ସ୍କୁଲ ଗଣେଶ ମୂର୍ତ୍ତି ବିସର୍ଜନ ବେଳେ ଅଘଟଣ, ପାଣିରେ ବୁଡ଼ି ଛାତ୍ର ମୃତ

ଗଣେଶ ବିସର୍ଜନ ବେଳେ ବୁଡ଼ିଗଲେ ଛାତ୍ର

ଯାଜପୁର: ସ୍କୁଲ ଗଣେଶ ମୂତ୍ତି ଭସାଣି ବେଳେ ପୋଖରୀରେ ବୁଡ଼ି ଛାତ୍ରଙ୍କର ମୃତ୍ୟୁ ଘଟିଛି। ପାଣିକୋଇଲି ଥାନା ରଙ୍ଗରଙ୍ଗା ଗାଁର ପୋଖରୀରେ ବୁଡ଼ି ଜଣେ ଛାତ୍ରଙ୍କର ପ୍ରାଣହାନି ଘଟିଛି।

ସୂଚନାନୁଯାୟୀ, ମୃତକ ପ୍ରହଲ୍ଲାଦ ଉଚ୍ଚବିଦ୍ୟାଳୟର ଅଷ୍ଟମ ଶ୍ରେଣୀର ଛାତ୍ର। ଗତ ଅଗଷ୍ଟ ୨୭ ତାରିଖରେ ଖୁବ ଧୁମଧାମରେ ପାଳନ ହୋଇଥିଲା ଗଣେଶ ପୂଜା।

ତା’ପର ଦିନ ଗୁରୁବାର ଥିବାରୁ, ଆଜି ପ୍ରାୟତଃ ସ୍ଥାନରେ ଗଣେଶ ଭସାଣି ହେଉଛି। କିନ୍ତୁ ଗଣେଶ ଭସାଣି ବେଳେ ଏମିତି ଦୁଃଖଦ ଘଟଣା ଘଟିବ ବୋଲି କେହି ଜାଣି ନଥିଲେ। ପିଲାଟିର ପରିବାରରେ ଶୋକ ପରିସ୍ଥିତି ଖେଳିଯାଇଛି।