“ସସ୍ମିତ ଭିଲେନ୍ ନୁହଁନ୍ତି, ମୁଖ୍ୟ ପରାମର୍ଶଦାତା ହିଁ ନାଟର ଗୋବର୍ଦ୍ଧନ”, ବର୍ଷିଲେ ଦେବାଶିଷ ସାମନ୍ତରାୟ

ଭୁବନେଶ୍ୱର: ବର୍ତ୍ତମାନ ବଡ଼ ବିସ୍ଫୋରଣ ଘଟାଇଲେ ବିଜେଡି ସାଂସଦ ଦେବାଶିଷ ସାମନ୍ତରାୟ। ନାଁ ନନେଇ ଭିକେ ପାଣ୍ଡିଆନଙ୍କ ଆଡ଼କୁ ଇଙ୍ଗିତ କଲେ ଦେବାଶିଷ । ସେ କହିଛନ୍ତି ଯେ, ସସ୍ମିତ ଭିଲେନ୍ ନୁହଁନ୍ତି, ମୁଖ୍ୟ ପରାମର୍ଶଦାତା ହିଁ ଏହା ପଛରେ ଅଛନ୍ତି।

ସେ ଆହୁରି କହିଛନ୍ତି ଯେ, ଦୁଇ ଦୁଇଟି ମିଟିଂରେ ନବୀନ ବିଲ୍‌କୁ ବିରୋଧ କରିବୁ କହିଲେ। ପୁଣି କାହିଁକି ନିଷ୍ପତ୍ତି ବଦଳିଗଲା, ନବୀନ ବାବୁ ବିଚାର କରିବା କଥା। ସସ୍ମିତ ଭିଲେନ୍ ନୁହଁନ୍ତି, ସସ୍ମିତ ନିର୍ଦ୍ଦେଶ ନିଅନ୍ତି, ଦିଅନ୍ତି ନାହିଁ। ମୁଖ୍ୟ ପରାମର୍ଶଦାତାଙ୍କ ପ୍ରତି ଦୃଢ କାର୍ଯ୍ୟାନୁଷ୍ଠାନ ହେବା ଆବଶ୍ୟକ।

ବିଜେଡି ସାଂସଦ ଦେବାଶିଷ ସାମନ୍ତରାୟ ଅହୁରି କହିଛନ୍ତି ଯେ, ମୁଖ୍ୟ ପରାମର୍ଶଦାତା ରାଜନୀତିରେ ନଥାଇ ରାଜନୀତିକୁ କଣ୍ଟ୍ରୋଲ କରିବାକୁ ଚେଷ୍ଟା କରୁଛନ୍ତି।

ବଡ଼ ଡିଲ୍ ହୋଇଛି: ବିଜେପି ସହ ବଡ଼ ଡିଲ୍ ହୋଇଛି ବୋଲି ଆରୋପ ଲଗାଇଛନ୍ତି ଦେବାଶିଷ ସାମନ୍ତରାୟ। ନିକଟରେ ଯିଏ ଭିଆରଏସ ନେଇଛନ୍ତି ବୋଲି ଇଙ୍ଗିତ କଲେ ଦେବାଶିଷ।