ଅହମ୍ମଦାବାଦରେ ମର୍ମନ୍ତୁଦ ସଡ଼କ ଦୁର୍ଘଟଣା: ୯ ମୃତ, ୧୩ ଆହତ
ଅହମ୍ମଦାବାଦ: ଗୁରୁବାର ଦିନ ଗୁଜୁରାଟର ଅହମ୍ମଦାବାଦରେ ଥିବା ସରଖଜ-ଗାନ୍ଧିନଗର ରାଜପଥରେ ଏକ ବଡ଼ ସଡ଼କ ଦୁର୍ଘଟଣା ଘଟିଛି। ISKCON ବ୍ରିଜ୍ ଉପରେ ଏହି ସଡକ ଦୁର୍ଘଟଣାରେ ଏକ ଜାଗୁଆର କାର ଲୋକଙ୍କ ଉପରେ ମାଡି ଯାଇଛି, ଯେଉଁଥିରେ ଜଣେ ପୋଲିସ କନଷ୍ଟେବଳଙ୍କ ସମେତ ୯ ଜଣଙ୍କର ମୃତ୍ୟୁ ଘଟିଛି।
ମୃତକଙ୍କ ମଧ୍ୟରେ ବୋଟାଡ ଜିଲ୍ଲାର ସୁରେନ୍ଦ୍ରନଗରର ଯୁବକମାନେ ଅଛନ୍ତି। ଜାଗୁଆରର ଗତି ୧୫୦ କିଲୋମିଟରରୁ ଅଧିକ ଥିଲା। ଏହି ଦୁର୍ଘଟଣାରେ ୧୫ ଜଣ ଆହତ ହୋଇଛନ୍ତି। ସମସ୍ତ ଆହତଙ୍କୁ ନଗର ଡାକ୍ତରଖାନାରେ ଭର୍ତ୍ତି କରାଯାଇଛି। ମିଳିଥିବା ସୂଚନା ଅନୁଯାୟୀ, ଗୁରୁବାର ସକାଳେ ISKCON ବ୍ରିଜରେ ଆଉ ଏକ ଦୁର୍ଘଟଣା ଘଟିଥିଲା, ଯେଉଁଥିରେ ଟ୍ରକ ଏକ ଥାର୍ SUV କୁ ଧକ୍କା ଦେଇଥିଲା। ଏହି ଦୁର୍ଘଟଣା ପରେ ଡ୍ରାଇଭର ଖସି ପଳାଇଥିଲା।
ଘଟଣାସ୍ଥଳରେ ଏକ ଜନସମାଗମ ହୋଇଥିଲା। ଏହି ସମୟରେ ଏକ ହାଇ ସ୍ପିଡ୍ ଜାଗୁଆର କାର ବ୍ରିଜରେ ଉପସ୍ଥିତ ଥିବା ଲୋକଙ୍କ ଉପରେ ମାଡିଯାଇଥିଲା। ପୋଲିସ କହିଛି ଯେ, କାର ଡ୍ରାଇଭର ସତ୍ୟ ପଟେଲ ମଧ୍ୟ ଆହତଙ୍କ ମଧ୍ୟରେ ଅଛନ୍ତି। ISKCON ମନ୍ଦିର ନିକଟରେ ଥିବା ଫ୍ଲାଏ ଓଭରକୁ ପୋଲିସ ସାମୟିକ ଭାବେ ବନ୍ଦ କରି ଦେଇଛି।
