Video: ରାଜରାସ୍ତାରେ ମହିଳାଙ୍କ ବେକରୁ ଚେନ୍ ଲୁଟର ଲାଇଭ୍ ଭିଜୁଆଲ, CCTVରେ କଏଦ୍ ହେଲା ଭିଡିଓ
ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ କିଛି ଦିନର ବ୍ୟବଧାନ ପରେ ପୁଣି ପେରିଛି ଚେନ୍ ଚୋରଙ୍କ ଛନକା। ଧଉଳି ଥାନା ଅନ୍ତର୍ଗତ ଶିଶୁପାଳଗଡ଼ ଛକ ଉପରେ ଜଣେ ମହିଳାଙ୍କଠୁ ଦୁଇ ଟୁଟେରା ସ୍ପିଡ୍ ବାଇକ୍ରେ ଆସି ଝାମ୍ପି ନେଇଛନ୍ତି ସୁନା ଚେନ୍। ଏହି ଘଟଣା ସମୟର ଭିଡିଓ ସିସିଟିଭିରେ କଏଦ୍ ହୋଇଛି।
ସୂଚନା ଅନୁସାରେ ଗତକାଲି ୭.୧୫ ସନ୍ଧ୍ୟା ସମୟରେ ଗଙ୍ଗୋତ୍ରୀ ନଗର ଲେନ୍-୨ ର ଜଣେ ମହିଳା ଜଣକ ପରିବାର ସହିତ ବଜାରରୁ ଜିନିଷ କିଣି ଘରକୁ ଫେରୁଥିବା ସମୟରେ ଏହି ଘଟଣା ଘଟିଥିଲା। ୨ ଜଣ ଯୁବକ ସ୍ପିଡ୍ ବାଇକ୍ରେ ଆସି ଦୟା ନଦୀ ଆଡୁ ଆସି ଚେନ୍ ଛିଡ଼ାଇ ନେଇଥିଲେ। ଚୋରମାନେ ବାଇକ୍ର ନମ୍ବର ପ୍ଲେଟ୍ରେ କାଗଜ ଲଗାଇ ଦେଇଥିଲେ। ଯେଉଁ କାରଣରୁ ସେମାନଙ୍କରଗାଡ଼ି ନମଦବର ମଧ୍ୟ ଜାଣିବା ସମ୍ଭବ ହୋଇନାହିଁ। ଘଟାଣା ପରେ ମହିଳା ଜଣକ ଧଉଳି ଥାନାରେ ଏନେଇ ଅଭିଯୋଗ କରିଛନ୍ତି। ପୋଲିସ ବର୍ତ୍ତମାନ ସିସିଟିଭିରେ କଏଦ୍ ହୋଇଥିବା ଭିଜୁଆଲକୁ ଆଧାର କରି ତଦନ୍ତ କରୁଥିବା ସୂଚନା ମିଳିଛି।
