟିଜର ରିଲିଜ କରାଯାଇଛି। ଟିଜରରେ ପୁଣିଥରେ ସଲମାନ ଖାନ ଦମଦାର ଆକନ୍ସରେ ଗୁଣ୍ଡାଙ୍କ ହାଡ଼ ଭାଙ୍ଗିବା ନଜର ଆସୁଛନ୍ତି।