ବଜେଟ୍ ପୂର୍ବରୁ ସରକାରଙ୍କ ବଡ଼ ନିଷ୍ପତ୍ତି, ପୋଷ୍ଟ ଅଫିସ୍ ର Saving Schemesରେ ମିଳୁଥିବା ସୁଧରେ ହେବନି ପରିବର୍ତ୍ତନ

ନୂଆଦିଲ୍ଲୀ: ଆସନ୍ତା ମାସ ଶେଷ ସୁଦ୍ଧା ସରକାର ଯେକୌଣସି ସମୟରେ ୨୦୨୪-୨୫ ପାଇଁ ସମ୍ପୂର୍ଣ୍ଣ ବଜେଟ୍ ଉପସ୍ଥାପନ କରିପାରନ୍ତି । ବଜେଟର ଠିକ ପୂର୍ବରୁ ସରକାର ଏପରି ନିଷ୍ପତ୍ତି ନେଇଛନ୍ତି ଯାହା ସାଧାରଣ ଲୋକଙ୍କୁ ବହୁତ ଆରାମ ପ୍ରଦାନ କରିବ । ଡାକଘର ଆରଡି ଏବଂ ନ୍ୟାସନାଲ ସେଭିଂ ସାର୍ଟିଫିକେଟ୍ (ଏନଏସସି) ପରି ସାଧାରଣ ବ୍ୟକ୍ତିଙ୍କ ଛୋଟ ସଞ୍ଚୟ ଉପରେ ସରକାର ସୁଧ ହାରରେ କୌଣସି ପରିବର୍ତ୍ତନ କରିନାହାଁନ୍ତି । ସରକାର ପ୍ରତି ତିନିମାସରେ ଛୋଟ ସଞ୍ଚୟ ଯୋଜନା ଉପରେ ସୁଧ ହାର ସମୀକ୍ଷା କରନ୍ତି ଏବଂ ଆବଶ୍ୟକ ହେଲେ ପରିବର୍ତ୍ତନ କରନ୍ତି । କିନ୍ତୁ ବର୍ତ୍ତମାନ ସୁଦ୍ଧା ଏହା କରାଯାଇ ନାହିଁ ।

ଲୋକସଭା ନିର୍ବାଚନ ପରେ ସଂସଦର ମୌସୁମୀ ଅଧିବେଶନ ଆରମ୍ଭ ହୋଇଛି । ନିର୍ବାଚନ ପୂର୍ବରୁ ସରକାର ମଧ୍ୟବର୍ତ୍ତୀକାଳୀନ ବଜେଟ୍ ଆଣିଥିଲେ । ବର୍ତ୍ତମାନ ସରକାର ମୌସୁମୀ ଅଧିବେଶନ ଶେଷ ହେବା ପୂର୍ବରୁ ଦେଶର ସମ୍ପୂର୍ଣ୍ଣ ବଜେଟ୍ ଆଣିବାକୁ ଯାଉଛନ୍ତି । ଏହା ପୂର୍ବରୁ ସରକାର ଜୁଲାଇ-ସେପ୍ଟେମ୍ବର ତ୍ରୈମାସିକ ପାଇଁ କ୍ଷୁଦ୍ର ସଞ୍ଚୟ ଯୋଜନାଗୁଡ଼ିକର ସୁଧ ହାରକୁ ଅପରିବର୍ତ୍ତିତ ରଖିଛନ୍ତି । ଦୀର୍ଘ ଦିନ ଧରି କଳ୍ପନା ଜଳ୍ପନା ଚାଲିଥିଲା ଯେ ଏଗୁଡିକ ପରିବର୍ତ୍ତନ କରାଯାଇପାରେ, କିନ୍ତୁ ସରକାର ତାହା ବୃଦ୍ଧି କରିନାହାଁନ୍ତି କିମ୍ବା ହ୍ରାସ କରିନାହାଁନ୍ତି ।

ଅର୍ଥ ମନ୍ତ୍ରଣାଳୟର ବଡ ନିଷ୍ପତ୍ତି :-
ଅର୍ଥ ମନ୍ତ୍ରଣାଳୟ ଶୁକ୍ରବାର ସୂଚନା ଦେଇଛି ଯେ ଜୁଲାଇ-ସେପ୍ଟେମ୍ବର ତ୍ରୈ ମାସିକ ପାଇଁ ସରକାର କ୍ଷୁଦ୍ର ସଞ୍ଚୟ ଯୋଜନାର ସୁଧ ହାର ପୂର୍ବପରି ରଖିବାକୁ ନିଷ୍ପତ୍ତି ନେଇଛନ୍ତି । ତେଣୁ, ୩୦ ସେପ୍ଟେମ୍ବର ୨୦୨୪ ପରେ ସୁଧ ହାର ଉପରେ ନିଷ୍ପତ୍ତି ନିଆଯିବ ।

ଏହି ଯୋଜନାରେ ସର୍ବାଧିକ ସୁଧ :-
ଛୋଟ ସଞ୍ଚୟ ଯୋଜନା ମଧ୍ୟରେ ସରକାର ସୁକନ୍ୟା ସମୃଦ୍ଧି ଆକାଉଣ୍ଟରେ ସର୍ବାଧିକ ସୁଧ ପ୍ରଦାନ କରନ୍ତି । ଏହି ସୁଧ ବାର୍ଷିକ ୮.୨ ପ୍ରତିଶତ ରହିଛି । ବରିଷ୍ଠ ନାଗରିକ ଯୋଜନା ପାଇଁ ସରକାର ମଧ୍ୟ ସମାନ ସୁଧ ପ୍ରଦାନ କରୁଛନ୍ତି । ଡାକଘରରୁ ଏହି ଦୁଇଟି ଯୋଜନାରେ ନିବେଶ କରାଯାଇପାରିବ । ସୁକନ୍ୟା ସମୃଦ୍ଧି ଆକାଉଣ୍ଟ ଏକ ସ୍ୱତନ୍ତ୍ର ଯୋଜନା । ସେହି ପିତାମାତାମାନଙ୍କ ପାଇଁ ଏହା ଉପଯୋଗୀ, ଯେଉଁମାନେ ନିଜ ଝିଅର ଶିକ୍ଷା ପାଇଁ ଏକ ବଡ଼ ପାଣ୍ଠି ସୃଷ୍ଟି କରିବାକୁ ଚାହୁଁଛନ୍ତି ।