ସୋସିଆଲ ମିଡିଆରେ ଡିପି ପରିବର୍ତ୍ତନ କଲେ ମହାରାଷ୍ଟ୍ର ସିଏମ୍ ଏକନାଥ ସିନ୍ଦେ; ଖୁବଶୀଘ୍ର ବାହାରିବ ଗୌରବ ଯାତ୍ରା

ନୂଆଦିଲ୍ଲୀ: ମହାରାଷ୍ଟ୍ର ସିଏମ୍ ଏକନାଥ ସିନ୍ଦେ, ଡେପୁଟି ସିଏମ୍ ଦେବେନ୍ଦ୍ର ଫଡନାଭିସ୍ ଏବଂ ଶିବସେନା-ବିଜେପି ମିଳିତ ମଞ୍ଚର ଅନ୍ୟ ନେତା ମାନେ ବୀର ସାବରକରଙ୍କ ସମର୍ଥନରେ ‘ଗୌରବ ଯାତ୍ରା’ ପୂର୍ବରୁ ମଙ୍ଗଳବାର ଦିନ ତାଙ୍କ ସୋସିଆଲ ମିଡିଆରେ ଡିପି (ଡିସପ୍ଲେ ପିକ୍ଚର୍ସ) ପରିବର୍ତ୍ତନ କରିଛନ୍ତି । ସେମାନେ ତାଙ୍କର ଏକ ଫଟୋକୁ ତାଙ୍କ ଡିପିରେ ରଖିଛନ୍ତି। ନେତାମାନେ ଲେଖିଛନ୍ତି ‘ମୁଁ ସାବରକର’ କିମ୍ବା ‘ଆମେ ସମସ୍ତେ ସାବରକର’।

ମାର୍ଚ୍ଚ ୩୦ ରୁ ମହାରାଷ୍ଟ୍ରର ପ୍ରତ୍ୟେକ ଜିଲ୍ଲାରେ ସାବରକରଙ୍କ ଅବଦାନକୁ ସମ୍ମାନ ଜଣାଇବା ତଥା କଂଗ୍ରେସ ନେତା ରାହୁଲ ଗାନ୍ଧୀଙ୍କ ସମାଲୋଚନାକୁ ଦୃଷ୍ଟିରେ ରଖି ବିଜେପି ଏବଂ ସିନ୍ଦେ ନେତୃତ୍ୱାଧୀନ ଶିବସେନା ‘ଗୌରବ ଯାତ୍ରା’ ପାଇଁ ଆହ୍ୱାନ ଦେଇଛନ୍ତି। ସାବରକରଙ୍କ ଛବି ସୋସିଆଲ ମିଡିଆରେ ରଖିବା ସହିତ ନେତାମାନେ ‘ମୁଁ ସାବରକର’ କିମ୍ବା ‘ଆମେ ସମସ୍ତେ ସାବରକର’ ଲେଖିଥିଲେ।

ତାଙ୍କୁ ସମର୍ଥନ କରି ସୋମବାର ସନ୍ଧ୍ୟାରେ ଏକନାଥ ସିନ୍ଦେ ତାଙ୍କ ଟ୍ୱିଟର ଡି.ପି. ମଧ୍ୟ ପରିବର୍ତ୍ତନ କରିଥିଲେ। ଏହା ପରେ ମାର୍ଚ୍ଚ ୨୮ ରେ ସେ ଏକ ସାମ୍ବାଦିକ ସମ୍ମିଳନୀ କରି ସେ କହିଥିଲେ ଯେ ସାବରକରଙ୍କ ପରି ବୀରଙ୍କ ଯୋଗୁଁ ଦେଶ ସ୍ୱାଧୀନତା ପାଇଛି। ଏଥି ସହ ରାହୁଲ ଗାନ୍ଧୀଙ୍କୁ ଟାର୍ଗେଟ କରିବାବେଳେ ସେ କହିଛନ୍ତି – ମୁଁ ରାହୁଲ ଗାନ୍ଧୀଙ୍କ ଏଭଳି ମନ୍ତବ୍ୟ କୁ ଦୃଢ ନିନ୍ଦା କରୁଛି। ସାବରକର ସମ୍ମାନାର୍ଥେ ଆମେ ରାଜ୍ୟର ପ୍ରତ୍ୟେକ ଜିଲ୍ଲାରେ ସାବରକର ଗୌରବ ଯାତ୍ରା ବାହାର କରିବୁ। ଏହି ଯାତ୍ରା ମାଧ୍ୟମରେ ଶିବସେନା ସିନ୍ଦେ ଦଳ ସାବରକରଙ୍କ କାର୍ଯ୍ୟ ବିଷୟରେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବ ଏବଂ ସ୍ୱାଧୀନତା ସଂଗ୍ରାମୀଙ୍କ ବିରୋଧରେ ବିବୃତ୍ତି ଦେଉଥିବା ବ୍ୟକ୍ତିଙ୍କ ବିରୋଧରେ ଏକ ମାମଲା ରୁଜୁ ହେବ।

ସୂଚନାମୁତାବକ ଲୋକସଭା ସଦସ୍ୟତା ହରାଇବାର ଗୋଟିଏ ଦିନ ପରେ ରାହୁଲ ଗାନ୍ଧୀ ଏକ ସାମ୍ବାଦିକ ସମ୍ମିଳନୀରେ କ୍ଷମା ନ ମାଗିବା ସହ ଏଭଳି କିଛି ବିବୃତି ଦେଇଥିଲେ ଯାହା ପରେ ସାବରକର ବିବାଦ ଉପୁଜିବାର ଲାଗିଥିଲା ।

ରାହୁଲ କହିଥିଲେ ‘ମୋର ନାମ ସାବରକର ନୁହେଁ, ମୋର ନାମ ଗାନ୍ଧୀ ଏବଂ ଗାନ୍ଧୀ କାହାକୁ କ୍ଷମା ମାଗନ୍ତି ନାହିଁ।’ ତାଙ୍କ ବିବୃତ୍ତି ପରଠାରୁ ମହାରାଷ୍ଟ୍ରରେ ରାଜନୀତି ତୀବ୍ର ହୋଇଛି। ବିଜେପି ଓ କଂଗ୍ରେସର ସହଯୋଗୀ ଉଦ୍ଧବ ଠାକରେ ରାହୁଲ ଗାନ୍ଧୀଙ୍କ ଏହି ବିବୃତ୍ତିକୁ ବିରୋଧ କରିଛନ୍ତି। କେବଳ ଏତିକି ନୁହେଁ କଂଗ୍ରେସ ନେତା ରାହୁଲ ଗାନ୍ଧୀଙ୍କ ବିବୃତ୍ତିରେ ହିନ୍ଦୁତ୍ୱ ଆଦର୍ଶବାଦୀ ବୀର ଦାମୋଦର ସାବରକରଙ୍କ ନାତି ରଣଜିତ୍ ସାବରକର ମଧ୍ୟ ସାବରକର ବ୍ରିଟିଶମାନଙ୍କୁ କ୍ଷମା ମାଗିଛନ୍ତି ବୋଲି ଯଦି କୌଣସି ପ୍ରମାଣ ଅଛି ତାହା ଦେଖାଇବାକୁ କହିଛନ୍ତି। ଏହାସହ ରଣଜିତ୍ ରାହୁଲଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି।