ପ୍ରତି ୪ ଜଣ ଭାରତୀୟଙ୍କ ମଧ୍ୟରୁ ୩ ଜଣଙ୍କୁ ହେଉଛି NoMoPhobia ରୋଗ, ଆପଣ ହୋଇ ନାହାଁନ୍ତି ତ’ ଏହାର ଶିକାର ?
ସ୍ମାର୍ଟଫୋନ୍ ଆଜି ଆମ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ ହୋଇଯାଇଛି । ତା’ ବିନା ବଞ୍ଚିବାର କଳ୍ପନା ମଧ୍ୟ କରାଯାଇ ପାରିବ ନାହିଁ । ସ୍ମାର୍ଟଫୋନ୍ ସହିତ ଜଡିତ ଏକ ଆଶ୍ଚର୍ଯ୍ୟଜନକ ରିପୋର୍ଟ ବାହାରିଛି ।
ଓପୋ ଏବଂ କାଉଣ୍ଟରପଏଣ୍ଟ ରିସର୍ଚ୍ଚ ଏକ ରିପୋର୍ଟ ସେୟାର କରିଛନ୍ତି ଯେଉଁଥିରେ କୁହାଯାଇଛି ଯେ, ପ୍ରତି ୪ ଜଣ ଭାରତୀୟଙ୍କ ମଧ୍ୟରୁ ୩ ଜଣଙ୍କୁ ନୋମୋଫୋବିୟା ନାମକ ଏକ ରୋଗ ହେଉଛିି । ପ୍ରାୟ ୭୨% ଭାରତୀୟ ଅଛନ୍ତି ଯେଉଁମାନଙ୍କୁ ମୋବାଇଲ୍ ଫୋନର ବ୍ୟାଟେରୀ ୨୦% ରେ ପହଞ୍ଚିବା ମାତ୍ରେ ‘ଲୋ ବ୍ୟାଟେରୀ ଏନଜାଇଟ୍’ ହୋଇଥାଏ । ଅନ୍ୟ ପଟେ, ୬୫% ଲୋକ ଏପରି ଅଛନ୍ତି ଯେ ଏହି କାରଣରୁ ଇମୋସନାଲ ଡିସ୍କମ୍ଫର୍ଟ ଯେପରିକି ଚିନ୍ତା, ବିଚ୍ଛିନ୍ନତା, ଅସହାୟ ଅନୁଭବ କରିବା, ଛାଡିବାର ଭୟ, ନର୍ଭସେସ୍ ଇତ୍ୟାଦି ଅନୁଭବ କରନ୍ତିଏ । ଯଦି ଆପଣ ମଧ୍ୟ ସମାନ ଅନୁଭବ କରୁଛ ତେବେ ଆପଣ ମଧ୍ୟ ନୋମୋଫୋବିୟାରେ ପୀଡିତ ।
ନୋମୋଫୋବିୟା କ’ଣ?
ନୋମୋଫୋବିୟା ଅର୍ଥାତ୍ ନୋ ମୋବାଇଲ୍ ଫୋନ୍ ଫୋବିୟା ଏପରି ଏକ ଅବସ୍ଥା, ଯେଉଁଥିରେ କୌଣସି ବ୍ୟକ୍ତିଙ୍କୁ ମୋବାଇଲ ଫୋନଠାରୁ ଦୂରରେ ନର୍ଭସ ହୋଇଥାନ୍ତି । ସେ ସ୍ମାର୍ଟଫୋନରେ ଅଭ୍ୟସ୍ତ ଥିବାରୁ ଏପରି ହୋଇଥାଏ ।
ଆଶ୍ଚର୍ଯ୍ୟଜନକ ରିପୋର୍ଟ :-
ଚୀନର ସ୍ମାର୍ଟଫୋନ୍ ନିର୍ମାତା ଓପୋ ଏବଂ କାଉଣ୍ଟରପଏଣ୍ଟ ରିସର୍ଚ୍ଚ ଏକ ଅଧ୍ୟୟନ ଲୋକଙ୍କ ଉପରେ କରିଥିଲେ, ଯାହାର ନାଁ ‘NoMoPhobia: Low Battery Anxiety Consumer Study’ ରଖାରଯାଇଥିଲା । ଏହି ଅଧ୍ୟୟନରେ, ଜଣାପଡିଛି ଯେ ୪୭% ଲୋକ ଦିନକୁ ଦୁଇଥର ସ୍ମାର୍ଟଫୋନ୍ ଚାର୍ଜ କରନ୍ତି ଏବଂ ୮୭% ଲୋକ ମୋବାଇଲ୍ ଫୋନ୍ ଚାର୍ଜ କରିବା ସମୟରେ ପ୍ରାୟ ଏଥିରେ ଲାଗି ରୁହନ୍ତି । ରିପୋର୍ଟ ଅନୁଯାୟୀ, ସ୍ମାର୍ଟଫୋନର ବ୍ୟାଟେରୀ କମ୍ ଥିବାବେଳେ ୭୪ ପ୍ରତିଶତ ମହିଳା ଚିନ୍ତିତ ଥିବାବେଳେ ପୁରୁଷଙ୍କ ମଧ୍ୟରେ ଏହି ସଂଖ୍ୟା ୮୨ ପ୍ରତିଶତ ରହିଛି । ରିପୋର୍ଟରେ ଏହା ମଧ୍ୟ ଜଣାପଡିଛି ଯେ ବ୍ୟାଟେରୀର କାର୍ଯ୍ୟଦକ୍ଷତା ଭଲ ନଥିଲେ ପ୍ରାୟ ୬୦% ଲୋକ ଫୋନ୍ ବଦଳାନ୍ତି । ଆହୁରି ମଧ୍ୟ, ୯୨.୫ ପ୍ରତିଶତ ଲୋକ ବ୍ୟାଟେରୀକୁ ଅଧିକ ସମୟ ରଖିବା ପାଇଁ ନିଜ ଫୋନରେ ପାୱାର ସେଭିଂ ମୋଡ୍ ଅନ୍ ରଖନ୍ତି । ରିପୋର୍ଟରେ ଦର୍ଶାଯାଇଛି ଯେ ୪୦ ପ୍ରତିଶତ ଲୋକ ନିଜ ଫୋନକୁ ଦିନର ପ୍ରଥମ ଏବଂ ଶେଷ ଜିନିଷ ଭାବରେ ବ୍ୟବହାର କରନ୍ତି ।
