(Video) ଗୋଟିଏ ରନୱେରେ ଦୁଇଟି ବିମାନ: ଗୋଟିଏ ଅବତରଣ କଲା ଏବଂ ଅନ୍ୟଟି ଭରିଲା ଉଡ଼ାଣ, ଆକ୍ସନ ନେଲା ଡିଜିସିଏ
ମୁମ୍ବାଇ: ଛତ୍ରପତି ଶିବାଜୀ ମହାରାଜ ଅନ୍ତର୍ଜାତୀୟ ବିମାନବନ୍ଦରର ଏକ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ଏକ ଇଣ୍ଡିଗୋ ବିମାନ ଏ୩୨୦ ଅବତରଣ କରିବାକୁ ଚେଷ୍ଟା କଲା ଯେତେବେଳେ ଏକ ଏୟାର ଇଣ୍ଡିଆ ବିମାନ ସମାନ ରନୱେରୁ ଉଡ଼ାଣ ଭରିଥିଲା ।
ଏହି ଘଟଣାର ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି । ବିମାନ ଭିତରେ ବସିଥିବା ଜଣେ ବ୍ୟକ୍ତି ଏହି ଭିଡିଓକୁ ରେକର୍ଡ କରିଛନ୍ତି ଯେଉଁଥିରେ ଇଣ୍ଡିଗୋ ବିମାନ ଏୟାର ଇଣ୍ଡିଆ ବିମାନ ଉଡ଼ିବାର କିଛି ମୁହୂର୍ତ୍ତ ପରେ ସମାନ ରନୱେରେ ଅବତରଣ କରୁଥିବା ଦେଖାଯାଉଛି ।
ମିଳିଥିବା ସୂଚନା ଅନୁଯାୟୀ, ଏହି ଘଟଣା ଜୁନ୍ ୮ ରେ ଘଟିଥିବା କୁହାଯାଉଛି । ଯେଉଁଥିରେ ଇନ୍ଦୋରରୁ ଇଣ୍ଡିଗୋ ବିମାନ ୬ଇ ୬୦୫୩କୁ ମୁମ୍ବାଇ ବିମାନବନ୍ଦରର ଏଟିସିରୁ ଅବତରଣର ମଞ୍ଜୁରୀ ମିଳିଥିଲା । ଏଟିସିର ନିର୍ଦ୍ଦେଶନାମା ଅନୁଯାୟୀ ବିମାନର କମାଣ୍ଡରେ ଥିବା ପାଇଲଟ୍ କମାଣ୍ଡ ମାନି ଲ୍ୟାଣ୍ଡିଂ କରିଥିଲେ । ଅବଶ୍ୟ ଏହି ସମୟରେ କୌଣସି ପ୍ରକାରର କ୍ଷତି ହୋଇନଥିଲା । କିନ୍ତୁ ଏକ ଛୋଟ ଭୁଲ ଅନେକ ଯାତ୍ରୀଙ୍କୁ ବିପଦରେ ପକାଇପାରେ । ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ମାତ୍ରେ ଡିଜିସିଏ ଏହି ଘଟଣାରେ କାର୍ଯ୍ୟାନୁଷ୍ଠାନ ଗ୍ରହଣ କରି ତଦନ୍ତ ଆରମ୍ଭ କରିଛି ।
ଲୋକମାନେ ଏହା ସାଧାରଣ ଅଭ୍ୟାସ ବୋଲି କହିଥିଲେ :-
ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଅନେକ ଉପଭୋକ୍ତା ଏହାକୁ ଏକ ସାଧାରଣ ଅଭ୍ୟାସ ବୋଲି କହିଛନ୍ତି । ଜଣେ ଉପଭୋକ୍ତା ଲେଖିଛନ୍ତି ଯେ ଏଥିରେ କୌଣସି ବିପଦ ନାହିଁ । ବ୍ୟସ୍ତବହୁଳ ବିମାନବନ୍ଦରରେ ଏହା ଏକ ସାଧାରଣ ବିଶେଷତା । ଏଟିସି ନିୟନ୍ତ୍ରଣଗୁଡ଼ିକ ବହୁତ ଉନ୍ନତ । ଅନ୍ୟ ଜଣେ ଉପଭୋକ୍ତା ଏଟିସି ଉପରେ ଆତ୍ମବିଶ୍ୱାସ ପ୍ରକାଶ କରି ଲେଖିଛନ୍ତି ଯେ, ଯେହେତୁ ଏଟିସି ଦ୍ୱାରା ଲ୍ୟାଣ୍ଡିଂ କ୍ଲିୟରାନ୍ସ ଦିଆଯାଇଥିଲା, ତେଣୁ ବ୍ୟସ୍ତବହୁଳ ବିମାନବନ୍ଦରରେ ଏହା ଏକ ସାଧାରଣ ଦିନ ହେବା ଉଚିତ୍ । କିନ୍ତୁ ଅନ୍ୟ ବିମାନଟି ରନୱେରୁ ନଯିବା ପର୍ଯ୍ୟନ୍ତ ଏହା ବିପଦପୂର୍ଣ୍ଣ ।
Woh, this looks real close.@IndiGo6E lands just when @AirIndia was taking-off at Mumbai Airport.@DGCAIndia @FAANews @CSMIA_Official @MoCA_GoI pic.twitter.com/wRtFiTLKHE
— Tarun Shukla (@shukla_tarun) June 9, 2024
