‘ଯଦି ପଚରାଯାଏ କାହିଁକି ରେଳ ଦୁର୍ଘଟଣା ଘଟିଲା..ସେ କହିବେ କଂଗ୍ରେସ ୫୦ ପୂର୍ବେ ଏହା କରିଥିଲା’, ପ୍ରଧାନମନ୍ତ୍ରୀ ମୋଦୀଙ୍କୁ ଟାର୍ଗେଟ କଲେ ରାହୁଲ

ନୂଆଦିଲ୍ଲୀ: କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଓଡ଼ିଶାରେ ହୋଇଥିବା ରେଳ ଦୁର୍ଘଟଣା ଉପରେ ପୁଣି ପ୍ରଧାନମନ୍ତ୍ରୀ ମୋଦୀଙ୍କୁ ଟାର୍ଗେଟ କରିଛନ୍ତି । ପ୍ରଧାନମନ୍ତ୍ରୀଙ୍କୁ କିଛି ମଧ୍ୟ ପଚାରିଲେ ସେ ଇତିହାସକୁ ଯାଉଛନ୍ତି ବୋଲି ରାହୁଲଗାନ୍ଧୀ କହିଛନ୍ତି । ତାଙ୍କୁ ଯଦି ପଚରା ଯାଏ, ଟ୍ରେନ ଦୁର୍ଘଟଣା କାହିଁକି ଘଟିଲା, ସେ କହିବେ କଂଗ୍ରେସ ୫୦ ବର୍ଷ ପୂର୍ବରୁ ଏହା କରିଥିଲା ।

ସୂଚନା ଅନୁଯାୟୀ, ରାହୁଲ ଗାନ୍ଧୀ ବର୍ତ୍ତମାନ ଏକ ସପ୍ତାହ ପାଇଁ ଆମେରିକା ଗସ୍ତରେ ଅଛନ୍ତି । ସେ ସେ ସେଠାରେ ଭିନ୍ନ ଭିନ୍ନ କାର୍ଯ୍ୟକ୍ରମରେ ଭାଗ ନେଇ ମୋଦୀ ସରକାରଙ୍କ ବିରୋଧରେ ଆକ୍ରମଣ ଜାରି ରଖିଛନ୍ତି । ଆଜି ସେ ଆମେରିକାର ନ୍ୟୁୟର୍କରେ ପ୍ରବାସୀ ଭାରତୀୟଙ୍କୁ ସମ୍ବୋଧିତ କରିବା ସମୟରେ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି । ସେ ପୁଣି କହିଛନ୍ତି, ଯଦି ତାଙ୍କୁ ପଚରାଯିବ ଟେକ୍ସଟ ବୁକରୁ ନିଜ ପିରୋଓଡିକ ଟେବୁଲ କାହିଁକି ହଠାଯାଇଛି, ତେବେ ସେ କହିବେ କଂଗ୍ରେସ ୬୦ ବର୍ଷ ପୂର୍ବରୁ ଏହା କରିଥିଲା ।

ରାହୁଲଗାନ୍ଧୀ କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତର କାର ଚଲାଇବାକୁ ଚାହୁଁଛନ୍ତି ହେଲେ ସେ ସର୍ବଦା ପଛ ସିଟକୁ ଚାହିଁ ଚଲାଉଛନ୍ତି । ସେ ଜାଣିପାରୁନାହାନ୍ତି ଯେ, କାର କାହିଁକି ଆଗକୁ ବଢିପାରୁନି, ବହୁବାର କାହିଁକି ପିଟି ହେଉଛି । ଏହା ବିଜେପି ଦଳର ଚିନ୍ତାଧାରା । ପ୍ରଧାନମନ୍ତ୍ରୀ ମୋଦୀ ସର୍ବଦା ଇତିହାସକୁ ଦେଖି ଲୋକମାନଙ୍କ ଉପରେ ଦୋଷ ଲଦି ଦେଉଛନ୍ତି । ସେ ଭବିଷ୍ୟତରେ କଣ ହେବ ସେ କଥା ଚିନ୍ତା କରିବା ଆବଶ୍ୟକ ।