Big Breaking: ଆସନ୍ତାକାଲି ଓଡ଼ିଶା ଗସ୍ତରେ ଆସିବେ ମଲ୍ଲିକାର୍ଜୁନ ଖଡ଼ଗେ

ଭୁବନେଶ୍ୱର: ଆସନ୍ତାକାଲି ଓଡ଼ିଶା ଗସ୍ତରେ ଆସିବେ ମଲ୍ଲିକାର୍ଜୁନ ଖଡ଼ଗେ । ଦିନିକିଆ ଓଡ଼ିଶା ଗସ୍ତରେ ଏଆଇସିସି ଅଧ୍ୟକ୍ଷ ଆସିବେ । ଦିନ ୧୨ଟାରେ ଭୁବନେଶ୍ୱର ବିମାନ ବନ୍ଦରରେ ପହଞ୍ଚିବେ ବୋଲି ସୂଚନା ମିଳିଛି । ଲୋୟର ପିଏନଜିରେ ଓଡ଼ିଶା ବଞ୍ଚାଓ ସମାବେଶରେ ଯୋଗଦାନ କରିବେ । ତେବେ ଏହି ସମାବେଶରେ ଜିଲ୍ଲା, ବ୍ଲକ ଓ ମଣ୍ଡଳ ସଭାପତି ଯୋଗଦେବେ । ଏଥିସହ ପଞ୍ଚାୟତ କର୍ମୀଙ୍କ ସହ ସାଧାରଣ ଲୋକଙ୍କୁ ଉଦବୋଧବ ଦେବେ ।

ଅନ୍ୟପକ୍ଷେ ଖଡ଼ଗେଙ୍କ ଗସ୍ତକୁ ନେଇ ସାଂସଦ ଅପରାଜିତାଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ସେ କହିଛନ୍ତି ଯେ, ‘କଂଗ୍ରେସର ଆତ୍ମ ସମୀକ୍ଷା କରିବାର ସମୟ ଆସିଛି । ସେମାନେ ଯେତେ ଚାଲନ୍ତୁ ଅବା ଯେତେ ନ୍ୟାୟ ଯାତ୍ରା କରନ୍ତୁ, କି ଯେତେ ଓଡ଼ିଶା ଆସିଲେ ସୁଦ୍ଧା ଏହାର କୌଣସି ପ୍ରଭାବ ପଡ଼ିବ ନାହିଁ । ଓଡ଼ିଶା ଲୋକଙ୍କୁ ପଚାରନ୍ତୁ ଏଠାରେ କଂଗ୍ରେସର ସ୍ଥିତି କଣ ।’