ମହିଳାଙ୍କ ସହ ହିନ୍ଦୀରେ କଥା ହେଲା ଶୁଆ: ମଜାଦାର ଢ଼ଙ୍ଗରେ କହିଲା- ‘ଗରମ ଚା ଦେ ଦୋ’, ଦେଖନ୍ତୁ Video
ଇଣ୍ଟରନେଟରେ ପଶୁ-ପକ୍ଷୀଙ୍କ ଭିଡିଓ ପ୍ରାୟତଃ ଭାଇରାଲ ହୋଇଥାଏ, ଯାହାକି ଲୋକଙ୍କ ହୃଦୟକୁ ଶାନ୍ତି ଦେଇଥାଏ । ଅନେକ ଥର କିଛି ଜୀବ ଏପରି କାମ କରିଦିଅନ୍ତି, ଯାହାକୁ ଦେଖି ଲୋକଙ୍କ ହୋସ୍ ଉଡିଯାଏ । ସେହିପରି ସୋସିଆଲ ମିଡିଆରେ ଏକ ଶୁଆର ଭିଡିଓ ଖୁବ ଭାଇରାଲ ହେବାରେ ଲାଗିଛି, ଯେଉଁଥିରେ ସେ ଜଣେ ମହିଳାଙ୍କ ସହ କଥା ହେଉଥିବାର ଦେଖିବାକୁ ମିଳିଛି । ଲାଲ ରଙ୍ଗର ଶୁଆଟିର ସ୍ୱର ଶୁଣି ଇଣ୍ଟରନେଟ ବ୍ୟବହାରକାରୀମାନେ ଖୁସିରେ ପ୍ରଫୁଲ୍ଲିତ ହେବା ସହ ମଜାଦାର କମେଣ୍ଟ ଦେଉଥିବା ଦେଖିବାକୁ ମିଳିଛି । ଭିଡିଓରେ ଶୁଆଟି ହିନ୍ଦୀରେ କଥା ହେବା ସହ ଚା’ର ଡିମାଣ୍ଡ କରୁଥିବା ଦେଖିବାକୁ ମିଳିଛି ।
ଶୁଆମାନେ ବି ମଣିଷଙ୍କ ପରି ଭାଷା କହିପାରନ୍ତି ବୋଲି ତ ଆପଣ ଜାଣିଛନ୍ତି । ଶୁଆର ଏପରି ଏକ ଭିଡିଓ ସୋସିଆଲ ମିଡିଆ ପ୍ଲାଟଫର୍ମରେ ଭାଇରାଲ ହେଉଛି । ଭିଡିଓରେ ଶୁଆଟି ମଣିଷଙ୍କ ପରି କଥା ହେବା ସହ କଥାର ଉତ୍ତର ବି ଦେଉଛି । ଭାରତରେ ଅନେକ ପରିବାର ଶୁଆ ପାଳିବାକୁ ପସନ୍ଦ କରନ୍ତି ।
ଭିଡିଓରେ ଶୁଆଟି ଏକ ଛୋଟ ଖଟିଆ ଉପରେ ଥିବା ବେଳେ ନିଜ ସ୍ୱରରେ ‘ମମି’ ଚିଲ୍ଲାଉଥିବା ଦେଖିବାକୁ ମିଳିଛି । ଶୁଆଟି ବି ଅନ୍ୟ ଭାରତୀୟ ଛୁଆଙ୍କ ପରି ‘ମମି’ ଡାକିବାକୁ ଚେଷ୍ଟା କରୁଛି । ମହିଳାଙ୍କୁ ବି ପଛରୁ ଜବାବ ଦେଉଥିବା ଶୁଣିବାକୁ ମିଳିଛି । ଏହା ପରେ ଶୁଆଟି ୨ ମିନିଟରୁ ଅଧିକ ସମୟ ହିନ୍ଦୀରେ କଥା ହୋଇଥିଲା । ଏହି ଭିଡିଓକୁ କିଛି ଦିନ ପୂର୍ବରୁ ଆଇପିଏସ୍ ଅଧିକାରୀ ଦୀପନଶୁ କାବ୍ରା ସେୟାର କରିଥିଲେ, ଯାହାକୁ ୫୬ ହଜାରରୁ ଅଧିକ ଲୋକ ଦେଖିସାରିଲେଣି ।
बात करने का अलग ही मज़ा होता है,
जब कोई इतनी आत्मीयता से संवाद करता है.यह खूबसूरत और मासूम वार्तालाप सुनकर लगता है काश हम सभी जीवों से ऐसे ही बात कर सकते… pic.twitter.com/uX80K59OPT
— Dipanshu Kabra (@ipskabra) May 26, 2022
