ଦିନକୁ ୭-୮ ଘଣ୍ଟାରୁ ଅଧିକ ଶୋଉଛନ୍ତି କି? ସାବଧାନ ରୁହନ୍ତୁ ନଚେତ ହୋଇପାରେ ଏହି ୫ଟି ରୋଗ
ନୂଆଦିଲ୍ଲୀ: ପ୍ରତ୍ୟେକ ବ୍ୟକ୍ତିଙ୍କ ପାଇଁ ସୁସ୍ଥ ଖାଦ୍ୟ ଖାଇବା ଯେତିକି ଗୁରୁତ୍ୱପୂର୍ଣ୍ଣ, ପର୍ଯ୍ୟାପ୍ତ ପରିମାଣରେ ଶୋଇବା ମଧ୍ୟ ସେତିକି ଗୁରୁତ୍ୱପୂର୍ଣ୍ଣ। ଯେଉଁ ଲୋକମାନେ ୭-୮ ଘଣ୍ଟାରୁ କମ୍ ଶୋଇଥା’ନ୍ତି, ସେମାନଙ୍କୁ ଅନେକ ରୋଗ ହେବାର ଆଶଙ୍କା ଥାଏ। ଦିନସାରା ସକ୍ରିୟ ଏବଂ ସୁସ୍ଥ ରହିବା ପାଇଁ ଶରୀରକୁ ପର୍ଯ୍ୟାପ୍ତ ନିଦ୍ରାର ଆବଶ୍ୟକତା ରହିଛି। ଆପଣ ବହୁତ ଭଲ ଭାବରେ ଜାଣିଛନ୍ତି ଯେ, କମ୍ ଶୋଇବା ଶରୀର ଉପରେ ଅନେକ ଖରାପ ପ୍ରଭାବ ପକାଇଥାଏ। କିନ୍ତୁ ଆପଣ ଜାଣନ୍ତି କି ଅଧିକ ଶୋଇବା ଆପଣଙ୍କ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ? ଯଦି ଆପଣ ପ୍ରତିଦିନ ୮-୯ ଘଣ୍ଟାରୁ ଅଧିକ ଶୋଇଥା’ନ୍ତି, ତେବେ ଏହା ଦ୍ୱାରା ହେଉଥିବା କ୍ଷତି ବିଷୟରେ ଭଲ ଭାବରେ ଜାଣିନେବା ଉଚିତ୍।
ମୁଣ୍ଡବିନ୍ଧା: ଅଧିକ ଶୋଇବା ନ୍ୟୁରୋଟ୍ରାନ୍ସମିଟର ଉପରେ ଖରାପ ପ୍ରଭାବ ପକାଇପାରେ, ଯେଉଁ କାରଣରୁ ମୁଣ୍ଡବିନ୍ଧାର ସମସ୍ୟା ଉପୁଜିପାରେ। ଯଦି ଆପଣ ଦିନରେ ଦୀର୍ଘ ସମୟ ଶୋଇଥା’ନ୍ତି, ତେବେ ଆପଣଙ୍କ ରାତିର ନିଦ ବାଧାପ୍ରାପ୍ତ ହୋଇପାରେ, ଯାହା ମୁଣ୍ଡବିନ୍ଧାର କାରଣ ହୋଇଥାଏ।
ମେଦବହୁଳତା: ମୋଟାପଣ କର୍କଟ ଏବଂ ମଧୁମେହ ସହିତ ଅନେକ ରୋଗ ସୃଷ୍ଟି କରେ। ଅତ୍ୟଧିକ ଶୋଇବା ମୋଟାପଣ ସମସ୍ୟା ସୃଷ୍ଟି କରିପାରେ। ଏହି କାରଣରୁ ଅଧିକ ଶୋଇବାକୁ ସର୍ବଦା ଏଡ଼ାଇବା ଉଚିତ୍। ତଥାପି, କମ୍ ଶୋଇବା ମଧ୍ୟ ଏହି ସମସ୍ୟା ସୃଷ୍ଟି କରିପାରେ।
ଟାଇପ୍ ୨ ଡାଇବେଟିସ୍: ଆବଶ୍ୟକ ଘଣ୍ଟାରୁ ଅଧିକ ଶୋଇବା ଦ୍ୱାରା ଟାଇପ୍-୨ ମଧୁମେହ ହେବାର ଆଶଙ୍କା ବଢିପାରେ। କାରଣ ଅଧିକ ଶୋଇବା ମୋଟାପଣକୁ ବଢ଼ାଇଥାଏ, ଯାହା ମଧୁମେହ ହେବାର ଆଶଙ୍କା ସୃଷ୍ଟି କରିଥାଏ।
ହୃଦ୍ ରୋଗ: ଅଧିକ ଶୋଇବା ଦ୍ୱାରା ହୃଦଘାତ ମଧ୍ୟ ହୋଇପାରେ। ଯେଉଁମାନେ ଅଧିକ ଶୋଇଥାନ୍ତି, ସେମାନଙ୍କ ପାଖେ ହୃଦଘାତର ଆଶଙ୍କା ବଢିଥାଏ। ପରିସଂଖ୍ୟାନ ଦର୍ଶାଏ ଯେ, ଯେଉଁମାନେ ପ୍ରତିଦିନ ୧୧ ଘଣ୍ଟା ଶୋଇଥାନ୍ତି, ସେମାନଙ୍କ ପାଖେ ୭ ରୁ ୮ ଘଣ୍ଟା ଶୋଇଥିବା ଲୋକଙ୍କ ଅପେକ୍ଷା ହୃଦଘାତର ସମ୍ଭାବନା ଅଧିକ ହୋଇଥାଏ।
ଉଦାସୀନତା: ଅବସାଦରେ ପୀଡିତ ଅନେକ ଲୋକ ନିଦ୍ରା ଅଭାବରୁ ପୀଡିତ ହୋଇଥାନ୍ତି। ତଥାପି, କିଛି ଲୋକ ଅଛନ୍ତି ଯେଉଁମାନେ ଅତ୍ୟଧିକ ଶୋଇଥାନ୍ତି। ଅଧିକ ଶୋଇବା ପରିସ୍ଥିତିକୁ ଆହୁରି ଖରାପ କରିପାରେ। ଏହି କାରଣରୁ ପ୍ରତ୍ୟେକ ବ୍ୟକ୍ତି ଅଧିକ କିମ୍ବା କମ୍ ଶୋଇବା ଉଚିତ୍ ନୁହେଁ।
