‘ଗ୍ରାଣ୍ଡ ଅର୍ଡର ଅଫ୍ ଦି ଚେନ୍ ଅଫ୍ ଦି ୟେଲୋ ଷ୍ଟାର’ରେ ସମ୍ମାନୀତ ହେଲେ ରାଷ୍ଟ୍ରପତି, ପ୍ରଧାନମନ୍ତ୍ରୀ ଜଣାଇଲେ ଅଭିନନ୍ଦନ
ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ସୁରିନାମର ସର୍ବୋଚ୍ଚ ନାଗରିକ ସମ୍ମାନ “ଗ୍ରାଣ୍ଡ ଅର୍ଡର ଅଫ୍ ଦି ଚେନ୍ ଅଫ୍ ଦି ୟେଲୋ ଷ୍ଟାର” ଦିଆଯାଇଛି । ଏନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କୁ ଅଭିନନ୍ଦନ ଜଣାଇଛନ୍ତି ।
ସୂଚନା ଅନୁଯାୟୀ, ସୁରିନାମ ରାଷ୍ଟ୍ରପତି ଚନ୍ଦ୍ରପ୍ରପ୍ରସାଦ ସନ୍ତୋଖୀ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ସୁରିନାମଙ୍କ ସର୍ବୋଚ୍ଚ ନାଗରିକ ପୁରସ୍କାର ‘ଗ୍ରାଣ୍ଡ ଅର୍ଡର ଅଫ୍ ଦି ଚେନ୍ ଅଫ୍ ୟେଲୋ ଷ୍ଟାର’ ପ୍ରଦାନ କରିଥିଲେ। ଏହି ପୁରସ୍କାର ଗ୍ରହଣ କରି ରାଷ୍ଟ୍ରପତି ମୁର୍ମୁ ଏହି ସମ୍ମାନ ପାଇଁ ରାଷ୍ଟ୍ରପତି ସନ୍ତୋଖୀ ଏବଂ ସୁରିନାମ ସରକାରଙ୍କୁ ଧନ୍ୟବାଦ ଜଣାଇଛନ୍ତି। ସୁରିନାମଙ୍କ ସର୍ବୋଚ୍ଚ ନାଗରିକ ପୁରସ୍କାର ପାଇବା ପରେ ସେ ଟୁଇଟ୍ କରି କହିଛନ୍ତି ଯେ, ଏହି ସମ୍ମାନ କେବଳ ମୋ ପାଇଁ ନୁହେଁ ବରଂ ଭାରତର ୧.୪ ବିଲିୟନ ଲୋକଙ୍କ ପାଇଁ ମଧ୍ୟ ଅନେକ କିଛି ଅଟେ।
ରାଷ୍ଟ୍ରପତି ମୁର୍ମୁଙ୍କ ଏହି ଟ୍ୱିଟର ଉତ୍ତର ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲେଖିଛନ୍ତି ଯେ, ‘ରାଷ୍ଟ୍ରପତିଙ୍କୁ ଗ୍ରାଣ୍ଡ ଅର୍ଡର ଅଫ୍ ଦି ଚେନ୍ ଅଫ୍ ଦି ୟେଲୋ ଷ୍ଟାର ଦ୍ୱାରା ସମ୍ମାନୀତ କରାଯାଇଥିବାରୁ ତାଙ୍କୁ ଅଭିନନ୍ଦନ । ସରକାର ଏବଂ ସୁରିନାମ ଲୋକଙ୍କ ଏହି ବିଶେଷ ଭାବ ଆମ ସହ ସ୍ଥାୟୀ ବନ୍ଧୁତ୍ୱର ପ୍ରତୀକ ।’ ରାଷ୍ଟ୍ରପତି ଦ୍ରୌପଦୀ ମୁର୍ମୁ ତାଙ୍କର ସୁରିନାମ ପ୍ରତିପକ୍ଷ ଚନ୍ଦ୍ରପ୍ରସାଦ ସନ୍ତୋଖୀଙ୍କୁ ଭେଟି ପ୍ରତିରକ୍ଷା, କୃଷି, ସୂଚନା-ପ୍ରଯୁକ୍ତିବିଦ୍ୟା ଏବଂ ଦକ୍ଷତା ବିକାଶ ସମେତ ଅନେକ କ୍ଷେତ୍ରରେ ଦ୍ୱିପାକ୍ଷିକ ସହଯୋଗକୁ ଆହୁରି ଗଭୀର କରିବାର ଉପାୟ ଉପରେ ଆଲୋଚନା ମଧ୍ୟ କରିଥିଲେ।
