ସମୁଦ୍ର ଭିତରେ ଜାଭଲିନ୍ ଫୋପାଡ଼ିଲେ ନୀରଜ! ସେୟାର୍ କଲେ ଭିଡିଓ, କହିଲେ ଏପରି…
ନୂଆଦିଲ୍ଲୀ: ଟୋକିଓ ଅଲିମ୍ପିକ୍ ରେ ଭାରତକୁ ପ୍ରଥମ ଆଥଲେଟିକ୍ସ ଅଲିମ୍ପିକ୍ ଗୋଲ୍ଡ ଦେଇଥିବା ନୀରଜ ଚୋପ୍ରା ଗତ କିଛି ମାସ ହେଲା ଚର୍ଚ୍ଚାରେ ରହିଛନ୍ତି । ଏବେ ସେ ମାଲଦ୍ୱୀପରେ ଛୁଟି ବିତାଉଛନ୍ତି । ତେବେ ନୀରଜଙ୍କୁ ଜାଭଲିନ୍ କେତେ ପସନ୍ଦ ତାହା ଏହି ଭେକେସନ୍ ରେ ଜଣାପଡ଼ିଛି । ଜାଭଲିନ ଥ୍ରୋର ଏକ ଝଲକ ଏଥିରେ ଦେଖିବାକୁ ମିଳିଛି । ସେ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ପାଣି ଭିତରେ ଜାଭଲିନ୍ ଥ୍ରୋ କରୁଥିବାର ଅଭିନୟ କରୁଥିବା ଦେଖିବାକୁ ମିଳିଛି । ସେ ଏହି ଭିଡିଓ ସ୍କୁବା ଡାଇଭିଂ କରୁଥିବା ସମୟରେ କରିଛନ୍ତି ।
View this post on Instagram
ଭିଡିଓକୁ ସେୟାର କରି ସେ କ୍ୟାପସନ୍ ରେ ଲେଖିଛନ୍ତି, ଆକାଶରେ, ଭୁମି ଓ ଅଣ୍ଡରଗ୍ରାଉଣ୍ଡରେ ସେ ସବୁଠି ଜାଭଲିନ୍ ବିଷୟରେ ଭାବିଥାନ୍ତି । ତେବେ ଭିଡିଓର ବ୍ୟାକଗ୍ରାଉଣ୍ଡରେ ଏ.ଆର୍ ରହମାନଙ୍କ ଦେଶଭକ୍ତି ଗୀତ ଶୁଣିବାକୁ ମିଳୁଛି । ସୂଚନା ଯୋଗ୍ୟ, ଟୋକିଓ ଅଲିମ୍ପିକ୍ ରେ ୮୭.୫୮ ମିଟର୍ ପର୍ଯ୍ୟନ୍ତ ଜାଭଲିନ୍ ଥ୍ରୋ କରି ଗୋଲ୍ଡ ମେଡାଲ୍ ଜିତିଛନ୍ତି । ଅଭିନବ ବିନ୍ଦ୍ରାଙ୍କ ପରେ ନୀରଜ ହେଉଛନ୍ତି ଦ୍ୱିତୀୟ ଭାରତୀୟ ଯିଏକି ବ୍ୟକ୍ତିଗତ ଭାବରେ ସ୍ୱର୍ଣ୍ଣ ପଦକ ହାସଲ କରିଛନ୍ତି । ତେବେ ସେ ୨୦୨୨ ସିଜନ୍ ରେ ମଇଦାନକୁ ଫେରିବେ ।
