(Video): ଆମେରିକାରେ ଗୁଞ୍ଜରିତ ହେଲା ‘ଅବକି ବାର୍ ୪୦୦ ପାର୍’, ମୋଦୀଙ୍କ ସମର୍ଥନରେ ଶିଖ୍ଙ୍କ କାର ରାଲି
ନୂଆଦିଲ୍ଲୀ: ଲୋକସଭା ନିର୍ବାଚନର ତାରିଖ ଘୋଷଣା ହେବା ପରେ ଭାରତରେ ରାଜନୈତିକ ମାହୋଲ ବେଶ ସରଗରମ ରହିଛି । ବିଭିନ୍ନ ରାଜନୈତିକ ଦଳ ପକ୍ଷରୁ ଜୋରଦାର ପ୍ରସ୍ତୁତି ମଧ୍ୟରେ ଦଳବଦଳ ପ୍ରକ୍ରିୟା ଜାରି ରହିଛି । ତେବେ ଭାରତୀୟ ରାଜନୀତିର ପ୍ରଭାବ ବିଦେଶରେ ମଧ୍ୟ ଦେଖିବାକୁ ମିଳିଛି । ବିଜେପିକୁ ସମର୍ଥନ କରି ଆମେରିକାରେ ଶିଖ୍ ସମ୍ପ୍ରଦାୟ ପକ୍ଷରୁ ଏକ ରାଲିର ଆୟୋଜନ କରାଯାଇଛି ।
ଆମେରିକା ସ୍ଥିତ ମେରିଲ୍ୟାଣ୍ଡରେ ଶିଖ୍ ସମ୍ପ୍ରଦାୟମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସମର୍ଥନ କରିବା ଉଦ୍ଦେଶ୍ୟରେ ମାର୍ଚ୍ଚ ୩୧ରେ ଏକ କାର ରାଲିର ଆୟୋଜନ କରିଥିଲେ । ଏହି ରାଲିରେ ସାମିଲ ଥିବା ଗାଡ଼ିରେ ବିଜେପିର ଧ୍ୱଜ ଏବଂ ଆମେରିକାର ଜାତୀୟ ପତାକା ଲଗାଯାଇଥିଲା । ଏହା ସହ ବିଜେପିର ‘ଅବକି ବାର୍ ୪୦୦ ପାର୍’ ଏବଂ ‘ତୀସରୀ ବାର୍ ମୋଦୀ ସରକାର’ ଭଳି ସ୍ଲୋଗାନ ଗାଡ଼ିରେ ପ୍ରଦର୍ଶିତ ହୋଇଥିଲା । ଏନେଇ ଏଏନ୍ଆଇ ‘ଏକ୍ସ’ରେ ଏକ ପୋଷ୍ଟ ଶେୟାର କରିଛି ।
#WATCH | US: Sikh Americans in Maryland conducted a car rally on March 31, in support of Prime Minister Narendra Modi.
They decked up their vehicles with BJP flags and the Flag of the United States and displayed placards on their vehicles reading 'Abki baar 400 par, 'Teesri baar… pic.twitter.com/Tu0JyX47eA
— ANI (@ANI) April 1, 2024
