ଉଡ଼ାଣ ଭରିବା ପରେ ବିମାନରେ ବଡ଼ ବିସ୍ଫୋରଣ, ସମସ୍ତ ଯାତ୍ରୀଙ୍କ ମୃତ୍ୟୁ
ତେହେରାନ,୮ା୧: ଦୁନିଆରେ ବିମାନ ଦୁର୍ଘଟଣାର ଅନେକ ଘଟଣା ଘଟିଛି, ଯେଉଁଥିରେ ବିମାନରେ ଥିବା ସମସ୍ତ ଲୋକଙ୍କର ମୃତ୍ୟୁ ଘଟିଛି। ଜାନୁୟାରୀ ୮ରେ ଇତିହାସ ପୃଷ୍ଠାରେ ମଧ୍ୟ ସମାନ ଘଟଣା ରେକର୍ଡ କରାଯାଇଛି l ୮ ଜାନୁୟାରୀ ୨୦୨୦ରେ ଏକ ୟୁକ୍ରେନ ବିମାନ ତେହେରାନରୁ ଉଡ଼ିବାର କିଛି ମିନିଟ୍ ମଧ୍ୟରେ ଦୁର୍ଘଟଣାଗ୍ରସ୍ତ ହୋଇ ବିମାନରେ ଥିବା ସମସ୍ତ ୧୭୬ ଜଣଙ୍କର ମୃତ୍ୟୁ ଘଟିଥିଲା। ତେବେ ପରେ ଇରାନ ସ୍ବୀକାର କରିଥିଲା ଯେ, ଏହା ଅଜାଣତରେ ୟୁକ୍ରେନ ବିମାନରେ ଦୁଇଟି କ୍ଷେପଣାସ୍ତ୍ର ନିକ୍ଷେପ କରି ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା।
ଇରାନ ସରକାର କ୍ଷମା ମାଗିଥିଲେ
ସେହି ବିମାନରେ ୧୬୭ ଜଣ ଯାତ୍ରୀ ଏବଂ ୯ ଜଣ କ୍ରୁ ସଦସ୍ୟ ଥିଲେ। ରିପୋର୍ଟ ଅନୁଯାୟୀ, ବିମାନରେ ୩୨ ଜଣ ବିଦେଶୀ ଥିଲେ। ଏହି ଘଟଣା ସମ୍ପର୍କରେ ଇରାନର ବୈଦେଶିକ ମନ୍ତ୍ରୀ ସେତେବେଳେ କ୍ଷମା ମାଗିଥିଲଲଲ l ସେ ‘ଏକ୍ସ’ରେ ପୋଷ୍ଟ କରି କହିଛନ୍ତି, ‘ପ୍ରାରମ୍ଭିକ ଅନୁସନ୍ଧାନରୁ ଜଣାପଡ଼ିଛି ଯେ, ଆମେରିକୀୟ ଆକ୍ରମଣ ସମୟରେ ମାନବିକ ତ୍ରୁଟି ହେତୁ ଏହି ଦୁର୍ଘଟଣା ଘଟିଛି। ଆମେ ଏଥିରେ ଦୁଃଖ ପ୍ରକାଶ କରୁଛୁ ଏବଂ ପୀଡ଼ିତଙ୍କ ପରିବାରକୁ କ୍ଷମା ପ୍ରାର୍ଥନା କରୁଛୁ।
ସେହିପରି ୩ ଜାନୁୟାରୀ ୨୦୨୦ରେ ଆମେରିକା ଇରାନ ଜେନେରାଲ କାସିମ ସୁଲେମାନିଙ୍କୁ ଏୟାର ଷ୍ଟ୍ରାଇକ୍ରେ ହତ୍ୟା କରିଥିଲା। ଏହି ଆକ୍ରମଣ ଇରାକ ସୀମାରେ କରାଯାଇଥିଲା। ସୁଲେମାନିଙ୍କ ମୃତ୍ୟୁକୁ ନେଇ ସମଗ୍ର ଇରାନରେ ହିଂସା ସୃଷ୍ଟି ହୋଇଥିଲା। ସେତେବେଳେ ଇରାନ ସରକାର ସୁଲେମାନିଙ୍କ ମୃତ୍ୟୁର ପ୍ରତିଶୋଧ ନେବାକୁ କହିଥିଲେ ଏବଂ ଏହାର ପ୍ରତିବଦଳରେ ଇରାକରେ ଆମେରିକାର ସୈନ୍ୟମାନେ ରକେଟ୍ ମାଡ଼ କରିଥିଲେ।
ଆମେରିକା ଉପରେ ଆକ୍ରମଣର ପ୍ରତିଶୋଧ ନେଇ ଜାନୁୟାରୀ ୮ରେ ଇରାନ ତେହେରାନ ନିକଟରେ ଏକ ୟୁକ୍ରେନ ଯାତ୍ରୀବାହୀ ବିମାନକୁ ଟାର୍ଗେଟ କରିଥିଲା। ଯେଉଁଥିରେ ଅଧିକାଂଶ ଯାତ୍ରୀ ଇରାନରୁ ଆସିଥିଲେ। ପ୍ରଥମେ ଇରାନ ଏହି ଅଭିଯୋଗକୁ ଅସ୍ବୀକାର କରିଆସୁଥିଲା, କିନ୍ତୁ ପରେ ଏହା ନିଜ ଭୁଲ୍କୁ ସ୍ବୀକାର କରିଥିଲା। ଏହି ବିମାନରେ TOR-M1 କ୍ଷେପଣାସ୍ତ୍ର ନିକ୍ଷେପ କରାଯାଇଥିଲା। ୟୁକ୍ରେନ ଏୟାରଲାଇନ୍ସର ଅବତରଣକୁ ନେଇ ସରକାରଙ୍କ ପ୍ରତିକ୍ରିୟା ପରେ କେନ୍ଦ୍ରୀୟ ତେହେରାନରେ ବହୁ ସଂଖ୍ୟାରେ ଛାତ୍ର ବିରୋଧ ପ୍ରଦର୍ଶନ କରିଥିଲେ ଏବଂ ଯିଏ ଜଡ଼ିତ ତାହା ଉପରେ କାର୍ଯ୍ୟାନୁଷ୍ଠାନ ନିଆଯାଉ ବୋଲି ଦାବି କରିଥିଲେ।