ସମସ୍ତଙ୍କୁ ଭୟଭୀତ କରି ରଖିଥିବା ନାଗ ସାପ କାହିଁକି ନେଉଳକୁ ଦେଖି ଡରିଯାଏ, ଜାଣନ୍ତୁ ଏହାର ପୂରା ରହସ୍ୟ…

ସାପ ନାଁ ଶୁଣିଲେ କିଏ ନ ଡରେ କହିଲେ? ମାତ୍ର ସମସ୍ତଙ୍କୁ ଭୟଭୀତ କରି ରଖିଥିବା ସାପ ସାମାନ୍ୟ ନେଉଳକୁ ଦେଖି ମଧ୍ୟ ଡରିଯାଏ । ସବୁବେଳେ ନେଉଳ ସହ ଲଢ଼େଇରେ ସାପ ହିଁ ହାରିଥାଏ । ଜାଣନ୍ତୁ ଏହା ପଛର ପ୍ରକୃତ କାରଣ…

ସାପ ଏବଂ ନେଉଳ ମଧ୍ୟରେ ଏପରି ଶତ୍ରୁତା ଅଛି ଯେ, ଉଭୟ ପରସ୍ପରକୁ ଦେଖି କ୍ରୋଧିତ ହୋଇଯାଆନ୍ତି। ସୋସିଆଲ ମିଡିଆରେ ସାପ ଏବଂ ନେଉଳ ଲଢ଼େଇର ଭିଡିଓ ପ୍ରାୟତଃ ଦେଖିବାକୁ ମିଳେ। ଉଭୟଙ୍କ ଲଢ଼େଇରେ କେତେବେଳେ ସାପ ଜିତିଥାଏ, ଆଉ କେତେବେଳେ ନେଉଳ ଜିତିଥାଏ। ନେଉଳ ନାଗ ପରି ସାପକୁ ମଧ୍ୟ ପରାସ୍ତ କରିଥାଏ, କାରଣ ସାପ ନେଉଳ ଆଗରେ ଅଧିକ ସମୟ ଠିଆ ହୋଇପାରେ ନାହିଁ।

ସାପ ଏବଂ ନେଉଳ ମଧ୍ୟରେ ଶତ୍ରୁତା କାହିଁକି?

କିଛି ଲୋକ ବିଶ୍ୱାସ କରନ୍ତି ଯେ, ସାପ ଏବଂ ନେଉଳ ମଧ୍ୟରେ ଏକ ପ୍ରାକୃତିକ ଶତ୍ରୁତା ଅଛି। ସେଥିପାଇଁ ଉଭୟ ପରସ୍ପରକୁ ମାରିବାକୁ ଚାହାନ୍ତି ଯାହା ଦ୍ୱାରା ସେମାନେ ବଞ୍ଚି ରହିପାରିବେ। ପ୍ରକୃତରେ ଉଭୟଙ୍କ ମଧ୍ୟରେ ଶତ୍ରୁତା ଏହି କାରଣ ଯେ, ସାପ ସବୁବେଳେ ନେଉଳର ପିଲାମାନଙ୍କୁ ଶିକାର କରେ, କାରଣ ସେ ସେମାନଙ୍କୁ ଖାଦ୍ୟ ଭାବରେ ବହୁତ ପସନ୍ଦ କରେ। ଏହି କାରଣରୁ ନେଉଳ ତା’ର ପିଲାମାନଙ୍କୁ ସୁରକ୍ଷା ଦେବା ପାଇଁ ସାପକୁ ଦେଖିବା ମାତ୍ରେ ଆକ୍ରମଣ କରେ। ନେଉଳ ବହୁତ ଦ୍ରୁତ ଏବଂ ଚତୁର।

ନେଉଳ ସାପଠାରୁ କାହିଁକି ବିଜୟୀ ହୁଏ?

ଆପଣ ସାପ ଏବଂ ନେଉଳ ମଧ୍ୟରେ ଲଢ଼େଇ ନିଶ୍ଚୟ ଦେଖିଥିବେ। ଆପଣ ଦେଖିଥିବେ  ସାପ ନେଉଳଠାରୁ ଦୌଡ଼ି ପଳାଇବାକୁ ଚେଷ୍ଟା କରେ। କିନ୍ତୁ ଆପଣ କ’ଣ ଜାଣନ୍ତି ନେଉଳ ସାପ ସହିତ ଅଧିକାଂଶ ଲଢ଼େଇରେ କାହିଁକି ଜିତିଥାଏ?

ଏକ ଭୁଲ ଧାରଣା ଅଛି ଯେ, ସାପର ବିଷ ଭାରତୀୟ ମାଟିଆ ନେଉଳ ଉପରେ କୌଣସି ପ୍ରଭାବ ପକାଏ ନାହିଁ। କିନ୍ତୁ ପ୍ରକୃତରେ ଏହା ସତ୍ୟ ନୁହେଁ। ଯଦି ସାପ ନେଉଳକୁ କାମୁଡ଼େ, ତେବେ କିଛି ସମୟ ପରେ ତା’ ଉପରେ ବିଷର ପ୍ରଭାବ ଦେଖାଯାଏ। କାରଣ ନେଉଳ ଶରୀରରେ ଏକ ଆସେଟିଲକୋଲାଇନ୍ ରିଫ୍ଲେକ୍ସ ଥାଏ, ଯାହା ସାପର ବିଷରେ ଥିବା ନ୍ୟୁରୋଟକ୍ସିନ୍ ରୁ ତାକୁ ରକ୍ଷା କରେ। ତଥାପି ନେଉଳ ସାପ ଅପେକ୍ଷା ଅଧିକ ଚପଳ, ତେଣୁ ଏହା ସାପଠାରୁ ନିଜକୁ ରକ୍ଷା କରେ।

ନେଉଳ ସାପ ସହିତ ଲଢ଼ିବା ପାଇଁ ଏକ ବିଶେଷ କୌଶଳ ବ୍ୟବହାର କରେ। ପ୍ରକୃତରେ କୋବ୍ରା ଭଳି ଏକ ବିପଦଜନକ ସାପଠାରୁ ରକ୍ଷା ପାଇବା ପାଇଁ, ନେଉଳ ବାରମ୍ବାର ଦ୍ରୁତ ଗତିରେ ଡେଇଁ ନିଜକୁ ବଞ୍ଚାଏ। ସବୁଠାରୁ ବିଶେଷ କଥା ହେଉଛି ନେଉଳ ସାପର ମୁଣ୍ଡକୁ ଧରିଥାଏ, ଯାହା ଯୋଗୁ ସାପ କିଛି କରିପାରେ ନାହିଁ।

ନେଉଳ ଚତୁର ହୋଇଥିବାରୁ ଏହା ସାପ ସହିତ ଲଢ଼େଇରେ ଜିତିଥାଏ। ସାପ କାମୁଡ଼ିଲେ ମଧ୍ୟ ବିଷ ତାକୁ ତୁରନ୍ତ ପ୍ରଭାବିତ କରେ ନାହିଁ। ଯଦି କୋବ୍ରା ଏବଂ କ୍ରେଟ୍ ଭଳି ବିଷାକ୍ତ ସାପ ନେଉଳ କାମୁଡ଼ି ଦିଏ, ତେବେ ଏହା କିଛି ସମୟ ମଧ୍ୟରେ ମରିଯାଏ।