କଂଗ୍ରେସକୁ ଆଉ ଏକ ଝଟକା! ଟିଏମସିରେ ସାମିଲ ହେବେ ଶତ୍ରୁଘ୍ନ ସିହ୍ନା

ନୂଆଦିଲ୍ଲୀ: କଂଗ୍ରେସ ପାର୍ଟିକୁ ଆଉ ଏକ ଜୋରଦାର ଝଟକା ଲାଗିବାକୁ ଯାଉଛି । କଂଗ୍ରେସ ନେତା ବା ବଲିଉଡ ଅଭିନେତା ଶତ୍ରୁଘ୍ନ ସିହ୍ନା ମମତା ବାନାର୍ଜୀଙ୍କ ତୃଣମୂଳ କଂଗ୍ରେସରେ ସାମିଲ ହୋଇପାରନ୍ତି । ଟିଏମସି ଶତ୍ରୁଘ୍ନଙ୍କୁ ରାଜ୍ୟସଭା ପଠାଇପାରେ । ବିହାରୀ ବାବୁ ନାମରେ ପରିଚିତ ଶତ୍ରୁଘ୍ନ ଶୁବଶୀଘ୍ର ମମତାଙ୍କ ପାଟି ଟିଏମସିରେ ସାମିଲ ହେବେ । ସୂତ୍ରରୁ ଏନେଇ ଖବର ମିଳିଛି ଯେ, ମମତା ଶତ୍ରୁଘ୍ନଙ୍କୁ ଟିଏମସି ଟିକେଟରେ ରାଜ୍ୟସଭା ଜରିଆରେ ସଂସଦରେ ପଠାଇପାରନ୍ତି ।

ଟିଏମସି ନେତାଙ୍କ କହିବା ମୁତାବକ, ଅଭିନେତା ତଥା ରାଜନେତା ଶତ୍ରୁଘ୍ନଙ୍କ ସହ ମମତାଙ୍କ ସମ୍ପର୍କ ଭଲ ରହିଛି । ୨୧ ଜୁଲାଇରେ ଶହୀଦ ଦିବସ ଅବସରରେ ଶତ୍ରୁଘ୍ନ ଟିଏମସିରେ ସାମିଲ ହୋଇପାରିନ୍ତ ବୋଲି ସୂତ୍ରରୁ ଖବର ମିଳିଛି । ନିକଟରେ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ପୁଅ ତଥା ପୂର୍ବତନ କଂଗ୍ରେସ ସାଂସଦ ଅଭିଜିତ ମୁଖାର୍ଜୀ ଟିଏମସିରେ ସାମିଲ ହୋଇଥିଲେ । କୋଲକତା ସ୍ଥିତ ପାର୍ଟି ମୁଖ୍ୟାଳୟରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ବିଧିବଦ୍ଧ ଭାବେ ସେ ଟିଏମସିରେ ସାମିଲ ହୋଇଥିଲେ । ତୃଣମୂଳ କଂଗ୍ରେସର ବରିଷ୍ଠ ନେତା ସୁଦୀପ ବନ୍ଦୋପାଧ୍ୟୟ ଓ ଅନ୍ୟ ବରିଷ୍ଠ ନେତା ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ। ତେବେ ଅଟଳ ବିହାରୀ ବାଜପେୟୀ ସରକାରରେ ମନ୍ତ୍ରୀ ଥିବା ୟଶଓ୍ୱନ୍ତ ସିହ୍ନା ପଶ୍ଚିମବଙ୍ଗ ବିଧାନସଭା ନିର୍ବାଚନ ବେଳେ ଟିଏମସିରେ ସାମିଲ୍ ହୋଇଥିଲେ।