ବାପ-ପୁଅ ଓ ସ୍ୱାମୀ-ସ୍ତ୍ରୀଙ୍କ ମଧ୍ୟରେ କେତେ ଟଙ୍କା କାରବାର ଉପରେ ଆସିବ ଇନକମ୍ ଟ୍ୟାକ୍ସ ନୋଟିସ୍ ? ଜାଣନ୍ତୁ
ନୂଆଦିଲ୍ଲୀ: ଯଦି ଆପଣ ପିତା ଏବଂ ପୁଅ ମଧ୍ୟରେ କିମ୍ବା ସ୍ୱାମୀ-ସ୍ତ୍ରୀ ମଧ୍ୟରେ ଟଙ୍କା କାରବାର କରନ୍ତି, ତେବେ ଏହି ଖବର ଆପଣଙ୍କ ପାଇଁ ଗୁରୁତ୍ୱପୂର୍ଣ୍ଣ । ତେବେ ଆମର ପ୍ରତ୍ୟେକ କାରବାର ଉପରେ ଇନକମର ନଜର ରହିଛି । ଏଭଳି ପରିସ୍ଥିତିରେ ଅନେକ ଲୋକଙ୍କ ମନରେ ଏକ ପ୍ରଶ୍ନ ଉଙ୍କି ମାରୁଛି କି ଟଙ୍କା କାରବାର ଉପରେ ମଧ୍ୟ ଇନକମ୍ ଟ୍ୟାକ୍ସ ଆସିପାରିବ କି?
ଆପଣ ନିଜ ପରିବାରରେ କେତେ ନଗଦ କାରବାର କରିପାରିବେ ?
ଟ୍ୟାକ୍ସ ବିଶେଷଜ୍ଞଙ୍କ ଅନୁଯାୟୀ, ଯଦି ଆପଣ ଘର ଖର୍ଚ୍ଚ ପାଇଁ ପ୍ରତିମାସରେ ଟଙ୍କା ଦିଅନ୍ତି କିମ୍ବା ଉପହାର ସ୍ୱରୂପ ଟଙ୍କା ଦିଅନ୍ତି, ତେବେ ପତ୍ନୀଙ୍କ ଉପରେ ଇନକମ ଟ୍ୟାକ୍ସର ନୋଟିସ୍ ଆସିନଥାଏ । ଉଭୟ ପ୍ରକାରର ରାଶି ସ୍ୱାମୀଙ୍କ ଆୟ ଭାବରେ ବିବେଚନା କରାଯିବ । ପତ୍ନୀ ଏହି ରାଶି ପାଇଁ ଆୟକର ବିଭାଗ ପକ୍ଷରୁ କୌଣସି ବିଜ୍ଞପ୍ତି ଗ୍ରହଣ କରିବେ ନାହିଁ । କିନ୍ତୁ ଯଦି ପତ୍ନୀ ବାରମ୍ବାର ଏହି ଟଙ୍କାକୁ କୌଣସି ସ୍ଥାନରେ ନିବେଶ କରନ୍ତି ଏବଂ ଏଥିରୁ ଆୟ ପାଆନ୍ତି, ତେବେ ଆୟ ଉପରେ ଟ୍ୟାକ୍ସ ଲାଗିବ । ଅନ୍ୟ ଅର୍ଥରେ ବର୍ଷକୁ ବର୍ଷ ହିସାବ କରାଯାଉଥିବା ନିବେଶର ଆୟ ପତ୍ନୀଙ୍କ ଆୟ ଭାବରେ ବିବେଚନା କରାଯିବ, ଯାହା ଉପରେ ଟ୍ୟାକ୍ସ ଦେବାକୁ ପଡିବ ।
ଇନକମର ଟ୍ୟାକ୍ସର ଧାରା ୨୬୯ଏସଏସ ଏବଂ ୨୬୯ଟି ଅନୁଯାୟୀ, ୨୦ ହଜାରରୁ ଅଧିକ ନଗଦ କାରବାର ଉପରେ ଜରିମାନା ଲାଗୁ କରାଯାଇପାରେ । ତଥାପି, ଅନେକ କ୍ଷେତ୍ରରେ ଏଥିରେ ଛାଡ୍ ମିଳିଥାଏ ।
ଏହି ମାମଲାଗୁଡ଼ିକରେ ଛାଡ୍ ରହିଛି :-
ଉଦାହରଣ ସ୍ୱରୂପ, ବାପା-ପୁଅ, ସ୍ୱାମୀ-ସ୍ତ୍ରୀ ଏବଂ କିଛି ଘନିଷ୍ଠ ସମ୍ପର୍କୀୟଙ୍କ ମଧ୍ୟରେ ହୋଇଥିବା କାରବାର ଉପରେ କୌଣସି ପେନାଲ୍ଟି ଲାଗିନଥାଏ । ଏହି ମାମଲାଗୁଡ଼ିକରେ ଛାଡ ଦିଆଯାଇଛି । ସରଳ ଶବ୍ଦରେ କହିବାକୁ ଗଲେ ଏହି ରାଶି ପାଇଁ ପତ୍ନୀଙ୍କୁ ଆୟକର ବିଭାଗରୁ କୌଣସି ନୋଟିସ୍ ମିଳିବ ନାହିଁ । କିନ୍ତୁ ଯଦି ପତ୍ନୀ ବାରମ୍ବାର ଏହି ଟଙ୍କାକୁ କୌଣସି ସ୍ଥାନରେ ନିବେଶ କରନ୍ତି ଏବଂ ଏଥିରୁ ଆୟ ପାଆନ୍ତି, ତେବେ ତାଙ୍କୁ ଆୟ ଉପରେ ଟ୍ୟାକ୍ସ ଦେବାକୁ ପଡିବ ।
