KGF: Chapter 2 ବକ୍ସ ଅଫିସ୍ କଲେକ୍ସନ: ସବୁ ରେକର୍ଡ ଭାଙ୍ଗିବା ଲକ୍ଷ୍ୟରେ ୟଶ
ନୂଆଦିଲ୍ଲୀ: ବର୍ତ୍ତମାନ ସମୟରେ ସାଉଥ୍ ଫିଲ୍ମଗୁଡ଼ିକ ସାରା ଦୁନିଆରେ ନିଜର ଜଲୱା ଦେଖାଇବାରେ ଲାଗିଛନ୍ତି । ଅଭିନେତା ୟଶଙ୍କ ଅଭିନୀତ କେଜିଏଫ ଚାପ୍ଟର ୨କୁ ଫ୍ୟାନ୍ସ ବହୁତ ପସନ୍ଦ କରିଛନ୍ତି । ତାହାର ଜ୍ୱଳନ୍ତ ପ୍ରମାଣ ସିନେମା ଘରଗୁଡ଼ିକରେ ଦେଖିବାକୁ ମିଳୁଛି । ଫିଲ୍ମଟି ସାରା ବିଶ୍ୱରେ ଶାନଦାର ଆୟ କରିଚାଲିଛି । ୟଶଙ୍କର ଏହି ଫିଲ୍ମର ପ୍ରଥମ ଭାଗକୁ ମଧ୍ୟ ଦର୍ଶକମାନେ ବହୁତ ପସନ୍ଦ କରିଥିଲେ ।
ପୂର୍ବରୁ ଯଦି ଗୋଟିଏ ଫିଲ୍ମ ୧୦୦ କୋଟି ଟପିଯାଉଥିଲା, ତେବେ ତାହା ବହୁତ ବଡ଼ କଥା ଥିଲା । ମାତ୍ର ବର୍ତ୍ତମାନ ସମୟରେ ବକ୍ସ ଅଫିସରେ ସାଉଥ୍ ଫିଲ୍ମଗୁଡ଼ିକ ନିଜର ବେଷ୍ଟରୁ ବେଷ୍ଟ ଫରଫର୍ମାନ୍ସ ଦେଇ ଚାଲିଛନ୍ତି । ସଞ୍ଜୟ ଦତ୍ତ ଓ ୟଶଙ୍କ ଅଭିନୀତ କେଜିଏଫ ୨ ରିଲିଜ ହେବାର ୩ ଦିନ ମଧ୍ୟରେ ପାଖାପାଖି ୧୪୦ କୋଟି କମାଇ କରିସାରିଲାଣି । ଫିଲ୍ମଟି ଚତୁର୍ଥ ଦିନରେ ଅର୍ଥାତ ୱିକ ଏଣ୍ଡରେ ହିନ୍ଦି ଭର୍ସନରେ ୧୮୦ କୋଟି ଟପିଯିବ ବୋଲି ଅନୁମାନ କରାଯାଉଛି ।
କେଜିଏଫ ୨ ଆମେରିକାରେ ପାଖାପାଖି ୨୩ କୋଟି ଆୟ କରିସାରିଛି । ତେବେ ଆସନ୍ତା ଏକ ସପ୍ତାହ ମଧ୍ୟରେ ଫିଲ୍ମଟି କେତେ ରେକର୍ଡ ଭାଙ୍ଗୁଛି ତାହା ଦେଖିବାକୁ ବାକି ରହିଲା । ଏସଏସ ରାଜମୌଲୀଙ୍କ ଆରଆରଆର ଫିଲ୍ମଟି ବିଶ୍ୱବ୍ୟାପୀ ୧ ହଜାର କୋଟି ଆୟ କରିସାରିଛି । ଏବେ ରକିଭାଇଙ୍କ କମାଲକୁ ସମସ୍ତେ ଚାହିଁ ରହିଛନ୍ତି । ଗତ ୧୪ ତାରିଖରେ କେଜିଏଫ୍ ୨ ସିନେମା ଘରେ ରିଲିଜ୍ ହୋଇଥିଲା ।
