ପ୍ଲେନରେ ମଦୁଆଙ୍କୁ ଶୀଘ୍ର ଚଢ଼ିଥାଏ ନିଶା: ବିଜ୍ଞାନ କହିଲା ଏହା ପଛର କାରଣ

Advertisement

ମଦ ପିଇାବ ପରେ ନିଶା ହେବା ତ ସାଧାରଣ କଥା, କିନ୍ତୁ ଯଦି ଆମେ କହିବା କି ପ୍ଲେନରେ ମଦ ପିଇବା ଦ୍ୱାରା ଆପଣଙ୍କୁ ଭୂମି ଅପେକ୍ଷା ଶୀଘ୍ର ନିଶା ଚଢ଼େ, ତେବେ ଆପଣ କ’ଣ କହିବେ । କିନ୍ତୁ ଏହି କଥାଟି ବିଲକୁଲ ସତ । ଏହା ପଛରେ କୌଣସି ଖାସ୍ କଥା ନାହିଁ, କେବଳ ବିଜ୍ଞାନର ସିଦ୍ଧାନ୍ତ ଅଛି ।

ବିମାନରେ ମଦ୍ୟପାନ କରିବା କାହା ପାଇଁ ବିପଜ୍ଜନକ ହୋଇପାରେ । ଏହା ପଛର କାରଣ ହେଉଛି ଯେ ବାୟୁରେ କିମ୍ବା ଅତ୍ୟଧିକ ଉଚ୍ଚତାରେ ମଦ୍ୟପାନ କରିବା ପରେ ମାନବ ଶରୀରରେ ଏହାକୁ ସହ୍ୟ କରିବାର କ୍ଷମତା କମିଯାଏ । ଏହା ପରେ ମଦ୍ୟପାନ କରୁଥିବା ବ୍ୟକ୍ତି ନିଜ ଉପରେ ନିୟନ୍ତ୍ରଣ ହରାଇଥାଏ ।

ଏହି ପ୍ରଶ୍ନ ଉପରେ ଅଷ୍ଟ୍ରେଲିଆର ବିମାନ କର୍ମଚାରୀ ବ୍ରୋଡି କାପ୍ରନ୍ କହିଛନ୍ତି ଯେ, ଯେତେବେଳେ ଆପଣ ଉଚ୍ଚ ଉଚ୍ଚତାରେ ଆକାଶରେ ଉଡ଼ନ୍ତି, ସେଠାରେ ଅମ୍ଳଜାନର ପରିମାଣ କମ୍ ଥାଏ । ଏପରି ପରିସ୍ଥିତିରେ ଯେତେବେଳେ ଆପଣ ମଦ୍ୟପାନ କରନ୍ତି, ଆପଣଙ୍କ ଶରୀର ଉପରେ ମଦ୍ୟପାନର ପ୍ରଭାବ ବହୁତ ଅଧିକ ହୋଇଯାଏ ।