ଇମ୍ୟୁନିଟି ବଢାଇବା ପାଇଁ ଖାଦ୍ୟ ଲିଷ୍ଟ ଜାରି କଲା କେନ୍ଦ୍ର, ଯେଉଁଥିରେ ଡାର୍କ ଚକୋଲେଟ୍ ସହ ଏହିସବୁ ସାମିଲ…
ନୂଆଦିଲ୍ଲୀ,୯ ।୫: ସାରା ଦେଶରେ କରୋନା ମହାମାରୀ ବଢିବଢି ଚାଲିଛି । ଏହି ସମୟରେ ସ୍ୱାସ୍ଥ୍ୟ ଉପରେ ଧ୍ୟାନ ଦେବା ପାଇଁ କରୋନା ବାଧ୍ୟ କରିଛି । ଇମ୍ୟୁନିଟି ବା ରୋଗ ପ୍ରତିରୋଧକ ଶକ୍ତି ଓ ଆବଶ୍ୟକ ପୋଷକ ତତ୍ତ୍ୱର ବ୍ୟବହାର ଆପଣଙ୍କ ଶରୀରକୁ କରୋନାର ଭୟଙ୍କର ଲହରଠାରୁ ରକ୍ଷାକରିପାରିବ । ସୁସ୍ଥ ଏବଂ ଫିଟ୍ ହେବା ପାଇଁ କେଉଁ ପ୍ରକାରର ଖାଦ୍ୟ ଆବଶ୍ୟକ ତାହା ଆପଣ ଜାଣିବା ନିହାତି ଜରୁରୀ । ମହାମାରୀରେ ସୁସ୍ଥ ଖାଦ୍ୟ ଉପରେ ଅଧିକ ଗୁରୁତ୍ୱ ଦିଆଯାଇଛି । ଏହାକୁ ଦୃଷ୍ଟିରେ ରଖି କେନ୍ଦ୍ର ସରକାର ଏହାର ମାଇଗୋଭିଣ୍ଡିଆ ଟ୍ୱିଟର ହ୍ୟାଣ୍ଡେଲରେ କିଛି ଖାଦ୍ୟ ସାମଗ୍ରୀ ତାଲିକାଭୁକ୍ତ କରିଛନ୍ତି, ଯାହାକି କୋଭିଡ -୧୯ ସଙ୍କଟ କାଳରେ ପ୍ରାକୃତିକ ରୋଗ ପ୍ରତିରୋଧକ ଶକ୍ତି ବଢାଇବାରେ ସାହାଯ୍ୟ କରିବ ।
କୋଭିଡ -୧୯ ରୁ ସୁସ୍ଥ ହେଉଥିବା ବ୍ୟକ୍ତିମାନେ ମାଂସପେଶୀ, ରୋଗ ପ୍ରତିରୋଧକ ଶକ୍ତି ଏବଂ ଶକ୍ତି ସ୍ତରର ପୁନରୁଦ୍ଧାର ଉପରେ ଧ୍ୟାନ ଦେବା ଉଚିତ । ତେବେ କୋଭିଡ୍ -୧୯ ରୋଗୀଙ୍କ ପାଇଁ ଡାର୍କ ଚକୋଲେଟ୍, କଦଳୀ କ୍ଷୀର, ପ୍ରୋଟିନ୍ ଭରପୂର ଖାଦ୍ୟ ସୁପାରିଶ କରିଛନ୍ତି । ତେବେ ଆସନ୍ତୁ ଜାଣିବା କେନ୍ଦ୍ର ସରକାରଙ୍କ ଲିଷ୍ଟରେ କ’ଣ ରହିଛି ଖାଦ୍ୟ….
Are you looking for natural ways to boost your immunity?
We’ve got you covered!
Here’s few general measures which you can follow to boost your immunity organically amidst #COVID19. #StayHomeStaySafe#IndiaFightsCorona @MoHFW_INDIA @MIB_India @PIB_India pic.twitter.com/KfKk2pLyeL— MyGovIndia (@mygovindia) May 6, 2021
-ପ୍ରୋଟିନ ପାଇଁ ଚିକେନ୍, ମାଛ, ଅଣ୍ଡା, ସୋୟା, ବାଦାମ୍, ପନିର୍ ଖାଇବା ଉଚିତ୍ ।
-ବାଦାମ, ଅଖରୋଟ୍, ଅଲିଭ୍ ତେଲ, ସୋରିଷ ତେଲ ବ୍ୟବହାର କରିବାକୁ କୁହାଯାଇଛି ।
-ନିୟମିତ ଶାରୀରିକ କାର୍ଯ୍ୟକଳାପ ଯେପରିକି ଯୋଗ ଏବଂ ନିଶ୍ୱାସ ପ୍ରଶ୍ୱାସ (ପ୍ରାଣାୟାମ) କରିବା ଆବଶ୍ୟକ ।
-ଚିନ୍ତାରୁ ମୁକ୍ତି ପାଇବା ପାଇଁ ଅଳ୍ପ ପରିମାଣର ଡାର୍କ ଚକୋଲେଟ୍ ଖାଆନ୍ତୁ ଯେଉଁଥିରେ ଅତିକମରେ ୭୦ ପ୍ରତିଶତ କୋକୋ ଥିବ ।
-ରୋଗ ପ୍ରତିରୋଧକ ଶକ୍ତି ବଢାଇବାକୁୁ ଦିନକୁ ଥରେ କଦଳୀ କ୍ଷୀର ପିଅନ୍ତୁ ।
-ଗାଇଡଲାଇନ୍ ଅନୁସାରେ, ଅଧିକାଂଶ କୋଭିଡ -୧୯ ରୋଗୀ ସେମାନଙ୍କର ସ୍ୱାଦ, ଗନ୍ଧ ହରାଇଥାନ୍ତି, ଫଳରେ ଖାଦ୍ୟ ଗିଳିବା କଷ୍ଟକର ହୋଇଥାଏ । ତେଣୁ ନରମ ଖାଦ୍ୟ ଖାଇବା ଜରୁରୀ ।