(Video) ଦୁଗ୍ଧ ଫାର୍ମରେ ଭୟଙ୍କର ବିସ୍ଫୋରଣ: ୧୮ ହଜାରରୁ ଅଧିକ ଗାଈଙ୍କ ମୃତ୍ୟୁ
ନୂଆଦିଲ୍ଲୀ: ଅନେକ ସମୟରେ ଆମ ଆଖପାଖରେ ଏପରି କିଛି ଘଟରା ଘଟିଥାଏ ଯାହା କେହି ସ୍ୱପ୍ନରେ ବି କଳ୍ପନା କରିନଥାନ୍ତି । ଏପରି ଏକ ଭୟଙ୍କର ଘଟଣା ଘଟି ୧୮ ହଜାରରୁ ଅଧିକ ନିରୀହ ଗାଈ ମୃତ୍ୟୁବରଣ କରିଛନ୍ତି । ଆମେରିକାର ଏକ ଦୁଗ୍ଧ ଫାର୍ମରେ ଭୟଙ୍କର ଅଗ୍ନିକାଣ୍ଡ ଘଟି ହଜାର ହଜାର ଗାଈଙ୍କ ଜୀବନ ଚାଲି ଯାଇଛି । ଏହି ଘଟଣାକୁ ନେଇ ଏବେ ସାରା ବିଶ୍ୱରେ ଚାଞ୍ଚଲ୍ୟ ସୃଷ୍ଟି ହୋଇଛି ।
ସୂଚନା ମୁତାବକ, ଆମେରିକାର ପଶ୍ଚିମ ଟେକ୍ସାସରେ ଏଭଳି ଏକ ଭୟଙ୍କର ତଥା ଅବିଶ୍ୱାସନୀୟ ଅଘଟଣ ଦେଖିବାକୁ ମିଳିଛି । ଏକସଙ୍ଗେ ୧୮ ହଜାର ଗାଈଙ୍କ ମୃତ୍ୟୁ ଘଟଣାକୁ ସହଜେ କେହି ବିଶ୍ୱାସ କରିପାରୁ ନାହାନ୍ତି । ଟେକ୍ସାସର ଡିମିଟିରେ ଥିବା ଦକ୍ଷିଣ ଫର୍ମ ଡେରୀ ଫାର୍ମରେ ଏକ ଭୟଙ୍କର ବିସ୍ଫୋରଣ ଘଟିଥିଲା । ଏହି ବିସ୍ଫୋରଣ ଏତେ ଉଗ୍ରରୂପ ଧାରଣ କରିଥିଲା ଯେ ଘଣ୍ଟା ଘଣ୍ଟା ଧରି ତା’ର ତାଣ୍ଡବ ଲୀଳା ଦେଖିବାକୁ ମିଳିଥିଲା । ଏହି ବିସ୍ଫୋରଣର ନିଅାଁ ଓ ଧୂଅାଁରେ ଆକାଶ ସତେ ଯେମିତି ଫାଟି ପଡ଼ିଥିଲା ।
ତେବେ ଟେକ୍ସାସର ଦୁଗ୍ଧ ଫାର୍ମରେ ଘଟିଯାଇଥିବା ଏହି ବିସ୍ଫୋରଣରେ ୧୮ ହଜାରରୁ ଅଧିକ ଗାଈଙ୍କର ମୃତ୍ୟୁ ଘଟିଥିବା କୁହାଯାଉଛି । ଦୁଗ୍ଧ ଫାର୍ମରେ ରହିଥିବା ମୋଟ ଗାଈଙ୍କ ମଧ୍ୟରୁ ୯୦ ପ୍ରତିଶତ ମୃତ୍ୟୁବରଣ କରିଛନ୍ତି । ଆମେରିକାରେ ପ୍ରତିଦିନ ବଧ କରାଯାଉଥିବା ମୋଟ ଗାଈ ସଂଖ୍ୟାର ଏହା ପାଖାପାଖି ୩ ଗୁଣ ହେବ ବୋଲି କୁହାଯାଉଛି । ତେବେ ଏହି ଭୟଙ୍କର ଅଘଟଣାରେ ଦୁଗ୍ଧ ଫାର୍ମରେ କାର୍ଯ୍ୟ କରୁଥିବା ଜଣେ ବ୍ୟକ୍ତିଙ୍କ ଅବସ୍ଥା ଗୁରୁତର ଥିବାବେଳେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏବେ ତାଙ୍କର ସ୍ୱାସ୍ଥ୍ୟାବସ୍ଥା ସ୍ଥିର ରହିଥିବା ଜଣାପଡ଼ିଛି । ତେବେ ଏହି ଅଘଟଣ ଫଳରେ ଉକ୍ତ ଦୁଗ୍ଧ ଫାର୍ମର ଅପୂରଣୀୟ କ୍ଷତି ଘଟିଛି । ଗୋଟିଏ ଗାଈ ପିଛା ପାଖାପାଖି ୧.୬ ଲକ୍ଷରୁ ଅଧିକ କ୍ଷତି ଘଟିଥିବା ଏକ ରିପୋର୍ଟରୁ ଜଣାପଡ଼ିଛି ।
🚨 Texas (last night)
The fire spread into the dairy cow holding pens, and an unknown amount of dairy cattle were killed by the fire and smoke.
The cause of the fire is unknown and the Texas State Fire Marshal’s Office is investigating. pic.twitter.com/c9RDrcPuAM
— Buddy Broussard (@buddy_broussard) April 12, 2023
