ଘର ଭିତରୁ ମିଳିଲା ଅଭିନେତ୍ରୀଙ୍କ ମୃତଦେହ, ପ୍ରଶଂସକଙ୍କୁ ଶକ୍ତ ଝଟକା

ସିଓଲ,୧୬ା୨: ଦକ୍ଷିଣ କୋରିଆର ଲୋକପ୍ରିୟ ଅଭିନେତ୍ରୀ କିମ ସା ରୋନ୍ ମାତ୍ର ୨୪ ବର୍ଷ ବୟସରେ ଦୁନିଆକୁ ଅଲବିଦା କହିଛନ୍ତି । ଏହି ଖବର ଜଣାପଡ଼ିବା ପରେ ତାଙ୍କ ପ୍ରଶଂସକଙ୍କୁ ଶକ୍ତ ଝଟକା ଲାଗିଛି । ଫେବୃଆରୀ ୧୬ ଅର୍ଥାତ୍ ରବିବାର ଅଭିନେତ୍ରୀଙ୍କ ମୃତଦେହ ଘର ଭିତରୁ ମିଳିଥିଲା।

ପୋଲିସ ସୂଚନାନୁଯାୟୀ, କିମଙ୍କ ମୃତଦେହ ସିଓଲର ସୋଙ୍ଗଡୋଙ୍ଗ-ଗୁସ୍ଥିତ ତାଙ୍କ ଘରେ ମିଳିଥିଲା। ଅଭିନେତ୍ରୀଙ୍କ ଜଣେ ପରିଚିତ ବ୍ୟକ୍ତି ଅପରାହ୍ନରେ ଜରୁରୀକାଳୀନ ସେବାକୁ ସୂଚନା ଦେଇଥିଲେ, ଏହା ପରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ପୋଲିସର ପ୍ରାଥମିକ ଅନୁସନ୍ଧାନରେ କୌଣସି ଷଡଯନ୍ତ୍ରର ଖୁଲାସା କରାଯାଇ ନାହିଁ। କୁହାଯାଉଛି ଯେ, ଏହି ମାମଲାରେ ପୋଲିସ କୌଣସି ଅପରାଧିକ କାର୍ଯ୍ୟକଳାପକୁ ସନ୍ଦେହ କରୁନାହିଁ। ତେବେ ମୃତ୍ୟୁର କାରଣ ଏପର୍ଯ୍ୟନ୍ତ ଜଣାପଡିନାହିଁ।

ବିବୃତ୍ତିରେ ପୋଲିସ କ’ଣ କହିଛି?
ରିପୋର୍ଟ ଅନୁଯାୟୀ, ପୋଲିସ ଅଧିକାରୀ ଏକ ବିବୃତ୍ତି ଦେଇଛନ୍ତି। ଏଥିରେ କୁହାଯାଇଛି ଯେ, କିମଙ୍କ ମୃତ୍ୟୁରେ ଏପର୍ଯ୍ୟନ୍ତ  କୌଣସି ବାହ୍ୟ ଆକ୍ରମଣ କିମ୍ବା ଅପରାଧିକ କାର୍ଯ୍ୟକଳାପର ସୂଚନା ନାହିଁ, କିନ୍ତୁ ମୃତ୍ୟୁର କାରଣ ଅନୁସନ୍ଧାନ ଜାରି ରହିଛି।

କିମ ନେକ ଲୋକପ୍ରିୟ ନାଟକ (କିମ ସା ରୋନ୍ ଲୋକପ୍ରିୟ ଡ୍ରାମା) ରେ ଅଭିନୟ କରିଛନ୍ତି। ବ୍ଲଡ ହାଣ୍ଡଉସ, ଲେବରେଜ୍, ମିରର ଅଫ୍ ଦ ୱିଚ୍, ଟୁ ବି କଣ୍ଟିନୁ୍ୟଡ୍ ଏବଂ ହାଇସ୍କୁଲ ଲଭ୍ ଅନ୍ ପରି ଶୋ’ ପାଇଁ ବେଶ୍ ଜଣାଶୁଣା । ଏହିପରି ସମସ୍ତ ଶୋ’ରେ ତାଙ୍କ ଚରିତ୍ରମାନଙ୍କୁ ବହୁତ ପସନ୍ଦ କରାଯାଇଥିଲା। ଅଭିନେତ୍ରୀଙ୍କ ହଠାତ୍ ଦେହାନ୍ତରେ ପ୍ରଶଂସକଙ୍କ ପାଇଁ ଏକ ବଡ଼ ଝଟକା ଲାଗିଛି।