ଭଲ ସ୍ୱାସ୍ଥ୍ୟ ପାଇଁ ଆବଶ୍ୟକତା ଠାରୁ ଖାଆନ୍ତୁନି ଅଧିକ ପାଳଙ୍ଗ; ହୋଇପାରେ ଅନେକ ସମସ୍ୟା

ଉତ୍ତମ ସ୍ୱାସ୍ଥ୍ୟ ପାଇଁ ସବୁଜ ପନିପରିବା ଖାଇବାକୁ ପରାମର୍ଶ ଦିଆଯାଏ । କାରଣ ଏହା ଖାଇବା ଦ୍ୱାରା ଆପଣଙ୍କର ଶରୀରରେ ସୁସ୍ଥତା ଆସିଥାଏ । ଏହି ଖାଦ୍ୟ ମଧ୍ୟରୁ ପାଳଙ୍ଗକୁ ପ୍ରାଥମିକତା ଦିଆଯାଏ । ଅନେକ ଲୋକ ଏହାକୁ ଅତି ଆଗ୍ରହର ସହିତ ଖାଆନ୍ତି । ପାଳଙ୍ଗକୁ ଜୁସ, ସାଲାଡ ଏବଂ ରାନ୍ଧିକରି ଖିଆଯାଏ । ଏଥିରେ ପୋଷକ ତତ୍ତ୍ୱର ଅଭାବ ନଥାଏ । ଯିଏ ଏହାକୁ ନିୟମିତ ଖାଇଥାନ୍ତି ତାଙ୍କ ଶରୀରରେ ଭିଟାମିନ୍ ଏ, ଭିଟାମିନ୍ ସି, କ୍ୟାଲସିୟମ୍, ଆଇରନ୍ ଏବଂ ଆଣ୍ଟି-ଅକ୍ସିଡାଣ୍ଟ ମିଳିଥାଏ । ଏଥିରେ କୌଣସି ସନ୍ଦେହ ନାହିଁ ଯେ ସ୍ୱାସ୍ଥ୍ୟ ଦୃଷ୍ଟିରୁ ପାଳଙ୍ଗ ଖାଇବା ଆବଶ୍ୟକ, କିନ୍ତୁ ଯଦି ଆପଣ ଏହାକୁ ଅତ୍ୟଧିକ ଖାଇବା ଆରମ୍ଭ କରନ୍ତି ତେବେ ଆପଣଙ୍କୁ ଅନେକ କ୍ଷତି ସହିବାକୁ ପଡିବ ।

ଅଧିକ ପାଳଙ୍ଗ ଖାଇବାର ସମସ୍ୟା ।
କୌଣସି ଜିନିଷର ଅତ୍ୟଧିକ ବ୍ୟବହାର ଖରାପ ହୋଇଥାଏ । ସମାନ ଭାବେ ଅତ୍ୟଧିକ ପାଳଙ୍ଗ ଶାଗ ଖାଇବା କ୍ଷତିକାରକ ହୋଇଥାଏ । ତେଣୁ ଏହାକୁ ଏକ ନିର୍ଦ୍ଦିଷ୍ଟ ପରିମାଣରେ ଖାଆନ୍ତୁ, ନଚେତ୍ ଆପଣଙ୍କୁ ଅନେକ ସମସ୍ୟାର ସମ୍ମୁଖୀନ ହେବାକୁ ପଡିପାରେ ।
୧. କିଡନୀ ଷ୍ଟୋନ
ଯେଉଁମାନେ ଅଧିକ ମାତ୍ରାରେ ପାଳଙ୍ଗ ଖାଉଛନ୍ତି, ସେମାନଙ୍କ କିଡନୀରେ ଷ୍ଟୋନ ସମସ୍ୟା ହୋଇପାରେ, କାରଣ ଏହି ସବୁଜ ପତ୍ରଯୁକ୍ତ ଶାଗରେ କ୍ୟାଲସିୟମ୍ ଅକ୍ସାଲେଟ୍ ପ୍ରଚୁର ପରିମାଣରେ ମିଳିଥାଏ । ଏହାର ଅତ୍ୟଧିକ ସେବନ କିଡନୀରେ ଛୋଟ ଷ୍ଟୋନ ସୃଷ୍ଟି କରିପାରେ ।

୨. ପେଟ ସମସ୍ୟା
ପାଳଙ୍ଗ ଶାଗ ଖାଇବା ଦ୍ୱାରା ହଜମ ପ୍ରକ୍ରିୟା ଭଲ ହୋଇଥାଏ ବୋଲି କୁହାଯାଏ । ସେଥିପାଇଁ ଅନେକ ସ୍ୱାସ୍ଥ୍ୟ ବିଶେଷଜ୍ଞ ଏହାକୁ ଖାଇବାକୁ ପରାମର୍ଶ ଦିଅନ୍ତି । କିନ୍ତୁ ଯଦି ଆପଣ ଏହାକୁ ଅତ୍ୟଧିକ ଖାଆନ୍ତି । ତେବେ ଏହା ହଜମ ପ୍ରକ୍ରିୟା ଉପରେ ପ୍ରଭାବ ପକାଇପାରେ ।

୩. ଗଣ୍ଠି ଯନ୍ତ୍ରଣା ।
ଯଦି ଆପଣ ନିର୍ଦ୍ଦିଷ୍ଟ ସୀମାଠାରୁ ଅଧିକ ପାଳଙ୍ଗ ଖାଉଛନ୍ତି, ତେବେ ଗଣ୍ଠି ଯନ୍ତ୍ରଣା ଏବଂ ଆର୍ଥ୍ରାଇଟିସ୍ ସମସ୍ୟା ହୋଇପାରେ । ସେଥିପାଇଁ ପାଳଙ୍ଗ ଖାଇବାରେ ସତର୍କ ରୁହନ୍ତୁ ।