ଦତିଆରେ ବଡ଼ ଦୁର୍ଘଟଣା, ନଦୀକୁ ଖସିଲା ଅନିୟନ୍ତ୍ରିତ ଟ୍ରକ୍, ୧୦ ମୃତ: ବିବାହ ଉତ୍ସବରେ ସାମିଲ ହେବାକୁ ଯାଉଥିବା ସୂଚନା

ଦତିଆ: ମଧ୍ୟପ୍ରଦେଶର ଦତିିଆରେ ଏକ ଭୟଙ୍କର ଦୁର୍ଘଟଣା ଘଟିଥିବାର ଖବର ସାମ୍ନାକୁ ଆସୁଛି । ଏଠାରେ ଏକ ଅନିୟନ୍ତ୍ରିତ ଆଇଚର୍ ଟ୍ରକ୍ ଫୁଲିଯାଇଥିବା ନଦୀରେ ଖସିପଡିଛି, ଯେଉଁଥିରେ ୧୦ ଜଣଙ୍କର ମୃତ୍ୟୁ ହୋଇଥିବାବେଳେ ୩୦ ରୁ ଅଧିକ ଲୋକ ଆହତ ହୋଇଛନ୍ତି । ଏହି ଘଟଣା ଦତିଆର ଦୁରସଡା ପୋଲିସ ଷ୍ଟେସନ ଅନ୍ତର୍ଗତ ବୁହାରା ଗାଁର ଘଟିଛି । କୁହାଯାଉଛି ଯେ, ଏହି ସମସ୍ତ ଲୋକ ଏକ ଟ୍ରକରେ ଚଢ଼ି ଏକ ବିବାହ ଉତ୍ସବରେ ଯୋଗଦେବାକୁ ଯାଉଥିବା ବେଳେ ଏହି ଯନ୍ତ୍ରଣାଦାୟକ ଦୁର୍ଘଟଣା ଘଟିଥିଲା ।

ଡ୍ରାଇଭରଙ୍କ ଅବହେଳା ଯୋଗୁଁ ଦୁର୍ଘଟଣା :-
ଏସପି ପ୍ରଦୀପ ଶର୍ମା କହିଛନ୍ତି ଯେ, “ଦୁରସଡା ଅଞ୍ଚଳର ବୁହାରା ଗ୍ରାମ ନିକଟରେ ଏକ ନିର୍ମାଣାଧୀନ ସେତୁ ରହିଛି । ଗ୍ୱାଲିଅରର ବିଲହେଟି ଗାଁର ଏକ ପରିବାର ବିବାହ ସମାରୋହରେ ଯୋଗଦେବା ପାଇଁ ନିଜ ଆଇଚର ଟ୍ରକରେ ଟିକମଗଡକୁ ଯାଉଥିଲେ । ସେମାନଙ୍କ ଡ୍ରାଇଭରକୁ ଡାଇଭର୍ଟ ରୁଟର ଓସାରର ବୁଝାପଡ଼ିନଥିଲା, ଯାହାଫଳରେ ଗାଡ଼ିଟି ତଳକୁ ଓଲଟି ପଡ଼ିଥିଲା । ଫସିଯାଇଥିବା ଲୋକଙ୍କୁ ଉଦ୍ଧାର କରାଯାଇଛି । ପରିବାର ସଦସ୍ୟଙ୍କୁ ପଚରାଉଚରା କରାଯାଉଛି ।

ଉଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରିବାକୁ ଗୃହମନ୍ତ୍ରୀଙ୍କ ନିର୍ଦ୍ଦେଶ :-
ଘଟଣା ପରଠାରୁ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଚାଲିଛି, ପୋଲିସ ଏବଂ ପ୍ରଶାସନିକ ଅଧିକାରୀ ଘଟଣାସ୍ଥଳରେ ପହଞ୍ଚିଛନ୍ତି । ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଉଛି । ଉଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରିବାକୁ ଗୃହମନ୍ତ୍ରୀ ଡକ୍ଟର ନରୋତ୍ତମ ମିଶ୍ର ନିର୍ଦ୍ଦେଶ ଦେଇଛନ୍ତି । ଏହା ସହିତ ପୀଡ଼ିତାଙ୍କ ପରିବାରକୁ ସମସ୍ତ ସମ୍ଭାବ୍ୟ ସହାୟତା ଯୋଗାଇ ଦିଆଯିବ ବୋଲି କୁହାଯାଇଛି ।