ବାପା ମା’ଙ୍କ ସଉକ ପାଇଁ ବିପଦରେ ପିଲାଙ୍କ ଜୀବନ! ପିଲାଙ୍କ ଶରୀରରେ ଟାଟୁ କରେଇବାର ଇଚ୍ଛା ପାଇଁ ହେଇପାରେ ସାଙ୍ଘାତିକ ରୋଗ
ନୂଆଦିଲ୍ଲୀ:ବର୍ତ୍ତମାନ ସମୟରେ ଟାଟୁ ଏକ ପ୍ରକାରର ଟ୍ରେଣ୍ଡ ହୋଇଯାଇଛି । ଏହା ହେଉଛି ଫ୍ୟାଶନର ଯୁଗ। ଯାହାଙ୍କୁ ଦେଖ ସବୁ ଏଭଳି କରୁଛନ୍ତି । ଟାଟୁ କରିବା ପାଇଁ ଯୁବକମାନଙ୍କ ମଧ୍ୟରେ କମ୍ କ୍ରେଜ୍ ନାହିଁ। କେବଳ ଏଥିରେ ବଡ ଲୋକମାନେ ସାମିଲ ନାହାନ୍ତି ବରଂ ଛୋଟ ପିଲା ମାନେ ମଧ୍ୟ ଟାଟୁ କରୁଥିବାର ଦେଖିବାକୁ ମିଳୁଛି । ଆଉ ଏହା ପଛରେ ସେମାନଙ୍କ ପିତାମାତାଙ୍କର ସମର୍ଥନ ରହିଛି । ଆଉ ସେମାନେ ଟାଟୁରୁ ହେଉଥିବା ନାନା ପ୍ରକାରର ସମସ୍ୟା ପରେ ମଧ୍ୟ ପିଲାଙ୍କ ଶରୀରରେ ଟାଟୁ କରାଉଛନ୍ତି । ଯାହା ଦ୍ୱାରା ପିଲାମାନଙ୍କ ଶରୀର ଗୁରୁତର ହେଉଛି ।
ତେଣୁ ଟାଟୁକୁ ନେଇ ସାବଧାନ ରହିବା ଆବଶ୍ୟକ। ଟାଟୁ ହୋଇଥିବା ଚର୍ମରେ ଅଧିକ ଝାଳ ହୁଏ ନାହିଁ ଏବଂ ଏହି କାରଣରୁ ଶରୀରର ଥଣ୍ଡା ହେବାର କ୍ଷମତା କମିଯାଏ ଏବଂ ଏହା ହୃଦୟକୁ କ୍ଷତି ପହଞ୍ଚାଏ । ଆସନ୍ତୁ ଜାଣିବା କିଛି ଟାଟୁ ଦ୍ୱାରା ଅନ୍ୟ କେଉଁ କେଉଁ ସମସ୍ୟା ହେଇଥାଏ :
ଚର୍ମ କର୍କଟ: ଟାଟୁ କରି ସୋରିୟାସିସ୍ ରୋଗ ହେବାର ଭୟ ଅଛି। ଆଉ ପିଲା ମାନଙ୍କ ଚର୍ମ ଅତ୍ୟନ୍ତ ପତଳା । ଏଥିପାଇଁ ବ୍ୟବହୃତ ଛୁଞ୍ଚିକୁ ବ୍ୟବହାର କରିବା ଦ୍ୱାରା ଚର୍ମ ସମ୍ବନ୍ଧୀୟ ରୋଗ, ଏଚ୍.ଆଇ.ଭି ଭଳି ରୋଗ ହେବାର ଆଶଙ୍କା ବଢିପାରେ। ଏହା ବ୍ୟତୀତ ଚର୍ମ କର୍କଟ ହେବାର ଆଶଙ୍କା ମଧ୍ୟ ବଢିଥାଏ ।
ଟକ୍ସିକ୍ ଇଙ୍କ- ଟାଟୁ ବ୍ୟବହୃତ ଇଙ୍କରେ ରାସାୟନିକ ପଦାର୍ଥ ଅଛି ଯାହାକି କର୍କିନୋଜେନିକ୍ ଭାବରେ ଜଣାଶୁଣା ଯାହା ସ୍ୱାସ୍ଥ୍ୟ ପ୍ରତି ଗୁରୁତର ବିପଦ ସୃଷ୍ଟି କରିପାରେ ଯାହା ସ୍ୱାସ୍ଥ୍ୟ ପ୍ରତି ଗୁରୁତର ବିପଦ ସୃଷ୍ଟି କରିପାରେ। ଟାଟୁ ତିଆରି କରିବା ପାଇଁ ନୀଳ ରଙ୍ଗର ଇଙ୍କି ବ୍ୟବହୃତ ହୁଏ ଯେଉଁଥିରେ ଆଲୁମିନିୟମ ଏବଂ କୋବାଲ୍ଟ ରହିଥାଏ ଯାହା ପିଲାଙ୍କ ନରମ ତ୍ୱଚା ପାଇଁ ବହୁତ କ୍ଷତିକାରକ ହୋଇପାରେ ।
ମାଂସପେଶୀର କ୍ଷତି – ଯୁବକମାନେ ନିଜ ଚର୍ମରେ ଟାଟୁ କରିଲେ ବହୁତ କଷ୍ଟ ହେଇଥାଏ ତେବେ ଭାବନ୍ତୁ ପିଲା ମାନଙ୍କୁ କେତେ ଅଧିକ କଷ୍ଟ ହେଉଥିବ । ଏଥିରେ ବ୍ୟବହାର ହେଉଥିବା ଛୁଞ୍ଚି କାରଣରୁ, ମାଂସପେଶୀରେ ବହୁତ କ୍ଷତି ହୋଇଥାଏ ।
ହେପାଟାଇଟିସ୍ ବି – ଟାଟୁ କରିବା ପୂର୍ବରୁ ଲୋକମାନେ ହେପାଟାଇଟିସ୍ ବି ଟିକା ନେବା ଆବଶ୍ୟକ। ଏହା ବ୍ୟତୀତ ଟାଟୁ ହୋଇଥିବା ସ୍ଥାନରେ ପ୍ରତିଦିନ ଆଣ୍ଟିବାୟୋଟିକ୍ କ୍ରିମ୍ ଲଗାନ୍ତୁ । ଆଉ ପିଲାମାନଙ୍କୁ ଏଥରୁ ଦୂରରେ ରଖନ୍ତୁ । ନଚେତ ସେମାନେ ଅନେକ ସମସ୍ୟା ଭୋଗୀ ପାରିବେ ।
