କ୍ଷୀର ସହ ଖାଆନ୍ତୁ ନାହିଁ ଏହି ଖାଦ୍ୟ; ହୋଇପାରେ ଏପରି କ୍ଷତି
ଏପରି ଅନେକ ଖାଦ୍ୟ ଅଛି ଯାହା ଏକା ସହିତ ଖାଇଲେ ଶରୀର ପାଇଁ କ୍ଷତିକାରକ ହୋଇଯାଏ । ତେବେ କ୍ଷୀର ସହିତ କେଉଁ ଜିନିଷ ଖାଇବା ଉଚିତ୍ ନୁହେଁ ତାହା ଜାଣି ରଖନ୍ତୁ । କ୍ଷୀର ଆମ ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ । ଏହାକୁ ପ୍ରତିଦିନ ପିଇବା ଦ୍ୱାରା ଶରୀର ପାଇଁ ଅନେକ ଲାଭ ହୋଇଥାଏ । କିନ୍ତୁ କିଛି ଖାଦ୍ୟ ପଦାର୍ଥ ସହିତ କ୍ଷୀର ଖାଇବା ଶରୀର ପାଇଁ କ୍ଷତିକାରକ ହୋଇଥାଏ । ଏପରି କିଛି ଖାଦ୍ୟ ସାମଗ୍ରୀ ବିଷୟରେ ଜାଣି ରଖନ୍ତୁ ଯାହା କ୍ଷୀର ସହିତ ଖାଇବା ଉଚିତ ନୁହେଁ ।
ଲୁଣ: ଲୁଣିଆ ଜିନିଷ କ୍ଷୀର ସହିତ ଖାଇବା ଉଚିତ୍ ନୁହେଁ । ଆୟୁର୍ବେଦରେ କ୍ଷୀର ଏବଂ ଲୁଣକୁ ପରସ୍ପରର ଶତ୍ରୁ ଭାବରେ କୁହାଯାଇଛି । ଲୁଣ କ୍ଷୀରକୁ ବିଷାକ୍ତ କରିଥାଏ ଯେଉଁଥିପାଇଁ ଶରୀରରେ ତ୍ୱଚା ସମ୍ବନ୍ଧୀୟ ରୋଗ ବଢିବାକୁ ଲାଗେ । କଫି ସହିତ କେବେବି ଲୁଣି ବିସ୍କୁଟ ଖାଇବା ଉଚିତ୍ ନୁହେଁ । ଏହି ଖାଦ୍ୟ ମିଶ୍ରଣ ଶରୀର ପାଇଁ ଖରାପ ହୋଇଥାଏ ।
ମାଛ: ଖାଦ୍ୟ ମିଶ୍ରଣ ମଧ୍ୟରେ କ୍ଷୀର ଏବଂ ମାଛ ହେଉଛି ସବୁଠାରୁ ଖରାପ ମିଶ୍ରଣ । ମାଛ ଖାଇବା ପରେ କ୍ଷୀର ପିଇବା ଦ୍ୱାରା ଚର୍ମ ସମ୍ବନ୍ଧୀୟ ରୋଗ ହୋଇଥାଏ । ମାଛର ଉଷ୍ମତା ପ୍ରଭାବ ଥିବାବେଳେ କ୍ଷୀରର ଥଣ୍ଡା ପ୍ରଭାବ ରହିଥାଏ । ଯେତେବେଳେ ଏହି ଦୁଇଟି ଖାଦ୍ୟ ମିଶନ୍ତି, ଏହା ପେଟରେ ଏକ ଖରାପ ମିଶ୍ରଣ ସୃଷ୍ଟି ହୁଏ ଯାହା ଶରୀର ପାଇଁ କ୍ଷତିକାରକ ହୋଇଥାଏ ।
ଗୁଡ଼: ମାଛ ପରି, ଗୁଡ଼ ମଧ୍ୟ ଗରମ ପ୍ରଭାବ ପକାଇଥାଏ ଏବଂ କ୍ଷୀର ଥଣ୍ଡା ହୋଇଥାଏ । ଏହି ଦୁଇଟି ମଧ୍ୟ ଖରାପ ଖାଦ୍ୟ ମିଶ୍ରଣ ଅଟେ ଯାହାକୁ ଆୟୁର୍ବେଦରେ ଖିଆଯିବାକୁ ଅନୁଚିତ କୁହାଯାଇଛି ।
କଦଳୀ: କଦଳୀ ଏବଂ କ୍ଷୀରକୁ ଏକାଠି ଖାଇଲେ ଏହା ହଜମ ହେବାକୁ ବହୁତ ସମୟ ନେଇଥାଏ । ଏହାକୁ ନିୟମିତ ଖାଇବା ଦ୍ୱାରା ହଜମ ପ୍ରକ୍ରିୟାରେ ସମସ୍ୟା ସୃଷ୍ଟି ହୋଇପାରେ ।
କ୍ଷୀର ପିଇବାର ସର୍ବୋତ୍ତମ ଉପାୟ ହେଉଛି ପ୍ରଥମେ ଏହାକୁ ଫୁଟାଇବା ପରେ ଏକ ଚାମଚରେ ଶୁଖିଲା ଅଦା ପାଉଡର ଏବଂ ଏଥିରେ ଅଳ୍ପ ଚିନି ମିଶାଇ ପିଅନ୍ତୁ ।
